في النادي كان ينتظرها طويلا ويكأن انها تاخرت عمرا عليه ..كيف له ان يشعر هذا الشعور وهو السبب في كل هذا...هي لم تعد تتذكره ولكن امتثلت لطلبه بعد عناء...وها هي قد اتت ليقف يتأمل ملامحها وينظر لها نظرة لوم وعتاب وهي تتقدم منه وتجلس أمامه دون ان تعيره اي اهتمام وتشيح بوجهها الي الجانب الأخر حتي لا يراها احد..ابتلع ريقه وجلس يهتف بمرارة قائلا
=ليه مش بتردي علي تليفوناتي يا تفيده؟
زفرت تفيده بحنق وخلعت نظارتها السوداء وقذفتها علي سطح الطاوله ناظره له باشمئزاز قائله
=انتي أكيد اتجننت يا باهر علي كبر...ده انت لما بنتك دخلت العيله محاولتش تكلمني ولا مرة...جاي دلوقتي تطلب تشوفني لا ومصر...
أغمض باهر عينيه بمرارة وهتف بحزن قائلا
=متغيرتيش يا تفيده...لسه محترمه ومتحفظه ...ومش عايزة تعملي أي شئ غلط في حياتك...حتي لما أبوكي غصب عليكي تتجوزى شرف...وعرضت عليكي تهربي معايا مرضتيش.
لوت تفيده شفتيها قائله
=ولما انت عارف اني مبحبش أعمل الغلط ...جايبني هنا ليه ومصر تقابلني ليه؟
تنهد باهر وقال
=جبتك هنا علشان تسامحني علي تخليني عنك زمان...بس صدقيني مش ذنبي أبوكي وشرف كانوا أقوى مني...ورموا في طريقي هاجر...ولو مكنتش اتجوزتها قبل ما انتي تتجوزى شرف...كان زماني مرمي في السجن...بس للأسف ربنا عاقبني فضل حارمنا من الخلفه وفين وفين علي بال ما جبنا خلود...فاكرة الاسم ده يا تفيده الاسم اللي اتفقنا نسميه سوا...قلنا أول طفل يا خالد يا خلود علشان يخلد حبنا...ده أول عقاب من ربنا...تاني عقاب عليا دلوقتي هو الكنسر.
شهقت تفيده ووضعت يدها علي فمها من الصدمه ودمعت عينيها قائله
=اوعي تفكر لحظه يا باهر اني مش مسامحاك...كل الحكايه اني مبعرفش أخون...وزى ما كنت مش بخونك زمان...عمرى ما أقدر أخون شرف...اينعم هو قاسي...بس ده مش يعطيني الحق اني أخونه...فأرجوك يا باهر بلاش اتصالك بيا...وانساني وانسي المواضيع القديمه...أنا مسامحاك من زمان...عن اذنك
نهضت تفيده ترتدي نظارتها متجهه نحو باب النادي وهي تتذكر كل ذكريات حبها القديم.
في مكتب حازم الهندسي المستقل والذي أخذ يبحث عن شخص يصمم له المشاريع باحتراف فأشار عليه زين بحسام زميل خلود وزوج هلا نظرا لاحترافيته في الرسم...دلف حازم علي حسام مكتبه وهو يرسم وشاردا فابتسم له حيث أنا حازم شخص لطيف في المعامله مع أي حد يعمل عنده...بمعني أدق يعتبره يعمل معه وليس عنده...شاهد حازم حسام وهو يرسم كاركتير عن عيد الحب فهتف ضاحكا
=ايه يا عم حسام انت لسه مجبتش هديه ولا ايه؟
مسح حسام علي وجهه وأرجع ظهره الي الخلف قائلا
