#عشق_محرم
الحلقه الرابعه
دكتورة: للاسف المدام اجهضت واضح انها حصلت رعشه او شي كيف هدا والمشكله متعبه روحها واجد
محمد تنهد ومسح ع راسه بندم: وسمر شن صار فيها
دكتورة: الام بصراحه ضروري نخلوها24ساعه تحت الملاحظه لان احتمال يصيرلها نزيف مضاعفات
محمد: هيا فايقه او مزال
دكتورة: لا فايقه تقدر تتفضل .تشوفها وياريت ماتعبها
محمد: تمام
دكتورة: الف لاباس عليها
محمد خشيت شفتها كانت واضح شايله مني واجد
محمد حط ايده عليها: حمدلله ع سلامتك
سمر مسحت دموعها بصوت مبحوح: الله يسلمك
محمد: حبيبي انا اسف سبب كله مني عيطت عليك وهزبتك
سمر::
محمد: ماتسكتيش احكي ..ولله نادم نااادم
سمر: اهااه كنتي تفهم مني قبل..حمادي الله يربحك خلاص
محمد: نحكي مع ريم تجي تساعدك واني بنقعد تمام
سمر: الي يريحككك
طلعت من المستشفى ومشيت للحوش فاااير دمي من صفاء وامي
خشيت للحوش حذفت المفاتيح
كوثر: بس الله كنك خاش قالب دنياا ..والا مرتك شاحناتك
محمد: حاااضررر توا نقوولكك..رييم ررريم نم..وينكك
ريم: نعم ااءء شن فيه
محمد مدلها المصحف: احلفي ..
ريم شافت لي امها
محمد: نحككيي معااككك احللفييي انك تقوولي الحق
ريم غمضت عيوني: ولله العظيم نقول الحق
محمد: مننن الي ساااعد ااممييي
ريم: ااء سس م
محمد: تي احكككي نعن...احككي
ريم: سمر هيا الي ساعدتها ولله العظيم كنتي معاها بس هيا رفضت ..وحكت مع صفاء ع تحويل صالون
كوثر: خلاص عاد خاش في كلام صبايا ..وتفترش في الكلام
محمد: صااارر هككيي تمااام ..ياامي سمر في المستشفى.تماام هكي وفوق من هدا حالتها تاعبه وتبات في المستشفى
كوثر: هيا هاملة روحها ياما زيها ويطيبن ويقيم ..جت فيها
ريم: مامااا
كوثر: اسكتي ضيوف عندنا حشمتوني
محمد: هذا يهمك انتي ..تعالي هنا (شدها من شعرها)
كوثر شهقت: اختك شايله روح ..وانت بتضربها اطلقها .اطلقها قتلك
محمد: خليها ترعش ..زي مادارت لمراتي والا ترفي ع بنتك وبنات ناس لا
صفاء: ااييي اطلقني شن دخلي نا
محمد: مرة تانيه انتلفي انتي للمطبخ سامعه
كوثر: كنك انت مزلتو صغار و الحياة قدامكم ..اطلق اختك
ريم: خلاص حمادي اطلقها..استناني نبدل و نمشي معاك
محمد: تمام بسرعه بس
كوتر: ناعليا جاي يخبط ويعصب شن ذنبي هيا هاملة روحها
صفاء: تعدليش دلع ولدك ..منها هاسحارة
كوثر: زعمك..لاكن شن بتقولي والا شن ديري بدي يسمع كلامها
صفاء: وبنتك تتلصق ع اساس دير في الخير
كوثر: كلا هادي توا نوريها هالكلبه
صفاء: خلينا نمشو..يستنو فينا جوا
كوثر: هيا
ريم: حمادي ماتحطش في بالك خليها عليا
محمد: توا هدا منتق ..عمري ماكنت معاها هكي..تي اووف لبزت مع سمر هزبتها
أنت تقرأ
عشق محرم ( روايات ليبية )
Romanceللكاتبة : ميرو قصة عائلة ليبية تتعرض لإحداث تقلب حياتها ؟
