عشق محرم ( روايات ليبية )

حلقة 15🔥

#عشق_محرم
الحلقةالخامسة عشر

عامر مع سارة روحنا للحوش..كلمت حناها نخليها عندهم ونمشي للفيلا..وصلتها ومشيت لماني

اماني تبرد ظوافرها: هاي..وين هدا كله قريب سكرت اسبوع
عامر: شن هالخمر هدا..وريحة شقه بخور يدره الكبد
اماني ارتبكت: ههه بخور ياروحي
عامر: اهاا بس يخنق
اماني: مزال بس كيف درته ونحرق مني
عامر دفها: علاش مانزلتيش!!
اماني: اختك عندكم ونا بصراحه مش طايقه وجيج بناتها او بنات مراة راجلها
عامر: عقليتك مريضه بكللل..هذو ملايكه .تي بري يانكد
اماني تأفأف: كنك جاي راقيلك
عامر: هذا منظر وحده نظيفه..تي كلا مسخ شوفي لماعين
اماني: مش فاضيه .خود حوايجك وريحني
عامر: اني الي بنرتاح

خديت حوايجي دوشة وبدلة ونزلت عند العيلة صوت ضحك وهدرزة خشيت و صمت دار بينهم

ريم: احم عامر كيف حالك
عامر قام تالين: الحمدلله يالومي وانتي..وين قيس ماروحش
ريم: لالا مزال .خش جوا علاش واقف
عامر: لا بس تعرفي الي صار الفترة الاخيرة
ريم بدت تكح بقوة: شنو الريحه هادي
عامر: بخور يخنق بكلل
ريم تنفس بقوة: اععع ريحته شنو هدا مش قادرة
عامر: خشي انتي عندك ضيق تنفس
ريم: وين بنوتة مش معاك
عامر: حطتها امها عند حناها
ريم: اهاه
كوثر: اهلا اهلا وين هدا كله لاجيت لا سألت جاي توا..والا ع خاطر اختك
عامر باس راسه: سامحيني ياغاليه ولله مشغول
كوثر: سماح خش دايرين عاله

خشيت وفرحانه ان رجعت معاهم رغم انه شي يخنق فيا مش فاهم!! بس لمة هادي خلتني ننسى كل شي

~€¥^~~~~~

قعدت سهرانة مع العيلة..راح من بالي الوقت المشكله قيس منع عليا قصة سواقه ع خاطر الحادث

عارفتكم مستعجلات تبو تعرفو شوفو شن صار في المكالمة

ريم: به بس خلي نقولك
قيس: احكي
ريم:احم اني طلعت بسيارة وجبت حاجه يعني..اءء درت حادث
قيس: شن تقولي يا لومي؟!؛كيف صار!
ريم: حادث بسيط ولله خبطت طشه بس
قيس: اني مايهمنيش الحديد تهمني انتي ؟!صارلك شي كلمتي خوتك..حمادي ياخدك للمستشفى
ريم ابتسمة بس بدت تكابر: اني كويسه مصار شي طشه خدش بس
قيس: افتحي الكاميرا بسرعه نبي نطمن
ريم: بس
قيس: افتتتحيي معاش تناقشي
ريم: اوك لحظه بس

دارت ميك اب خفيف و طلقت شعرها لبست كت وردي و سترتش اسود

ريم: نعم. ها شفت
قيس: نظفتي الجرح كويس
ريم: اهاا
قيس: كويس. طالعه حلوووة وتاخدي العقل
ريم: قيسس تطمنت وخلاص
قيس بلهفة: مرايفلك ومرايف كل شي (وغمزلها)
ريم تحشمت: بنسكر
قيس: نجك ليا يا ام غمازات
ريم: انت تعذب في روحك
قيس: وتعذبي فيا..بس ع راحتك
ريم نصدمة: باهي في العشية بنمشي لهلي
قيس: احكي مع حمادي نسمع ان ماشية بسيارة تعرفي شن يصير
ريم بلهفة: مزال مطول في سفرة
قيس ابتسم: اهاا...مرايفه عليا
ريم: اهاا قصدي بناتك مرايفين عليك
قيس: خلاص واني قلت مطول .بتنزلي؟!
ريم حست انها بتستفرغ: قيس نحكو بعدين باي
سكرت طووول ..استفرغت(حشاكم) حطيت ايدي ع بطني ونفكر .لو طلع الي نفكر فيه صح!!تخرب اكتر بين وبينه