#عشق_محرم
الحلقه الرابعة والعشرون ماقبل الاخيرة
اماني في دارها مسكرة ع روحها بعد ماسمعت كلام خوها الي وافق على العريس منغير شورها
خوها: اني كلمة ماتوصل للارض..ومانطلعش عيل قدام راجل
امها: وااك منكم..تي مسكرة راسها
خوها: امورهاا ..اماااننيي اماانييي
اماني فتحت دار: خير
خوها: اني رديت علي العريس بلموافقه..تحبي تكرهي
اماني: لاكن اني مانبيش..ومستحيل نقبل
خوها شدها من شعرها: اسمعي انا كلمت راجل وخلاص وبكرا الفاتحه ..تسكري فمك وماتقوليش لا
اماني تبكي: حرام عليك علاش دير هكي
خوها: ماعندناش بنات مطلقات في الحوش..غدوة بيتم كل شي
اماني تندب:تعبتت منكككم تعبتتتت
خوها ضربها: سكرري فمك نعن_-_* غدوة الفاتحه تخشي لي دار وغدوة تكوني واتيه وكلمتي ماتتكررش مرتين
طبعا عريس الغفله حالتهم تمام بس مايهونش عليه القرش..بيسكن مع اهله و في دار .وكبيررر في العمر وعنده ولد وبنت .خو اماني متجبر هلباا كلمته تم وماتتكررش
€¥^«≤^___________
مرو ايام
احمد: اني وامي نمشو لي امي نطمنو ع باتي بس مزال تحت الملاحظ
كنت قاعد نهدرز اني وامي في شقة جاني اتصال فتحت الخط..شفت لي امي
احمد بصدمة: الو
دكتور بعد ترجمه: حمدلله ع سلامة والدك
احمد: الله يسلمك.طمني يادكتور
دكتور: بصراحه حالة نادرة..ان ستجاب للادوية..بعد جلطه ع الرأس
احمد: باهي فهمني هوا تمام توا؟!
دكتور: اهاا كويس بكل تقدر تجي تشوفه بعد طلع من العنايه
احمد: تمام..لحظات ونكون عندك
كوثر: ها شنو قالك
مروة: شن فيه قول شنو قالك
احمد: هوا طلعوه للقسم وطلب مني نشوف..حالته تمام
مروة:الحمدلله يااارررب الحمدلله
كوثر تبكي: ربي كان معانه وشبح فينا ..اللهم لك الحمد
احمد: خلوني نمشي نطمن عليه لما يفتحو زيارة نكلم هيثم يجيبكم
مروة: به تمام
مشيت للمستشفى وطمنوني على باتي ..خليت مروة وامي في شقه
مر الوقت وجي وقت زيارة كلمت هيثم .وقتله يجيبهم ويقلولهم ان مسموح يشوفوه
€¥^≤«^✓________$
سمر: شنو يعني تبيني نتحمل
محمد: ياروحي فهمتك
سمر: محمد ياانا ياهيا..كل يوم رسايل واتصالات في اي وقت
محمد: عشاني تحملي قريب يتم المشروع ونطيرها
سمر: خلاص تجاهلها فترة ليش هكي ترد وتحكي معاها
محمد: زي ماتشوفي ..كل مرة برقم وتقريبا نخليك فيك تسمعي فيها
سمر: حمادي افهم وقت تحكي معاك وتكلمك نمووت وقتها نار تولع
محمد:تمام حبيبتي اهدي بس
سمر: ها اهو تتصل
محمد تنهد: ايوا
هالة: اهلين محمد..امم سوري ع الازعاج
محمد: فيه حاجه؟!
