خدمات متبادلة

11

قلبي يا قلبي تركني يا قلبي .... مش وقتا هلق ارجع حب
هلق ما فيي و منه بايديي ..... مابعرف شو صارلو هالقلب
#نانسى عجرم
#قلبى ياقلبى
____________________________________________________________________
ليبتسم انس لايلاف و هو يجلس على رجله امام ايلاف التى نظرت له بدهشه و تعجب من جلوسه و يقول : بالعكس اسيبها دا انا جاى اصلحها عشان هى اللى هاتسبنى ..، و جمعت اصحابنا عشان يحننوا قلبها عليا ...
لتنصدم هدير من الذى فعله انس بانه يترجى فتاه لمصالحته و تنحرج من موقفها ...
لتقول باحراج و توتر : اهاا مش كنت قولت ..، كويس بردوا عشان اقدر اقولها انك اول مرة تعمل كدا مع بنت .. ثم توجه كلامها لايلاف وتبتسم بتوتر و تكمل : انه يعنى يعتذر لبنت ... اصل انس البنات حوليه كتير لو بنت زعلت بيبص لواحده تانيه مبيحبش يوجع نفسه !
انس و هو ينظر لايلاف بندم غير مهتم لهدير : انا اسف بجد مكنش قصدى اقول كدا
لتنظر له ايلاف بغل و غضب منه و هى تفكر انه يفعل ذلك بسبب هدير و
كلامها و لكى لا تنكشف لعبته
ايلاف بابتسامه مصطتنعه و هى تنظر لهدير مستكمله تمثيل عليها كما تعتقد ان انس يفعل : انا مش زى البنات اللى حوليه يا هدير و على ما اعتقد دا باين صح ... ثم تنظر لانس و تقول : و هو اكيد فاهم كدا و انس غلط جدا و كان لازم يعتذر و لااايه ؟
ليؤمى انس و يقول بجديه و ابتسامه و هو يعتقد انها فهمت مغزى اعتذاره و تقبلته  : يعنى صافى يا لبن !!
لتؤمى ايلاف بنفس الابتسامه ... لتقول هدير ببتسامه متوترة : خلاص بمناسبه انى اول مرة اشووف انس بيعتذر لبنت فانا عزماكوا بكره على حفله فى يختى الجديد
ليقول عمار بابتسامه : و مااله و حشتنى الحفلات
لترد ايلاف قبل انس : سورى يا هدير بس احنا مبنحبش الحفلات دى
لتقول هدير بخبث : ايه دا !! لا مينفعش لازم تيجى لو مجتيش هيعتبر انك مقبلتيش اعتذار انس ولا ايه يا انس؟؟
ليبتسم انس بخبث هو الاخر غير مبالى لنظرتها التى تحذره من القبول : ايوة لو مجتيش معناه ان انتى مقبلتيش الاعتذار و ياستى ضحى هتكون معاكى بردوا هااا ؟؟
لتقول ضحى هذه المرة بلامبالاه : لا انا ورايا شغل
ليبتسم عمار و يقول : هديكى اجازه مدفوعه
لتضحك ضحى و تقول : مدفوعه مرة واحده دا الصحوبيه دى هتفدنى انا
ليؤمى لها لتقول : خلاص ماشي لو ايلاف وافقت
لتقف ايلاف بتوتر و هى تقول : هفكر عن اذنكوا لازم نمشي يلا يا ضحى
لتنهض ضحى و يذهبا لتقول لها ايلاف و هما مبتعدا بهمس و غضب كى لا يسمعاها : انتى اتجننتى ازاى هننزل و نروح معاهم ؟؟ غير ورانا شغل هقول ايه لبابا ؟؟
ضحى بابتسامه و هى تغمز لها  : بكرة السبت يا حلوة مافيش شغل و لا نسيتى !! .. ثانيا عمو سبيه عليا ... و بعدين بصراحه انا عايزة اروح عشان عمار و عشان اشوف انس هيعاملك ازاى بعد اعتذاره دا
لتضحك ايلاف بسخريه و تقول : اعتذار انتى افتكرتيه بجد دا عمل كدا عشان يكمل تمثليته صح ...ثم تصمت لثوان و تنظر لصديقتها بعد ركوبهم السيارة : و بعدين تعالى هنا ايه حكايتك انتى و عمار انتو تعرفوا بعض ؟؟ و هديكى اجازة مدفوعه و عايزه تروحى عشانه و بتاع !! هو فى اييه ؟؟
لتضحك ضحى و تقول : كنت هقول و الله بس انتى كنتى مكتئبه فقولت اطلعك من اكتئابك و بعدين احكى
لتبتسم ايلاف و تقول : انا زى الفل اهو احكى يلاااااا
لتبدا ضحى باخبارها بيومها و كيف عاملها عمار و كيف انه شخص مرح و ذكى
ظلا يتحدثان عما حدث معه طول اليوم حتى وصلا الى بيت ايلاف ليصمتا فتقول ايلاف بحزن : مضايقه انى بكدب على بابا و ماما اوى
ضحى : لمده صغيرة و هنهى كل دا و مش هتبقى مضكرة تكدبى تانى
لتتنهد ايلاف و تقول : طيب هنقولهم ايه على بكرة ؟!
