حبيتك واحنا صغار واحنا لسى بذمه الاقدار

19

في غرفة العمليات وماستغرقت العملية كثير بعدها ونقلوا بتيل لغرفتها ودخل عزام عندها ومنهك من التعب جلس على الكرسي بتعب له ثلاث ايام ماينام ولا يطب فمه اكل ماغير يدخن .
بدت تصحى بتيل من تأثير البنج وتفتح عيونها بصعوبة لفت على عزام بهدوء وكانها قرت الحكي من عيونه وغمضت عيونها و دموعها تنزل بهدوء : خذيت بنتي صح ؟
عزام سكت وهو يهز راسه بإيجابية ضحكت بتيل بسخرية : طفشت اعاتبك عزام خلاص سو اللي تبي تحرمني من كل شي وقفت على جثة بنتي .
استغرب ردة فعلها رفع راسه بقوة وهو يناظرها مستحيل هذي بتيل ؟
قامت بكل برود ورفعت السماعة وطلبت اكل من المطعم اللي بجمب المستشفى ودخلت تتسبح ولما طلعت لقت الاكل وصل وعزام على حاله مصدوم توقع ابسط شي تصرخ ؟ لكن حتى صوتها مارتفع بس دموع تنزل بدون اي ردة فعل !
جلست على الكنب اللي فيه عزام وفتحت الاكل وطلعت الشوكه واشرت ل عزام يفتح فمه ، فتح عيونه من الصدمة تاففت بتيل بطفش : معطيتك ذهب انا ؟ تراه اكل يالله افتح فمك " فتح فمه وكل باستغراب "
بتيل تعطيه الشوكه وهي تنسدح بتعب : بيبي عاد عشان اكلك انا ؟ كل بروحك يالله خلص صحنك
عزام : وانتي ؟
بتيل : من متى وانا اكل ؟ انا طالبته عشانك ماتشوف وجهك كيف " شهقت وهي تضرب جبهتها " اي صح طلع باكيت الزقاير بسرعه اشوفه على الطاولة
عزام وهو يتخصر : لا عاد ؟
بتيل : عزام لا تكثر حكي والباكيت قدامي ولعد اشوفك مدخن عشان ماقطع اصابعك
عزام بقل حيلة يطلع الباكيت ويحطه قدامها وحطته في جيبها : يالله كمل اكلك
عزام وهو يتافف : مابي اكل من شكى لك الحال
رفعت حاجبها بحدة : نعم ؟
عزام قمط منها باين مو ناويه خير وهو فعلًا جوعان خلص صحنه ولف عليها لقاها تناظر السقف بهدوء وهي منسدحة ودموعها تنزل بس صوت ولا شيء .
'
من اول ماطلع من المستشفى توجهه ل بيت ابو موضي لان اعلنوا خبر انهم لقوا جثتها وجثه الرجال واتضح انهم منتحرين بدون ماينكشف اي شي سواه جسار وتسكرت القضية دخل وهو يحمل شنطة : عظم الله اجرك
ابو موضي بحزن : اجرنا اجرك ياجسار ماتقصر كانت بتكون زوجتك بس خذها الموت
جسار بثقة وهو يتقهوى : بامكانك تعوضني وفوقه هدية مني بعد " فتح الشنطة بخبث " 18 مليون !
شرق ابو موضي من هولة المبلغ بالنسبة له مو متعود هدية على طبق من ذهب : وش تامر عليه ؟
جسار : كلمتين ماتضرك بشيء تقول لاهلي بما ان موضي ماتت لازم السر ينكشف وهو طبعا كذب مافيه سر بس عشان يمشي عليهم ان فيه ناس كان يبون موضي لولدهم وانت رافضهم وتقدموا اكثر من مره في نفس الوقت اللي كنت انا ابي فيه ارين مو موضي .
