#عشق_محرم
الحلقه التالته عشر
سمر وحمادي
سمر: شنو صار تلاقيت مع المحامي
محمد سلح سوريته: اهاا
سمر عطاته تيشرت نضيفه: به وشنو صار؟!حكيتو تاكد هوا
محمد: طلع عامر مزور الاوراق وتوقيعه صح الصح توقيعت باتي
سمر نصدمة: لهدرجه؟!..كله من اماني متاكده عامر ماتخلاش عليكم بكلل
محمد: ولله محتار كيف ندير ..نحكي للعيلة او لا
سمر: لالا دير بالك.هكي ينحبس..وتعرف عمي مش حايقدر يتقبل
محمد: هدا الي كاسر ضهري
سمر: شنو رايك تحكي معاهن ..وتفهمه الموضوع او حله انت
محمد باسها: لو انتي مش موجوده في حياتي..كنت مش حانعرف كيف نتصرف
سمر: ههههه في الخدمه ياشيخي
محمد: شوفي المحامي حكالي على خوك
سمر: اهاا؟!
محمد: يطلع ويكمل اخر سنه في جامعته وشغله عليا
سمر: بجد حبيبي
محمد: اهاا ياعيون حبيبك انتي جد الجد
سمر: وين بيشتغل
محمد: في شركه في تصدير شن رايك
سمر: حلووو.الله يسامح الي لعبو بعقلك
محمد: معلش حبيبتي شاب ديمه في البداية هكي
سمر: اهاا..توا نبشر ماما
محمد: هههه اها بشريها..خطرها نخش نرتاح نص ساعه ونوضيني
سمر: من عيوني
~€¥^~~~~~≤««¥~
لومي وقيس
لومي..بعد كملت من شقه نزلت عند عميمه لوكا فاتحتها بكاء تبي كاكاو وبشكوط..قلتلها حاضر نتصل بي بابا
قيس كنت قاعد في المستشفى عندي فيه.شفت لومي تتصل ردي
ريم: يي ياقيس رد...رررد..رد
قيس: ايوا
ريم: الو..اهلين
قيس: اهلين بيك حبيبتي
ريم: حبيبي بنقولك ان
البنت: اووووو قيسووو..كيف الحال
.قيس اشر بايده
البنت جت ع رسبشن: ههههههههههاي
ريم نصدمة
قيسس انتتتت وينن
قيس: كنك تعلللي في صوووتك
ريم: قتللك انت ويييين
قيس بعصبيه: لووووومي وطي صوتك
فطنت لناس جنبي بعدت عليهم
قيس: وييننن تعرفي ام امي الوقت هدا
ريم: لا واضح..تقدر تغير رايك
قيس: معاششش تحكي بالالغازز الزح كنك شن صاير
ريم: هككيي
قيس: منن امتا تسألي ع شغغغلي
ريم: م
قيس: شدي لسانك يافرخه ومعااش تعلي صوتك
ريم:من توا مش مرتك ولا غالطه؟!
قيس: بديتي تغلطي اختصري شن تبي
ريم: كنتتت بس توا شكررررا معاش نبي
وسكرت في وجهه
قيس عصب وعض فمه: نعن...اووف الززح كنها هادي
عميمه: ها يابنتي كلمتيه
لوكا: ماما كلمتيه
ريم: اهاا عميمه كلمته..غير مشغول بس
عميمه: قنعيها تسكت تحط في بالها وتزعل
لوكا تبكي: نبي كاكاوو وبشكووط الا الا ماما
ريم قامتها: اوششش حبيبتي حكيت معاه وبيجيب بس اصبري
لوكا: توا صح
ريم: اهاا يكمل من العسل الي فيه
لوكا: شنو؟!
ريم: شي ..العبي ومعاش تبكي
عميمه: قاعده تحسي بتعب يابنتي
ريم: الحمدلله كويسه
عميمه: باهي كويس الله يهديك يابنتي قتلك ارتاحي
ريم: ولو بلعكس عادي مرتاحه هكي
عميمه: الحمدلله ربي جبر بخاطرنا وخاطر هالبنات ..ونيتك لنظيفه
ريم ابتسمة
خديت الفون بعتله: دير بالك يادكتور نواقص الحوش ولوكا تبي كاكاو وبشكوط
حطيت الفون وقعدت نحكي مع عميمه
أنت تقرأ
عشق محرم ( روايات ليبية )
Romanceللكاتبة : ميرو قصة عائلة ليبية تتعرض لإحداث تقلب حياتها ؟