ضحى بتفكير : هنقوله الحقيقه او نص الحقيقه  بمعنى عندى رحله تبع الشغل يخت فى البحر و حجزتلك معايا كالعادة بس
لتتنهد ايلاف و تقول : ماشى هيوافقوا كدا
لتضربها ضحى بمزاح فى كتفها و تقول : بطلى كابه الواد اعتذر خلاص
لتضحك مرة اخرى ايلاف و تقول : هثبتلك انه كان بيمثل
ضحى : هيمثل ليه قدامها مش فاهمه ؟؟ و لو هو هيعرف منين انها كانت موجودة عشان يمثل مش كانوا موجودين من قبلها !! فاكيد عشان يعتذر ؟!
ايلاف : لااا اكيد عمار لما شافك قال يتعرف اكتر عليكى فجابه معاه .. و لما شاف هدير جايه و احنا كنا مضايقين فقال يمثل انه بيعتذر و كدا و بعدين هى دى البنت اصلا اللى اتفق معايا امثل معاه قدامها عشان تبعد عنه ...
ضحى بتفكير : القمر دى
لتؤمى ايلاف و هى تبتسم : القمر دى .. يلا تشاووو
لتقول ضحى : تشاو يا بيبى ... بس صدقينى كان بيعتذر بجد
لتؤمى ايلاف و تذهب ..
دخلت منزلها و سلمت على اهلها ثم ذهبت لغرفتها لتبدل ملابسها و بعد فترة خرجت لتجلس معهم ... ليتحدثا معا و يجلسا فى جو عائلى دافئ حتى قال والدها : يلا تصبحوا على خير هنام
و كاد ان يذهب لتقول ايلاف : بابا ضحى حجزتى معاها فى شغله لرحله يخت بكره 
الاب : تااانى هى البت در مش هتبطل حركتها دى و لا ايه
لترفع ايلاف اكتافها بمعنى لا اعرف و ابتسامه
ليؤمى الوالد و يقول بابتسامه هو الاخر : للاسف بحبها بنت الايه فهوافق يعنى معنديش حل غير كدا و الا هتزن زى كل مره لحد ما اوافق
لتضحك ايلاف و تقول و هى ترمى له قبله فى الهواء  : شكرا يا بابى يا حبيبى
لتقول الام التى كانت تتابع الحوار بابتسامه : و انا ايه مليشه نصيب و لا بابا الى بيوافق بس
لتنهض ايلاف و هى تضحك لتذهب و تحتضنها : انى الكل يا ست الكل
لتقول الام و هى تضربها بخفه على كتفها : يلا يا بكاشه .. ادخلى نامى بقى عشان الست ضحى هتنط من الصبح
لتؤمى ايلاف و تذهب لغرفتها و تقول : ماشى يلا تصبحوا على خير يا حلوين
الاب و الام فى صوت واحد : و انتى من اهل الخير يا حبيبتى
لتدخل غرفتها و تغلق باباها عليها و تمسك هاتفها و كادت ان تحدث ضحى لتجد رقم غريب يرن عليها ...
لتفتح المكالمه و تقول باستفهام : الوو !!
الشخص : هاتيجى بكرة صح !!
ايلاف باستفهام : افندم _!! 
ليضحك الشخص ويقول : مش معقول حبايب و مش مسجله رقمى !!
لتفطن ان الذى يحدثها هو فتقول : انس!!
ليرد انس : نعم
ايلاف بغضب : اولا احنا بنمثل فمسمعش انك تقول حبايب تانى فاهم .. ثانيا جبت رقمى ازاى ؟؟
ليرد هو بهدوء و على ثغره ابتسامه : اولاا احنا حبايب يا فراشه حتى لو بنمثل فتمثلنا ان احنا بنحب بعض ..، ثانيا مش هتعب يعنى عشان رقمك و عشان ترتاحى اخدته من تليفون ماما
ايلاف و مازلت على وضعها الغاضب : كنت لازم اتوقع دا ... عايز ايه دلوقتى انت ؟؟
انس بنفس الهدوء : اتاكد انك جايه بكرة ؟ .. هتيجى صح ؟؟ يعنى اكيد مش هتكسفينى قدام هدير ؟؟
ايلاف : ها .. طبعا بتكلمنى عشان صورتك اكيد لازم صورتك تكون كويسه قدامها ...و بعد التمثيل اللى عمليته انهارده فلازم اجى عشان متكسفش نفسك .. بس عارف مكنش فيه داعى تعتذر و تنزل على رجلك و الشو دااا كله كنت قولت عادى ان احنا بنقطع علاقننا .. اه صح هتقول كدا ازاى و احنا لازم نمثل فترة مع بعض
ليتعجب انس من كلامها و يقول بتعجب و دهشه واضحين فى صوته : شووو و صورتى !!؟ ... هو للدرجه دى شايفنى حقير وبتاع مظاهر و ميهمنيش الا شكلى ؟!
