عشق محرم ( روايات ليبية )

حلقة 18🔥

#عشق_محرم
الحلقة التامنه عشر

مروة: ماما من بيطلعني نشري باقي الحاجات!!
كوثر: كلمي اختك صفاء والا ريم وتمشي وحده منهم سمر والا اماني
مروة: اماني لا
كوثر: سمر تعرفيها تعبي بيك شي
مروة: حرام عليك لا بلعكس نقول لي سمورة ولا اماني الثقيله
كوثر: باهي خلاص خشي لي دارك وريحيني
مروة: به

خشت مروة تحكي مع خطيبها اسمه جهاد..وقعدت تحكي معاه وتحكيله على يومهاا

~€¥^≤~~~~¥

سارة:شنو صايرلك!تحس بحاجه
عامر: مش عارف مضايق وااجد ..ومصدع بكللل
سارة: اهاا .توا نعطيك حبه
عامر: لالا
سارة: كيف هكي بيستمر الوجع
عامر نفخ: خلاص قتلك معاش نبي ..مش طايق روحي
سارة: به ع راحتك .بس خود الحبه ترتاح
عامر: باهي هاتي
سارة: باهي نمشو بسيارة للمستشفى
عامر: لا توا نتحسن

€¥~≤¥€~~~~

ريم: اءء اه وجعتني اطلقنييي . كله ع خاطرها
قيس رفعها: سكككرررييي فمككك ماتبرري شي
ريم تبكي: اطلقني..بعددد عليا
قيس قامها ودفها ع الباب بقوووته وجت ع مانيليا الباب وضربت في ضهرها وطاحت
قيس نصدم وقعد مخلوع : لومي😱😨
كيف بيقيمها
ريم وقفت بوجع ودفاته ودموعها زي المطر: بعدد علييااااا
قيس: لوم.
ريم رفعت ايدها: ماتنطقششش اسمييي ومن اليوم تنساني

خشت للحمام (حشاكم) ونهارت من البكي .دموعها زي المطر ع خدها
قيس سمع صوتها ندم بكل خبط ايده ع الباب.وخدي البنات ونزل

لوكا في حجره: ماما كنها تبكي وتتوجع
قيس: شي مريضه
لوكا: بتخليني
قيس باس ع راسها: لالا بتقعد معانه
لوكا: نبيها نا. من ياخدنا اني وتولي ..من يحكيلنا
قيس عصب: لوكاااا اسكتي
فاطمه قعمزت جنبه: شن صايرلك ..بكيتها البنت..ياولدي الي صار صار ورد بالك تغلط في لومي هيا تحكيلك كل شي
قيس: اني درت ردت فعل وخلاص
فاطمه حطت ايدها ع فمها وشهقة: ناعليا ماتقولش ضربتها
قيس:
فاطمه: ناعلياا وين بنمشي بوجهي عند ناس الي درته في بنتهم
قيس: هزيتها وضربتها .وهدا الي صار
فاطمه عصبت: شنو تقول انت رحاااب فاتتني.ركبت لي مراتك و هزبتها كانت بتكلمك بتقولك تاخدهم بس هيا قال كلام ماينقالك..خلي نسمعككك حتى لو كنت امك وكلام كبير بس بنقولك..قالتلها انتي مربية لصغارررره بس و لشهواته وللفراش فييييه اكتررر من هكييي

قيس حاط ايديه ع راسه ويسمع فيها وهوا مصدوم ونادم

فاطمه تندب: ياربي من وين نمشي بوجهي قدااام ناس .
قيس:اميييي سمعت الكلام
فاطمه: اسمع من مراتك ..سمعت كلام رحاب ولباقي فوته...انت نسيييت كلام خوها
قيس يهز في كراعه و يدخن:
فاطمه: الله يسامحك بس الله يسامحك بعد الي دراته فيك وفي بناتك

قيس خدي البنات قام تولي راقده ع كتفه..ولوكا شاداته بيدها الصغيرة

ريم طلعت واني حاسه بوجع من ضربة .خشيت لدار سمعت صوت فوني