#عشق_محرم
الحلقه العشرووووون
لبست بسرعه و خديت عامر للمستشفى ..دارولها اشعة و تحاليل
سارة: خليك مع دكتور توا نجيبهم
عامر: تمام
سارة: ممكن ينادو علينا
عامر: تم..امشي انتي وتوا نستناك مع دكتور
سارة: اوگ
خديت الاشعة وفحوصات و نتائج تحليل مشيت للممر لقيت عامر واقف مع وحدة
عامر:جيتي
سهام: نستاذن استاذ عامر
سارة.....نصدمة😳..منو هادي
عامر: ههه ياغيورة هادي ..ممرضة الي ساعدتني نعرف لعبة اماني
سارة: اهاا بجد..نحسابها هادي زوجتك الاولة
عامر: لالا..شنو خلاص
سارة: اهاا هيا
روحت واتصلت بي ريم نتلاقو مع العشيه في نفس الكافي
بديت نوتي في الغذاء ونفكر هل خديت قرار صح او غلط!!بيدمر العيله واني مانبيش هدا يصير!؟
~€¥^«~~^€««~
وصلنا للفيلا جت لبنى استقبلتنا وخدت شناطي نزلهم قيس
لوكا: ماامااا وبااااباا جووو
تولين تزحف وتمد في ايديها
قيس: ههه اها جينا ياعيوني ..اوبااا
ريم قامت تولي وهيا شدت فيها: نجكم ليا هههه لوكتي رايفت لكلامك
لوكا: حول بابا نمسي لي ماما
قيس : هههه صار نسيتني
لوكا حضنت ريم: ع خاطر شكلاته نجيك .ليا ولي ماما
ريم: اهاا صح هههه جيبلنا يا بابا
قيس قرب من تولي وباسها
ريم قرنت حواجبها: معاش تبوس هكي
قيس: ناعليا من غيورة بيبي ياهبلة
ريم: عادي نبيش حبيبي الا ليا وبعدين تتعلم هكي
قيس: اخخ منك ياقلبي
فاطمه: لوووووررري انشالله دووم متهنين وربي مايفرق بينكم ويبعد عليكم بنات واولاد الحرام يااارب
ريم حضنتها: امييين يارب
قيس: خير ياغاليه
فاطمه: خيرات..سمحيني خليت قيس يرعشك بس هدا عشان تردو لبعض
ريم شافتله وابتسمت بخجل
فاطمه: يلا بدلو وانزلو غداكم عندي رز بلبصله و مبطنه و بوريك
ريم: خلاص توا ندير كيكه وسلايط ع سريع
فاطمه: ولله نشيلك منك ماديري شي
ريم: ولو ياعميمه معاش تخلفي
فاطمه: لالا
قيس: ههههه خلاص .خلينا نركبو البنات
فاطمه: به رتبي حوشك وانزلي تغذي
ركبت للحوش دوشة و رتبت الشقه وتيت الحوايج لي قيس دوش وبدل ..خليت البنات يلعبو
ريم دير في كيكه وتغني: نسهر انا وانت سوا..وخليها ايدي بيدك
قيس حط ايده ع خصرها: افرح يالي شفافك عسل..صدقني قلبي يريدك
ريم: ضمني على صدرك حيل اخلص ليل
قيس: عطرك حيلل بعدك عشت مخنوق وينك ذبحني شوق
ريم: هههههه اووو دكتور قيس طلع سيف نبيل بزبط
قيس خدي تفاحه: ولله شن رايك انتي
ريم: امم سمحح بكل صوتك مجاملة بس
قيس عضها ع خدها: اسكتي احسن
ريم: هههه خطرها اليوم موعدي مع المجهولة في الكافي
قيس: زي ماوصيتك
ريم: حبيبي شنو خاشه روضه نا
قيس: اها وضروري بابا ياخدك(ورفعها فوق ونزلها)
ريم: به يابابا حاضر ..هيا ننزلو الكيكه طابت
قيس: تم
ريم: ترفع في حديد اكيد بتقدر ترفعني
قيس: هههه رغم انك ثقيله بس تحملت ع خاطرك يافرخه
ريم: ههه فرخه في عينك..لوكا لمي الالعاب حبيبتي .اوباا حبيبتي ضروري تاخد رضاعتها
قيس: هادي ديمه جيعانه
ريم: ههههه حرام عليك
لوكا: لميتهم ماما هيا ننزلو
ريم: هيا البسي مداسك..وعطيني شنطه تولي نزلها
لوكا: تؤ توا نزلها
أنت تقرأ
عشق محرم ( روايات ليبية )
Romansaللكاتبة : ميرو قصة عائلة ليبية تتعرض لإحداث تقلب حياتها ؟