هالة: اها فيه ملف جانا من وفد تاني..وبيعقدو اجتماع معانه
محمد: وافقي عليهم و توا نحددو موعد
هالة: تمام ..كيف حال باتك طمنتو
محمد: كويسه وشكرا على سؤالك
هالة: العفو ولله ع خاطرك ندير كل شي
محمد: سلامات
لحقت سمر لقيتها في دارها وتلم في حوايجها ومعصبه بكل
محمد: بطلي معيلة وهبال
سمر: ولله؟!والي دير فيه شنو ياشيخ
محمد: سمر ماطلعينيش على طوري فهمتك تسعين مرة اهو بيتم المشروع و تطلع برا شركه
سمر تنهدت: بس بنكون مش موجوده
محمد باس ع راسها: شوفي توا نسكر شفرات كلهم ..ونقعد نفهم فيها ع الاتصالات.بس اصبري انتي وماتصعبيهاش عليا
سمر: لي امتا ياحمادي
محمد: قتلك قريب يتم المشروع ..وبتمشي ع حالها
سمر خدت مريم تغيرلها: به حاضر
محمد: عيوني انتي عارفك حاتقدري ياقلبي كلها فترة
سمر: حاضر .ونحاول معاش نعصب ونفترش في الكلام
محمد: هههه شفتي كيف تعرفي روحك
سمر: هههه بكل
محمد يبوس في بنته: اووه حبيبت بابا..توا سمحه بكل .ههه طشه بكل هدا كله وتاكلي فيها
سمر: هههه جت طشه
€¥^«‹&_____________
لومي كل يوم نزيد نتعب اكتر و كل مراجعه تقول عادي تعب حمل بس قالتلي ممنوع الحركه..قعدت لوطا وعميمه عطتنا جناح بروحنا من قبل ..تساعد فيا في البنات
قيس سيناريو نفسه متع محبه يمر عليا..بديت مشغول بكل عليها نشوف فيها تتالم
رحاب سافرت بس اتصالات مستمرة لومي ماتعرفش لو تعرف بتصير مشكله
فاطمه: هذا حالها ياولدي وتشوف فيها قدام عيونك
قيس مسح ع راسه: المشكله انها تتوجع
فاطمه: معاش مزاال واجد ..انت حكيتلها؟!
قيس: شن بنحكيلها مانبيش نخوفها هيا بروحها مرات تحكي معاي وتقولي نحس انه مش حاتكمل فرحتي
فاطمه تبكي: ربي يطول في عمرها و عمر ولدكم يارب
قيس: حتى شغلي اهملته كلا نفكر فيها
لومي: عميمه ..كنكم
فاطمه مسحت دموعها: لا شي فرحت انه بوك فاق مسكين وجعني
لومي: اهاا ^^سامحيني نسيت نقولك
فاطمه: عارفاتك يابنتي
لومي: تسلمي ..سبحان الله في فرق واجد بينك وبينك ام منذر هه قدرتيني و متحملتني و اعتبرتيني بنتك وديمه توديلي في الخير
فاطمه: يابنتي الخوف من ربي...اني مانهين ولا نوجع بنت ناس كانت دايرة باصلها وتربيتها..كفت وفت مع بنات ولدي رغم الي يصير في علاقتكم بس مع هذا كملتي وخليته يحبك بافعالك وعفويتك و تربيتك
اني لو غلطت معاك سامحيني يابنتي لاكن مش من قلبي
لومي حضنتها: ولو ياعميمه حشاك .اني الي اسفه لو غلطت معاك ..وقيس لو غلطت في البنات
فاطمه: لالالا حشاك
قيس: اعتبرتيهم بناتك ودرتي باصلك وكنتي معاي كل شي
لومي تنهدت: الحمدلله ان ضميري مرتاح
فاطمه ماتحملتش طلعت وخلتهم
قيس حضنها بقوة وكان يبي يحطها في قلبه ..ومايبي شي ياخدها منه
لومي تبكي وشدت فيه: نحببك ولله عوضتني على كلل شي في حياتي .تعذبت وااجد بس ربي عوضني وفرحني
قيس دموعه نزلو وغريب انه تاتر شدها بايديه ونزل يبوس في شفايفها بقوة ولهفة: نمووت في الارض الي تمشي فيها انتي كل شي عندي دنيتي وحياتي
لومي: خليك معاي ماتخلينيش
قيس: مستحيل نخليك
قاطعهم اتصال من رحاب بعد عليها وقعد يحكي كانه شخص غريب مش رحاب
€¥^≤«___&^_________
بعد مرور شهرين
#يتبع
شن بيصير في لومي؟!وشن ردة فعل قيس بعد يتكرر الي صار مع مرته الاولة ويخسر لومي؟!بتستغله رحاب!!
محمد وقصه مشروع هالة؟!بيحل الموضوع وتصبر سمر والا في حاجه تخططتلها هالة تفسد بينهم؟!!
اماني وزواجها!!؟برتجع لي عامر و تفسد بينه وبين صار؟!
أنت تقرأ
عشق محرم ( روايات ليبية )
Lãng mạnللكاتبة : ميرو قصة عائلة ليبية تتعرض لإحداث تقلب حياتها ؟
