#عشق_محرم
الحلقه التانية و العشرون
محمد قاطعها وقت شاف الممرضة تجري ودكاترة خشو الحجرة
محمد: شويه ونعاودلك
هالة: اوك تمام
وقفت بسرعه سكرو الغرفه..شفت من المرش وشوفت سمر ونلقى ملتمين عليها وصدمات لكهربائية..رجليا ثقلا وحسيت الارض مسحوبه من تحتي
محمد:يااارب بااارب احفظ هالي وطوول في عمرهاا يارب
ممرضة: تفضل المية ..انشالله تكون بخير
محمد مسح ع راسه ورفع ايديه: يااارب خود من عمري واعطيها ياااارب رفعت ايديا طالبك يارب
دكتورة: الحمدلله المريضة رجع نبضها و هيا حالتها مستقرة
محمد: الحمدلله يارب الحمدلله ..نقدر نشوفها؟!
دكتورة:ممنوع هادية مسؤليه كبيرة
محمد: معلش ساعديني ضروري نشوفها
دكتورة: حاضر بس يفضى المستشفى..
محمد مشيت للحضانه خديت البنت اذنت في وذنها و سميتها
ممرضة: تقدرو طلعوها البنت حالتها كويسة..تقدرو تروحو بيها
محمد دموعه في عيونه: بس امها مش موجوده
ممرضة: ربي يشفيها..هيا تعودة ع رضاعه .المرواح احسن
محمد: تمام
اتصلت بي أمي تروح بلبنت ..التمو العيلة في الحوش ولوكا ماوقفتش اسأله امتا ماما يجي البيبي ..واماني سم راكبها كيف ملتمين عليها وفرحانين بيها
محمد رجع المستشفى وشد ايد سمر: حبيبتي اليوم بنتنا خشت للحوش لو تشوفي فرحتهم بيها ..هههه كلهم يبو يشدوها سمر فيقي ياقلبي ..نبو اني وبنتي قوي روحك و ارجعي زي قبل لو طلبو حياتي فيداك ندعي ربي ياخد من عمري ويعطيك المهم ترجعيلنا ياقلبي
طلقت ايدها وطلعت ..كل يوم ننقهر اكتر وقت نشوفها ع سرير والاجهزة عليها نحس روحي مقيد مش قادر نديرلها شي الا ان نطلب ربي
€¥~«≤€_____
لومي توكل في تولي: من جدك تبيني نقوله توا
عامر: اي عادي شنو فيها ؟!
لومي: عامر الوضع مش تمام مراته في المستشفى و تبيني نحكيله على زواجك
عامر: قتلك سارة مسكرة راسها ومتزاعلين.لو مالقيت حل خلاص بتطلق
لومي: اووف ..شنو المطلوب ؟!
عامر: تحكي لي محمد وتقوليله كل شي
لومي: بس صعب بروحي ..مانقدرش
عامر: وشنو ندرجوك ع الموضوع
لومي: ههههه لا ...نحكي مع قيس يمهدله الموضوع ونا نحكيله
عامر: تم المهم يتم الموضوع قبل اسبوع
لومي: حاضر غير نحكي مع قيس قبل
قيس حط مفاتيح وفونه: في شنو تحكي معاي..خير عامر
عامر: خيرات..ع موضوع زواجي من سارة
لومي: يبي نحكي مع محمد وانا قتلك صعب في وضع توا ..نفس الوقت نبي نساعدهم
قيس: وشنو المشكله!؟
لومي: تمهد لموضوع لي حمادي
عتمر: قيس لو سمحت ماترفضتش ..سارة هيا حياتي ومستحيل نطلقها ع سبب هدا
قيس: تمام مش مشكله يصير خير خلينا بس نسقو ع الموضوع
عامر: تم عابي عليهم
قيس: تم يابرو تهنى .خليك وين
عامر:لالا خلاص..سلام
قيس: لالا ولله تقعد ياراجل معقولة هكي
عامر ضحك: ينحل الموضوع ونجي اني وياها تم
لومي: هههه تنورو
أنت تقرأ
عشق محرم ( روايات ليبية )
Romanceللكاتبة : ميرو قصة عائلة ليبية تتعرض لإحداث تقلب حياتها ؟
