#عشق_محرم
الحلقه الرابعة عشرررر
عند عامر بعد غارق في العسل مع سارة ومايندري ع دنيا وين..ضو شمس طلع وتت سارة الفطور وطايرة من الفرحة
عامر: صباح الورد
سارة بساته: صباح النور حبيبي
عامر: ناعليا تتاكلي انتي
سارة: هههه ..هيا ياروحي توا يبر الفطور
عامر خلاها ع حجره وقعد يوكل فيها
فطرو وكملو وطلعت هيا وعامر يدهورو ويتغدو برا
~€¥~≤~~~~~~
ريم بعد طلع قيس ضميت الشقه .وغسلت الحوايج ونزلت عند عميمه نطيب الغذي
فاطمه: ناعليا هالخدامه كم ليها عندنا..وقيس يقول معاش تساعدوها
ريم: اهاا هههه قالي انتو الي ديرو في كل شي
فاطمه: معلش حتى هيا انسانه حتى لو تجري على رزقها
ريم: ليبيه ياعميمه
فاطمه: اهاا..لوكاا لوكاا
لوكا: نعم
فاطمه: جيبيلي بطانية اختك
لوكا: حاضر..
جبتهالها و حط ايديها ع خدها وتشوفلهم
ريم: حبيبتي كنك؟!
لوكا: ماما..نبي بابا
ريم: هههه رايفتي ع بابا
لوكا: اهاا نبي نا
ريم: نحليا عثل..تبيش ماما
لوكا حضنتها: نبيهااااا
ريم: بابا توا يروح ..ويجبلناا وااجد حاجات
لوكا: وااجد عرررم
ريم: اهاا بكللل بكلل..شوفي كيف تولي تلعب فيها نينا
لوكا: دير بيايديها هكي
ريم: ههه اهاا وباديه تناغي
لوكا: هههههه نمسي نلعب مع نينا
فاطمه: تعالي هنا..اوووه بنتي سمحه
ريم: تزن ع بوها ومن بدري تسال
فاطمه: وقت سفره هيا كانت بيبي كيف تولي بزبط
ريم: مكانش يسافر وااجد
فاطمه: لالا يادوب سفرة يوم ويروح
ريم تنهدت: وتوا بيعطل عشان نا خربتها بينا
فاطمه: شنو!؟
ريم: اءء شي ياعميمه ايي نحرقة بس
فاطمه: بسم الله ديري بالك..لبنى ساعديها
لبنى الخدامه: حاضر
ريم نضفت ايديها: عطيني نغيرلها
فاطمه: ها تنقرز تبي تغير
ريم خدتها غيرتلها ونظفتها..وخدت لوكا دوشتلها وعطرتها
ريم: نجيلي بنياتي
فاطمه ابتسمة: ربي يجبر بخاطرك..ولله اجرك عند ربي كبير
ريم: ولو هدا من واجبي .وهوا من بطني ولله معتبرته
فاطمه: بنت اصول ولله وخسروك
ريم: نصييات..درت كيك وفطيرة توا نحطهن
فاطمه: ههه اهاا نقعدو في الحديقه
ريم: اهاا...لوكا عطيني فوني يرن
شافت لقاته رقم دولي
فاطمه: كنك يابنتي
ريم وعيونها قلوب: هدا قيسسس
فتحت الخط بلهفة
~$€~¥≤«~~~~
عند اماني.خلو نشوفو شن صار فيها
اماني: اووف من الي يتصل ع صبح
رفعت فونها
الو
البنت: الو..صباح الخير
اماني: اووف صباح نور من تكون وشنو فيه؟!خير ع صبح
البنت:الشخص الي عطيناه المجوهرات ولفلوس هرب وخلانا
اماني نصدمة: كيف!..وامتا صار هدا كله!!؟
البنت: ليه يومين الكلب(حشاكم)
اماني: كلله منككك ياغبيه انتي قلتي انه ثقههه
البنت: اووف ركزي معاي توا ..وبعدين كويس ماعطيناش الاوراق
اماني: لو سمعت كلامك ياغبيه راهو مشينا فيها...بسسس حتى هدا مش هين.مش ع اساس معانه في المشروع
البنت اهاا بس صار العكس
اماني: اني غالطه ياغبيييه وثقت فيكم
البنت: صحصحي وتعاليلي ..ضروري نلقو حل قبل مايفوت الفوت
اماني: عليك خبر كيف وجهك
وسكرت في وجهها
أنت تقرأ
عشق محرم ( روايات ليبية )
Romanceللكاتبة : ميرو قصة عائلة ليبية تتعرض لإحداث تقلب حياتها ؟
