#الميراث💸
الحلقة 2
___________
هبة قعدة تبكي :حيييي عليااا شن درت في روووحي شن درت شن دررت كيف بنتصرف كيف
فاتو اياام وجي يوم الجمعة
كانو العيلة كلهم متغدين في حوش الجد
كانو البنات شادين جيهة ومقعمزين يهدرزو
(طبعاعمتهم حميدةعندها رندة ورناد وجهاد ومراد
وعمتهم
وعمتهم مديحة عندها عمر وبشرى ورشا
________
البنات كانو كلهم يهدرزو ويضحكو وهبة مش معاهم بكل وفي عالم تاني
رندة :هبة وين مساافرة خيرك متنكدة
هبة بدلع:لا شي حبيبتي وعلاش بنتنكد
رندة:لاشي غير نسحابك متعاركة مع الحب
هبة:لا مش متعاركين لان سيبنا خلاص
رندة ضحكت:اخيرا اقتنعتي انه مش ليك لا لون لا عون
عبة تعفلقت وناضت
ندى:خيرك ماتعرفيش تسكتي خليتي البنت فحالها
رندة :وشن قلت اني
رشا :ندوشة شوفي هدا القفطان محلاه شن رايك نلبسو زي بعض في عرس بشرى
ندى:اي محلااه باهي خلاص شوفي شن اسم المحل وانكلم ايهاب يرفعنا
هاجر:مبردكم في كل عرس لازم تلبسو زي بعض مقدمها الحركات اهيا
رشا:وك علي الحسد شن دخلك انتي ماري ولا تكون حسود
هاجر:وعلي شني بنحسدكم يا حسرة
رناد:يا بنات قتلكم ماما تعالو وتو وتو الصفر
الولاد كانو في المربوعة مع الرجالة
جهاد: شني ايهاب مافي شي اليوم
ايهاب ضحك:تي جمعة اليوم اتقي الله 😂
جهاد:تي اسكت نسيت
عمر تعفلق ونخص ايهاب:شن قتلك اني فوته الجو هدا ولا
ايهاب:باهي عمر حاضر 🙂
عمر:حيوان انت راه
ايهاب:😂😂
مراد:ايهاب تليفونك يشرين
ايهاب:مدوراش خليه فشحن عارفك تبيه
مراد:الزفت معبي فلوس وماتبيش تشري شحن تاني وتخليلي هدا
ايهاب :هكي اني قفاص وجلدة
تليفون ايهاب كان يشرين مهداش بكل
ايهاب خداه وطلع
هنادي: الوو ايهاب بالله عليك اسمعني ونبي متصكرش
ايهاب:هااا ادوي شن تبي
هنادي:ايهاب انت فاهم غلط وربي اني انحبك ومش طامعة فيك صدقني
ايهاب :باهي فرضا اني صدقتك شن تبي مني يعني
هنادي:انت غير خلينا نتلاقو في كفي ولا مكان ونتكلمو وجها لي وجه مايمشيش علي التليفون
ايهاب ضحك:شفتي كيف طمااعة مانبيش نسمع منك شي فوتيتني وسكر الخط
حطو الغدي وتغدو كلهم وغسلو البنات الماعين وقعمزو السلفات والحماوات يهدرزو
حميدة:شني يا سالمة مش ناوية تفرحينة واتزوجي وريت العيلة
سالمة:لما هوا يقرر تو نفرحكم
مديحة:انشاء الله ياربي نفرحو بيه وبيه وانشوفو صغاره
زهرة مرت ميلود :هه تي غير يحط عقله في راسه هوا باش حتى يجيبوله مرا
سالمة تعفلقت:بنجيبهااله مهبولة زيه عندك مانع ؟
زهرة:باهي انتي خيرك حمقتي اهو العيلة ملياانة بنات انتي وازي بس
سالمة سكتت
خيرية: يااريت ياخد وحدة من بنات العيلة علي الاقل الرزق مايطلعش برا
زهرة:اصلا انحس فيها سالمة ماتبيش بنت من العيلة اني 😏
سالمة:مش شرط اتكون من العيلة ولا لا المهم بنت ناس ومحترمة وشادة خيرها وشرها
خيرية :هي خلاص صكرو الموضوع ونوضو جيبو الصفرة خلي نعطي الشاهي للرجالة
