احببته سرا

الفصل الثاني

في اليوم التالي...حضر جميع الاعمام والعمات لمناقشه وضع سها..

العم الاكبر (خليل ابراهيم السيوفي رجل في نهاية العقد الخامس من عمره يتسم بالشده والحده له ثلاثة ابناء يعمل مدير عام في احدي الشركات ..
محمد خليل السيوفي..شاب في السادسه والعشرون من عمره يعمل في احدي الشركات محاسبا متوسط القامه ويحب احدي زميلاته..
اشرف خليل السيوفي..في السادسه والعشرون من عمره شاب كما نقول بلعاميه صايع ليس له هدف او مستقبل فهو تخرج من كلية تجاره مستهتر يحب الخروجات والسهر ويريد الزواج من سها..
احمد خليل السيوفي..في السابعة عشر من عمره خفيف الظل يحب المرح تحبه جميع افراد الاسره بما فيهم سها..
اما زوجته فهي السيده منال محسن فاروق ..مديره مدرسه وكما هو المعروف عن مديره المدرسه فهي شديده الطباع ولاكن حنونه علي اولادها...)

العم الاصغر(محمود ابراهيم السيوفي في اوائل العقد الخامس من عمره ليس بلرجل السيئ ولاكنه يحب تجميع الاموال ظنا منه ان بذلك يوفر له حياه مرموقه واسره جيده له ثلاث اولاد وفتاه ..

مروان محمود ...في السابع والعشرون من عمره يعمل في ذات الشركه التي يعمل بها والده متزوج من زميلته بالعمل ومعه طفلتان تؤم وهما اسيل ورسيل..

عمر محمود...في الثالثه والعشرون من عمره يدرس بكلية الصيدله وملتزم اخلاقياا..

ابراهيم محمود...في الثامن عشر من عمره صديق احمد وله نفس طباعه ويحب ابن عمته مرام ..
زوجته متوفاه من خمسة اعوام...)

العمه الوحيده...(خلود ابراهيم ربة منزل في الخامس والاربعون من عمرها لديها ثلاث فتيات وفتي...

سيف امير الحجازي..يعمل بلشرطه مكافحة المخدرات في السابع والعشرون من عمره متزوج من ابنة عمه وليس له اطفال...

ريما وريم..تؤم متماثل في الثانيه والعشرون من عمرهم يدرسان في كليه الصيدله علي حد كبير من الجمال وريما تحب ابن خالها عمر لاكن لا احد يعلم باستثناء اختها ...

مرام امير في السادسه عشر من عمرها هادئه الطباع خجوله وتحترم وتحب اخيها سيف جدا..
متزوجه من امير الحجازي صاحب شركه الحجازي للتصدير
حنونه الي ابعد حد ولاكن تشغل بالها دائما بحديث المجتمع او كما نقول كلام الناس ...)