جسار : كلمتين ماتضرك بشيء تقول لاهلي بما ان موضي ماتت لازم السر ينكشف وهو طبعا كذب مافيه سر بس عشان يمشي عليهم ان فيه ناس كان يبون موضي لولدهم وانت رافضهم وتقدموا اكثر من مره في نفس الوقت اللي كنت انا ابي فيه ارين مو موضي وانت قلت تبيني اخطبها كلام عشان يروحون وبعدها اخطب ارين رسمي ونفك خطبة موضي وبس يعني ماكنت ابي موضي كنت ابي ارين ب
ابو موضي : بس كذا ؟ من عيوني هذي قبل هذي
جسار يحك دقنه وهو يقوم بيطلع : اقنع ارين قبلهم انا اعرفها ذكية مستحيل يمر عليها بسهولة
طلع وهو يتنهد والله مو قدرك يارين 8 مليون بس جدك اي مبلغ يسد عينه ابشري بالمهر اللي يعوضك يابنت ابوك قبلك اختك خذت قلبي والحين انتي .
'
بعد اسبوعيين .
طلعت جوان من غرفتها بتعب من حملها اللي ثقلت دورت احد فوق مالقت استغربت ؟ تذكرت ان ام طلال نايمه وطلال طالع ل ملحق الشباب
وقفت على الدرج بتنزل تروح بيت امها حست بيدين خلف ظهرها تدفعها باقوى ماتستطيع بحقد في لمح البصر كانت باخر درجة وهي تنزف بالم من الطيحة
ناظرها المجرم بخوف وركض اقرب غرفه شافها !
طلعت الشغالة بخوف وهي تسمع صوت وانهبلت لما شافت جوان ماسكه بطنها وتصارخ بالم ركضت بخوف اتصلت على طلال اللي رد مروق : هلا
الشغالة وهي تبكي : بابا طلال تعال بسرعه
طلال فز بخوف : وش صاير ؟
الشغالة : مدام جوان في موت في احد دفي مع درج
صرخ بخوف : شلون ماتت جوان
فزوا اخوانها اللي كانوا مع طلال وركضوا مع طلال اللي يركض لبيتهم
دخل ولقى الشغالة ملبستها عبايتها تنتظرهم شالها وهو يضغط على يدها ويركب السياره : حبيبي تحملي عشاني وعشان ولدك
جوان وهو تشهق بالم : بسرعة طلال تكفى مافيني ااهه
في غصون 10 دقائق كانت بالمستشفى ودخلوها يشوفونها !
طلعت الدكتورة بعد فترة وكانوا كل العائلة عند الباب : الحمدالله جوان بخير مافيها اي شي الضربة ماثرت عليها بس يحزني اقولكم ان الجنين تشوهه بسبب الطيحة وجوان مازال عندها وقت تنزل الجنين
طلال وهو يمسك راسه : لا حول ولا قوة بالله
دخلوا عليها وسلموا وهي ميته من البكاء
ابو مصعب : يابنيتي الله يعوضك خير نزليه
جوان تبكي : مستحيل كيف ؟ هذا قطعه مني وفيني !
قامت يضغطون عليها انها تنزل الجنين و لفت ل بتيل : سوي شي انتي الوحيدة اللي بتفهميني توهم خذوا منك بنتك لا ياخذون مني جنيني
بتيل وهي تتعذب بذكر بنتها تكلمت ببرود تخفي فيه المها : ماراح ياخذونه منك وانا راسي يشم الهواء " ضغطت على يدها " انا بتيل اذا قلت الكلمة ماخلف فيها " لفت عليهم " حرام عليكم هذا جنين ؟ قطعه لحم ؟ واذا تشوهه يعني قامت الدنيا ولا قعدت مايفرق بس جيدين نزليه نزليه هذي ام تعرفون كيف تبيع الدنيا عشان ماتتاذي شعره منه
ابو مصعب : بس مشوهه
جوان : واذا مشوهه يعني ؟ ماراح احبه ؟ ماراح اضمه بالعكس انا تعقلت فيه اكثر تدرون ؟
طلال بهدوء : اصلا حتى لو بغيتي تنزلينه هذا ولدي مستحيل ارضى انهم ياخذونه " ضمها وهو يحترق نفسه يعرف من اللي تجرئ وسوا بولده وزوجته كذا ".