لتصمت ايلاف متجنبه الرد
ليكمل انس بضيق و يقول : عارفه انا حاليا مش هاممنى شايفانى ازاى بس حابب اوضح حاجه .. انا فعلا كنت بعتذر بجد على كلامى بتاع الصبح و ان كنت عايز احرج هدير و مكنتش عايز ...( ليصمت قبل ان يكمل و يقول بانه كان لا يريدها ان تكون فى هذا الموقف ) .. ما علينا .. بكلمك دلوقتى عشان اقولك ان هنزل على ١٠ الصبح و كنت بسال هتيجى ازاى عشان لو كدا هاجى اخدك ؟!
لتصمت ايلاف و هى تشعر بالذنب انها ظلمته لتقول بهدوء : لا متتعبش نفسك هاجى مع ضحى
ليقول انس بضيق : ماشى تصبحى على خير
لتقول ايلاف بسرعه قبل ان يغلق : انس استنى ..
انس : نعم !؟
لتصمت قليلا تفكر بحرج كيف توضح له انها فهمت ذلك بسبب كلامه معها الصبح ليقطع تفكيرها انس قائلا
انس بضيق  : فى حاجه ولا اقفل !؟
ايلاف بتوتر : انا بس كنت عايزه يعنى اقولك ان .. انا فهمت كدا بسببك يعنى ..كلامك معايا الصبح .. و فى اللعربيه .. خلونى افهم ان كل همك اللعبه اللى بنلعبها ... و لما شوفت هدير افتكرت ان هى البنت اللى انت وافقت اصلا نمثل  التمثليه دى عشان تبعد عنى ... ففهمت ان الاعتذار عشان تحرجها و انه ضمن اللعبه بتاعتنا
انس بضيق من فهما الخاطئ له و من نفسه ايضا : عندك حق لو مكانك كنت فكرت كدا بردوا ... بس صدقينى انا كنت هعتذر على اللى حصل منى حتى لو هدير مكنتش موجوده
ايلاف بابتسامه لا تعرف سبهها و لكنها فرحت بانه كان سيعتذر مهما كان السبب لتقول بهدوء : ماشى
انس بعدم فهم : ماشي ؟!
لتضحك ضحكه قصيرة ايلاف و تقول : اه ماشى مش كل واحد فهم التانى كان قصده ايه فخلاص ماشي
ليبتسم انس هو الاخر و يقول : ماشي
ليصمتا هما الاثنان لثوان و الابتسامه على و جههما هو مبتسم انه اوضح موقفه امامها و تفهمته و تقبلت اعتذاره ... و هى تبتسم لان اعتذاره حقيقى ليس ضمن لعبتهم
لتقطع هى الصمت و تقول : طيب يلا تصبح على خير
انس باستعجال قبل ان تغلق محاوله فى ان يجعلها تتحدث معه قليلا : يعنى كدا هشوفك بكرة ؟
لتؤمى ايلاف و تقول : ايوة
انس مرة اخرى : هتيجى بردوا مع ضحى ؟!
ايلاف و هى تبتسم : طبعاا
انس : اممم .. ماشى اشوفك بكرة .. و لو ضحى غيرت رايها فرقمى بقى معاكى
لتضحك ايلاف : لا مش هتغير رايها.. يلا اشوفك بكرة
و اغلقا الهواتف ليجلس هو على كرسى بغرفته يفكر بها ...بينما هى تنام على سريرها مبتسمه تفكر فى هذه المكالمه الغريبه .. لتبعده عن افكارها و هى تبتسم و ترسل رساله لصديقتها تخبرها بموافقه والدها و موعد الذهاب ثم
تنام الجميله تحلم بالشاطر حسن ... بينما الشاطر حسن يجلس لاول مره بعد مهاتفه فتاه يفكر بها مبتسما يتمنى الغد ياتى سريعا ليراها ....
____________________________________________________________________
#انس و # ايلاف
بعتذر على الاخطاء الاملائيه