#الميراث💸
🔥الحلقة14🔥
______________
ايهاب:حبييبت باابا انتي مايبووكش اتجي مايبووكش وقعد يبووس فيها
ملاك تشبحله كيف يلعب في بيسان وقلبها وجعها علي البنت معش عرفت اتكون صادقة مع ايهاب واتقوله البنت مش بنتك ولا تسكت باش االبنت ماتنظلمش
قعدة حايرة بين نارين
ايهاب:شني كملتو خلاص
ندى:اي الدار فضيناها كلها
ايهاب:تعالي ملاك شديها
ملاك كانت واقفة وسرحانة
ايهاب:ملاك انكلم فيك
ملاك:هاا نعم
ايهاب:تعالي خوديها
ملاك مشت خدتها وقعدة تشبحلها ومسخفتها هلبااا مش عاارفة شن ادير
سالمة:ندى بري عبي شيشة المية هادي وحطيها تحت البنت مش باهي تطلع في الليل هكي خوك هدا ربي يهديه
مشت ندى عبت الشيشة وحطتها تحت بيسان وطلعو
روحو
ايهاب: اشبح تو اتحصلو عرس ولا ميصيرش منه تاني
ندى:عرس مني
ايهاب:بشرى
ندى:مسكينة تأجل ستين مرة
ايهاب :غدوا بيجوهم رجالة وبيتفاهمو امتى العرس
سالمة:والله المفروض اديرهولها كيف ميجي وتخلي البنت تمشي علي حاالها
ملاك شبحت لي ندى:اما هي بشرى
ندى:اخت رشا وعمر
ملاك:اااها
خشو للحوش وملاك مشت طول لي دار ايهاب رقدة بيسان وطلعت قعمزت معاهم في وسط الحوش
سالمة: بري جيبي بيسان خلي ترقد عندي اليوم وانتي ارتاحي
ملاك:تو اتعبك ماترقدش باهي هي كل شوية تبكي
سالمة:معليشي شني ماجبتش صغار كلهم هكي
ملاك:خليها تو في الليل كان تعبتني نعطيهالك
سالمة:انحس فيك تعودتي عليها هلبا
ملاك:كل ماانشوفلها نتفكر روحي لاكن انحاول علي قد مانقدر مانخليهاش تعيش زي مااني عشت باش ماتوليش زيني ماعندهاش شخصية وتخاف من ظلها
سالمة:الله غالب يا بنتي وربي ماينسى حد كل واحد في النهاية حياخد عقابه وانتي اكيد ربي مش ناسيك ودااسلك ايام حلواا
ملاك ابتسمت: ونعم بالله
ايهاب يشبحلها وسرحان في شكلها
ندى:ملوكة تبيك اسراء
ملاك خداته منها :ايوا
اسراء:ها شن الجو
ملاك:تمام شن جوك انتي
اسراء: خيرك قاعدة مادرتيش تليفون معقوولة هكي بنقعد كل مانبيك نتصل بي ندى
ملاك:عندي هوا لاكن قاعدة مافتحتاش
اسراء:اشيييه اشيييه راجلي جابلي تليفون جدييد
ملاك: امم به كيف حال امك
اسراء:مقعمزة جنبهم شكلك اكيد خدودك حمر ولا ههههه
ملاك:سلميلي عليها يوصل هي بااي
اسراء:غير راااجي ياا حمارة اعطيني رقمك الجديد
ملاك صكرت ومدة التليفون لي ندى وناضت وقفت :هي تصبحو علي خير
سالمة:خيرك مزال
ملاك :لا الساعة 12ونص هداكا هوا ومشت لي الدار
ناض مختار حتى هوا رقد وندى مشت لي دارها
سالمة:ايهاب
ايهاب يشبح للتلفزيون:نعم
سالمة:وليدي بالله عليك عامل مرتك كويس وخليها تحس ان هي مرتك حرام عليك شوفها كيف تبدا خايفة ترعش لما تكلمها
ايهاب:باهي شن تبيني انديرلها يعني هي هكي تخاف بروحها اني انعاامل فيها كويس شن بندير اكتر من هكي انقيمها علي ضهري
ايهاب: انت فاهم قصدي ايهاب البنت مش ناقصها شي والف راجل يتمناها وناضت وقفت تصبح علي خير
ايهاب قعد يشبح لي امه وشوية وناض حتى هوا خش لي داره
____________