ابتسمت بتيل بضيق طلال وعزام اخوان لكن الفرق عزام باع بنته وطلال متمسك في ولده
طلعت من الغرفة وسمعت دكتورين يشوفون ملف جوان : والله ذا العائلة كل يوم مطيح واحد هنا شكلهم منصكين بعين
الدكتور الثاني : وعندهم وحدة توها ميته بعد وحدة مسقطة
بتيل لفت عليهم : الناس يصيفون باوروبا واحنا مصيفين هنا
ضحكوا على بتيل اللي مشت بضيق لبيتهم وهي تبتسم حياتها فضت لا عزام ولا ريان اللي خذه عزام يربيه عنده " بعد ساعة "
دخل غرفة بتيل بهدوء وهو يتسحب شافها جالسه ومعطيته ظهرها كان حاس انها تتالم بسبب موضوع جوان اليوم وتذكرت بنتها تعب من تجاهلها له يبي يضمها يعوض فقدانها كل هالفتره ! شافها جالسة على الارض وقدامها صندوق البومات صور .
بتيل ب بكاء : ليش جيت عزام ؟
عزام باستغراب : كيف عرفتي اني جيت
بتيل : شميت ريحة عطرك " رفعت صورة السونار " شوف هذا اول سونار سويته شف كيف بنتي مو واضحه
سكت عزام وهو يناظر الصورة ، رفعت صورة ثانيه بضحكة فيها بكاء : هذي اخر صورة سويتها شوف كيف بنتي باينه " لفت بفرح لعزام مختلط ببكي " سمعت صوت نبضات قلبها وبسبب هالنبض تعلقت اكثر فيها تخيلتها من تطلع من بطني لين تتخرج من الجامعة " وصرخت بالم " بس انت خذيتها مني ، دائما تسرق اي سعادة لي ياعزام وتسالني ليه اكرهك ؟ الله لا يعشني يوم من عمري وانت فيه على قد هالوجع اللي سببته لي .
ضمها بهدوء كان عارف هذا الهدوء قبل العاصفة لما كانت بالمستشفى كانت مو في وعيها ماكانت مستوعبة اللي صار كان عندها امل تصحى قدر حالتها وابتسم غصب وهو يسمعها تستغفر عشان دعوتها .
'
'
بعد شهرين ، مر طبيعي مافيه اي احداث
بتيل من طلعت من المستشفى ماشافت عزام ولا كلمته !
اليوم زواج اخوانها اللي انشغلت فيه هالفترة ابتسمت وهي تسكر عقدها الالماس القت نظرة اخيرة على شكلها لابسه فستان كحلي ساده طويل مخصر على جسمها وسبعه من عند الصدر وفوقه قطعة فرو بيضاء على اكتافها وشعرها ستريت واطرافه ويفي كانت تجنن بشكل !
ودخلت القاعة وشافت " فاتن وجوان اللي بنهاية السابع وبثينة اللي بنهاية التاسع والهنوف اللي بنتها صارت تمشي " ابتسمت وراحت تساعد امها باستقبال المعازيم .
بعد ثلاث ساعات ، انزفوا هتان وجمانة وكانوا احلى ثنائي ببراءتهم وهبالهم !
هتان يهمس باذن جمانة : تذكرين مره لما قلتي ابي اسوي ب زواجي شي محد سواه من قبلي ؟
لفت جمانة بصدمة عليه
ابتسم لها : اي بنحاش فيك قدامهم كلهم اول ماتشوفين اشارة بتيل اللي واقفة عند باب القاعة نركض ولا همنا احد بتيل مضبطة كل شي " ضمها " انتي لي وانا لك !
ضحكت جمانة من هباله وفكرته اللي اعجبتها لانها نفس طينة الهبال 😂
اشرت لهم بتيل بمعنى 1 - 2 - 3
مسك يدها بقوة ورفعت فستانها ومسك شماغه ونزلوا يركضون لبرا القاعه " مثل الفيديو " والمعازيم شهقوا وش يسون هذولي مسرع ماستوعبوا وضحكوا عليهم ودعوا الله يوفقهم .
وبعدها زفة جسار وارين ، وبعدها غيث وجنى ، وبعدها العنود وبدر وبعدها خالد وريما .
بعد الفجر فضت القاعة مابقى الا الاهل .
جلست جوري بتعب وهي تفصخ الكعب ورباب تضحك : ياحليلها جنى تحقق حلمها وخذت فارس احلامها غيث
ضحكوا البنات ودعوا بالتوفيق لهم قامت بتيل بتشوف باقي من اغراضهم شي وقفت عند الممر لما سمعت تصفير لفت ولقت عزام ياكل علكة جديدة ويناظرها باعجاب وهو مبتسم ويعض طرف شفته : هلا والله وش هالزين
استحت غصب من نظرته : وشو عادي زي باقي البنات
عزام قرب وهو يضمها من وراء وخشمه على رقبتها : ‏تحسبين أنك مثل باقي البنات ؟ باختصار لا ياعين عزام انتي جمالك مشكله لو تجين لعرس كله فاتنات كل من حولك يغني مذهله💙.