تحدث خليل قائلا :سها يا بنتي انتي مش هينفع تقعدي هنا لوحدك بعد كده وهتيجي تقعدي معايا في بيتي من انهارده و...
قاطعته خلود قائله : عندك اذاي يا خليل بيتك كلو ولاد شحطه خليها تيجي تقعد عندي انا وهو تقعد مع البنات..
محمود:خلود معاها حق ي خليل..
صمت خليل قليلا ثم قال:وادي مكان قاعدك وخلصنا منو نيجي بقا لتوزيع الميراث احنا هنروح للمحامي بكره علشان نشوف الشركه اللي سايبها ابوكي والفلوس هتتوزع اذاي..
سها: بس انا مش عيزا اقعد مع حد انا مش هسيب شقة بابا .
خليل بحده: وتقعدي لوحدك علشان تدوري علي حل شعرك من غير حاكم صح لا طبعا ده انا ادفنك حيه
خلود محاوله في تهديئ اخوها: اهدي بس يا خليل هي لسا متاثره بموت ابوها برضو..وانتي ي سها مينفعش تقعدي لوحدك ف البيت الناس يقولو اي رمو لحمهم في الشارع ميصحش ي ضنايا..
سها في سرها: يعني كل ده علشان كلام الناس مش علشان مصلحتي..خلاص انا موافقه ده القعاد اما الفلوس ف معظمها خلص علي علاج بابا الله يرحمه.
محمود:خلص اذاي يعني ابوكي اغني واحد فينا
سها ناظره له شظرا:اديكو هتروحو بكره للمحامي وتشوفو عن اذنكم هطلع الم حاجتي.....
رحلت سها مع خلود علي موعد بلقاء غدا للذهاب الي المحامي  ....
في منزل خلود..
خلود :معلش بقا البيت فاضي سيف لسا مجاش ومراتو تلاقيها نايمه والبنات ف الكليه والمدرسه ..
سها بابتسامه لعمتها:ولا يهمك يا عمتو ..
خلود:اطلعي يا بنتي ريحيي فوق عقبال ما يجو العيال ونتغدا كلنا سوا.
سها :حاضر ي عمتو...
صعدت سها بمساعده عمتها اللي الغرفه التي ستبيت فيها وهي غرفة مرام مؤقتا الي حين تجهيز غرفة لها وابدلت سيابها باخري مريحه للنوم ولاكن محتشمه وقامت بفرد جسمها علي السرير وبدءت في البكاء علي غياب ابيها وما حل وسيحل بها ظلت شارده تفكر في امورها وما سيحدث الي ان غفت...
استيقظت هنا (زوجة سيف وهي ابنه عمه في الخامسه والعشرون من عمرها كانت تحب سيف قبل الزواج وهو ايضا الي ان تقدم لخطبتها وتزوجها فتاه هادئه الطباع حنونه ومرحه يحبها جميع افراد المنزل ومعظم اوقاتها تجلس مع ريما وريم..) وذهبت لتبحث عن خلود وجدتها في المطبخ تعد وليمه وليس طعام عادي ..هنا مازحه:اي كل ده ي خوخه احنا جاي لينا ضيوف ولا اي
خلود لاثارة غيظها:اها سيف ابني عازم اهل خطيبتو ولازم الجماعه يجو يلاقو حاجه تشرف
هنا عابسه: خطيبه مين قولتي ده انا كنت قتلتهولك وعملتلك عليه شوربه تقدميها للضيوف...
سيف من خلف الباب: كده يا ماما تقوللها اني خطبت كنت عايز اعملهلها مفجأه..
فزع كلا من خلود ونها ولاكن استدركت خلود الامر سريعا مكمله ما بدءته هي وبدراما كبيرا: كان لازم تعرف يا بني امال هندخلها علي الناس علشان تقول انها موافقه ع ضره اذاي
نها بعد ان استوعبت ما يقول: مين دي اللي موافقه .ممسكه بلسكين جانبها..وديني لقتلك يا سيف بقا انت جاي تجبلي ضره وربي ده اقتلك وادفنك هنا ...
وهنا لم يستطيع اي من خلود او سيف كبت ضحكتهم ف انفجرو في الضحك علي مظهر نها وهي ممسكه بلسكين ف محاوله منها لتخويف سيف وتهديده
سيف ناظرا اليها بحب: ده انا اموت قبل ما بص لوحده تانيه غيرك ي حببتي ولو عملتها ان شاء الله يدوسني تروماي
نها سريعا: بعد الشر عليك متقولش كده ي حبيبي
سيف:خايفه عليا..
نها بدلع انثوي: طبعا هو انا ليا غيرك اخاف عليه ده انت الهوا اللي انا عايشه بسببو
سيف غامزا لها بمكر:طب ما تيجي نطلع اوضتنا فوق ونشوف الموضوع ده كويس
نها وقد احمرت وجنتاها :سيف الله
وطبعا كلكو بتسئلو ع خلود فهي قاعده وبصلهم نفس بصه طلعت ذكريا في فيلم حريم كريم اللي هو الله حادثه😂😂
خلود: اي منك ليها غورو من هنا مش ناقصاكو هي الاكل اتحرق اطلعو حبو برا
نها وقد ادركت وجود خلود معهم فقامت بضرب سيف ع كتفه وخرجت سريعا من الاحراج
ضحك كلا منهم عليا وبعد ان هدأو تحدث سيف قائلا:مين جاي لينا انهارده يا ماما
خلود: ده بنت خالك سها هتيجي تعيش معانا هنا ميصحش تقعد لوحدها ولا عند حد من عمامك
سيف : هو اللي ميصحش وجدها هنا يا ماما لان بابا مش ملزوم يصرف عليها ده عممها اللي المفروض يتكفلو بده بس طلاما انتي شايفه ان وجودها هنا لازم براحتك..
كانت سها واقفه واستمعت الي ما قاله سيف حيث انها استيقظت عطشا فنزلت الي الاسفل للبحث عن عمتها لتشرب ف سمعت ما قاله سيف وصعدت اللي غرفة مرام مره اخري
خلود: اي يا ابني اللي بتقولو ده يعني لقمه نفر هي اللي هتتعبكو
سيف : انا مقولتش كده يا ماما ومع ذلك انا اسف يا ستي وادي راسك ابوسها.
خلود مناكشه اياه:لا ي خويا روح بوس مراتك
سيف ضاحكا: ونبي انتي ست ذي الفل اما اروح ادور عليها بقا..
وخرج سيف تاركا خلود تضرب كف بكف علي جنونه..
في الاعلي عند سها...
جلست شارده تفكر لا لن تقبل ان تكون عاله علي احد وان يتحمل احد مصريفها ستبحث عن عمل اللي جانب دراستها لتوفر كل احتياجتها دون مساعده او شفقه من احد....
قرب العصر اتي جميع افراد المنزل من جامعته ودروسهم ليجتمعو علي مائدة الغداء بصحبة سها بعد ان رحب بها الجميع وسعدت الفتتاتان ريم وريما بوجودها كثيرا فهم يحبونها جدا ...
سها متنحنحه: احمممم بعد اذنك يا عمتو انا قررت ادور علي شغل بجانب درستي
خلود: يا مصبتي لي ده عايزا الناس يقولو اهلها مش قادرين يصرفو عليها فنزلوها تشتغل..
سها: لا يا عمتو طبعا بس انا حبه اكون ليا ذات واشتغل
خلود : يا تشتغلي بشهدتك بعد التخرج يا مفيش شغل خالص ..
سيف متدخلا: سبيها تعمل اللي يريحها يا ماما هي حره
خلود : اخرس يا واد انت قال تشتغل قال
سها محاوله في اقناع عمتها: ي عمتو ما انا هشتغل متدربه في مجالي لحد ما اتخرج علشان اكون كسبت خبره وده هيفدني ف شغلي بعد كده..
خلود مستسلمه: اعملي اللي يريحك يا بنتي
سها مبتسمه: شكرا ليكي يا عمتو
وانقض اليوم دون احداث تذكر واتي موعد المحامي في اليوم التالي....
البارت ده خلص كده اتمني ينول اعجبكو
#نجلاء