عشق محرم ( روايات ليبية )

حلقة 11🔥

#عشق_محرم
الحادي عشر

ريم تاني يوم الصبح فقت لقيت تالين تلعب بيديها دوشتلها وبدلتلها ونزلت لي عميمه فطرت معاها وركبت

وتيت فطور لي قيس و لوكا..طبعا نايضه دايرة العار تبي دوش زي تولي..
خلت روتين زي كل يوم

ريم: قيس
قيس لاهي ع لاب: عيونه
ريم: خليني نمشي لهلي بعدين
قيس: لا
ريم: ليا فترة ماشفتهن ..يعني نشوفهم ونبات
قيس: لا مشي ولا بيتان
ريم: به

ناضت طلعت حطت براد الشاهي ع نار..رتبت كوجينتها ..قعمزت ع Tv

لوكا: ماما زعلانه
ريم باستها: لا ياعيوني علاش نزعل
لوكا: ثوفي عيونك ها..زعلانه
ريم: هههه لا. تبي نديرلك رسوم
لوكا: به..ماما نبي بشكوط و كاكاو
ريم: من عيوني.اصلا بندير قهوة لي بابا ونزل الكيكه لي نينا
لوكا: به

قيس سمعت تتكلم مع لوكا..قعدت نفكر بيني وبين روحي .حرام هيا تهتم بيا وبلبنات و واجبها مع امي اووف ياقيس كيف تحرمها من  اهلها..ناخدها تغير جوها

ريم: حسبتك راقد..شويه وطيب القهوة
قيس: طفي عليها...وتي روحك
ريم: لا علاش
قيس: شنو لا..خلاص سيبي الي في ايدك ياطشه وتي روحك
ريم: يعني بتاخدني وبتخليني نبات
قيس: ههه امري لي ربي (قرب منها) رغم انه بنقعد محروم منك
لوكا: بااباا..هيي عيب
ريم تحشمت: هيا حبيبتي خلينا نبدلو..مش تبي مروة
لوكا: اييي تلعب معايا
ريم: هههه اهاا هيا بسرعه بسرعه قبل مايغير رايه
قيس: هههههههه

خشيت لدار بدلت بسرعه .لبست عبايتي فوقها.وتيت شنطه ليا ولي بناتي.لبست البنات كويس وطلعنا ركبنا سيارة

قيس: تبي حاجه ناقصكم حاجه كلميني
ريم: حاضر
قيس: حتى اهلك ناقصهم حاجه قوليلي ..بوك كبير ومش كويس يتعب
ريم ابتسمة: ربي يخليك لينا ومايحرمنا منك
قيس: وعلاش مش ليك وبس
ريم: ههه طرييق دير بالك
قيس: اصلا خلاص وصلنا زنقه ههه فيه انقاذ ماتخافيش
ريم: اهاا خطرها..العشي واتي سخنه ع المايكرويف بس..وماتنساش تنزل لعميمه.
قيس: تمام

وصلنا للحوش فتحت باب الخارجي لقيت وليد ولد خالها يكون..

وليد: اووو لووومي عاش من شافك
ريم: هههه تعيش وتشوف شن اخبارك
وليد: ههه بشوفتك تمام ..ناعليا من البنوته
ريم قايمة تولين: اهاا سموحه
وليد يلعب فيها ويبوس فيها...طبعا كان قريب من ريم

على خشت قيس كان ينزل في شنطت البنات وشنطتها هيا ..وقت شافهم عيونه حمررر وشرارة غضب

ريم كيف بتاخدهم
قيس ضغط ع ايدها وهمسلها بشويه وضاغط ع سنونه: خشي احسن
ريم توجعت: حح حاضر
وليد: اهلين قيس صح
قيس: اها صح الصح اخره..وريم مرررتي
وليد: هههه كنك ياراجل
قيس خبط ع كتفه: لا ولله..غير وقفت شارع بس