بتيل : عزام شتسوي هنا ؟
عزام يتصنع البراءة : ماسوي شي
بتيل وهو تتخصر بشك : رجعت تدخن صح ؟
عزام شهق بكذب : من قال ؟
بتيل بعصبية : انا قلت ، العلكة الجديدة هذي وش والعطر اللي معك عشان ماشم ريحتك تحسبني غبية ؟
عزام بابتسامة يغمز لها : تخافين علي ؟
بتيل بحياء : انن تخافين علي انننن
عزام مات من الضحك على حركتها وهو يطلع الباكيت من جيبه : تبين اتركه ؟ ارجعي لي بتيل بموت انا بدونك والله ماتحمل شوفي كيف نحفت وكيف مرضت من كثر التدخين بتيل بعدك مرض تفهمين ؟
سكتت بتيل وهي تشوف الصدق بعيونه تنهدت ماتدري شتسوي ماتنكر لما ضمها تحرك كل مشاعرها النايمة ماتنكر ان نص ملابسه بغرفتها ببيت اهلها تضمها قبل ماتنام عشان تشم ريحته فيها .
شب زقارة وطفاها بيده وصحت بتيل من سرحانها لما شافته كذا صرخت بخوف بتيل وهي منهبلة من حركاته الطايشة : عزام ش حركات المراهقين هذي ؟ متى تكبر !
تنهد عزام وهو يمسح وجهه بألم : شايفة هالجبل اللي قدامك اذا دخل ب مجلس فزوا من هيبته رجاجيل أشناب ! الا معك ارجع طفل طمعان ب رأس ماله اللي هي لعبته وانتي راس مالي يابنت عبدالعزيز وش سويتي فيني ؟ " صرخ بوجع " من حبك عجزت أكبر ، كل ماحبيتك اكثر كل ماصغرت بسببك ! " حط يده ع خدودها وهو يتوسلها " : خافي الله فيني وارحميني
بتيل قربت بهدوء باست شفايفه : عزام لا تضغط علي تكفى انا شوي شوي اتقبلك !
ومشت ل عند اهلها وهي ماسكة عبرتها كانت بترضى كانت بترجع معه بس ماتدري شصار شي ردها عنه .
عزام كسر زجاجة العطر اللي كانت معه من القهر
'
العصر ب بيت الجد .
دخل وشاف الخدامة تمسح والبيت ساكن : نادي لي مدام الهنوف !
الخادمة : اوكي مستر عزام
كان واقف ينتظرها ، متكي ع الجدار ويفرك وجهه بتوتر ! كيف يعلمها ويصارحها ؟ خطأ كبير أنه يسكت " هذي العدالة " مسؤول عنها يوم القيامة قدام رب العالمين !
جته مبتسمه وبيدها رضاعة ميار : هلا عزام ، قدرت تعرف شي عن موضوعنا ؟
عزام هز رأسها بالإيجابية !
الهنوف بفرح : حسبي الله عليه اللي مايخاف ربه الحمدالله انه انكشف ربي مايظلم عباده ، بس مين ؟
عزام " بهمس " : عمي زياد هو اللي اخذ ميار من حضن امها وجابها لك كانها بنتك
صرخت الهنوف بشهقه وطاحت الرضاعة من يدها : مين !
عزام بخوف : هدي اعصابك
الهنوف وهي تبكي وتخبط خدودها : انت وش تقول مستوعب وش تقول ؟ حبيبي وزوجي يكون ب هالحقارة
دخل عليهم زياد وهو يناظرهم بشك : وش تسوون هنا ؟
الهنوف جت بقوة وسطرته كف : انت ماتخاف الله ؟ خذيت بنت قطعة لحم من حضن امها عشان تكذب علي كملت ميار سنة وانا احسبها بنتي بس قلبي عمره ماكذب عمري ماحسيت باحساس تجاهه ميار اني امها بس كنت اكذبه اقول مو متعوده على الامومة ليش يازياد فوق خيانتك لي انك تكلم الزفت ذي سلوى بالخفى تكذب علي ب بنتي
زياد بهدوء : كنت مادري وش اسوي خفت تنهارين من الصدمة انك تحملين 6 مرات وتسقطين وهذي المرة لما ثبت يموت وانتي تولدين طلعت لي الدكتورة سلوى اللي تحسبيني اخونك معها وقالت اذا ماتبي زوجتك تتعذب فيه واحد هنا اسمه سالم مايبي بنته تقدر تاخذها وهو بيتستر على الموضوع وفعلًا مشت خطتنا مضبوطة لين جاء الوقت اللي بدت سلوى تلعب على الحبلين بدت تهددني وتهدد سالم وتاخذ منا فلوس وكل يوم تدق علي اجل انفذ لها شغلة لين كرهت نفسي وكرهتك ياهنوف لاني احس بتانيب الضمير تجاهك
الهنوف تفلت عليه من قوة القرف اللي تحسها تجاهه : طلقني انا ماتشرف ابقى دقيقة على ذمة انسان مثلك .
زياد بالم : ولا انا ارضى تبقين على ذمة انسان قذر مثلي ، الهنوف انتي طالق طالق طالق
عزام وهو يحس نفسه مو وقته بس لازم يقول : عمي زياد انت مجبور تجي معي القسم انت وسلوى وسالم ذا وميار ترجع لانوار امها
زياد بهدوء : طيب انا بروح للقسم بسيارتي انت اسبقني خذ البنت من الهنوف ودها لامها
طلع وهو يمنع دموعه انها تنزل طلع وهو ماعنده نيه انه يعيش دقيقة وحدة ركب سيارته وثبت عداد السرعه على اعلى شي وشال يده عن الدركسون وغمض عيونه وهو يتشهد ماحس الا ب شاحنه تصقعه من جمبه لين طاح ب وادي وشبت فيه السيارة تجمعوا عليه الناس واتصلوا على الاسعاف ومامدى الاسعاف توصل لان زياد انتقل الى رحمة الله .
'
جاءهم الخبر ك الصاعقة ودخلت الهنوف في صدمة نفسية من فقدان ميار وزياد بنفس الوقت ، مرت ايام العزا من اسوء ايامهم ورفضوا ان المعاريس يعرفون وخلهم على عماهم لين يوصلون ويعلمونهم .
'
بعد اسبوع من الحادث ، عند المعاريس في اسبانيا .
دخل الشقة وهم ساكن من الصدمة لازم ينهي الامر هذا الحين مستحيل يمضي عمره معها ويظلمها لازم يخلي القرار لها هي تقرر بنفسها حتى لو تركته لها الحرية لو انه مستحيل يعيش بدونها ، شافها جالسة عند البالكونة بمرح وهي تشوف الثلج يتساقط
جلس بهدوء : جمانة تعالي
جمانه ناظرته بصدمة وهي تشوف وجهه كيف يخوف مسكت يده بخوف : وش صاير ؟
هتان غمض عيونه : لك حرية الاختيار اذا تبين تكملين معي او تمشين بدربك بكل الحالاتين بتبقين حبيبتي وبنت عمي " بغصة " جمانة انا عقيم طول مانتي معي مستحيل تفكرين بطفل وانا يابنت عمي مابيك تظلمين نفسك معي اذا ماتبيني انا والله عادي جمعي اغراضك عشان احجز اقرب رحلة لك على السعودية ترجعين لاهلك واخلص اجراءات الطلاق .
جمانة بصدمة وهي تسطره كف : انت كيف تتجرأ تقولها ؟ كيف اتركك ! انت وريدي انت الهواء اللي اتنفسه انت حلم حياتي كيف اخليك يوم ملكتك ، انا ببقى معك حتى لو مالي طفل انت طفلي مايهمني وش الاطفال " قامت تمسح دموعها وهي تضحك تحاول تغير جوه " بعدين انت وين عايش ترا في شي اسمه علاج اطفال انابيب
صرخ هتان بفرح وهو يدور فيها وهي تضحك وقف بحماس : ماراح ننتظر ساعه وحدة زيادة من الحين بروح نبدا العلاج وبنجلس باسبانيا لين ارجع لهم بطفل مستحيل ارجع السعودية بدون عبدالعزيز الصغير
ضحكت جمانة وهي تلبس شنطتها : يالله طيب ؟