#الميراث💸
🔥الحلقة15🔥
عارفتها قصيرة درتها ع السريع ماكنتش بنزل 🍓
__________________
الصبح الساعة 10:00
في حوس مديحة
كانو العيلة مدايرين صفر ومقعمزين يفطرو
وسالمة شادة بيسان تبكي ماتبيش تسكت
زهرة:خيرك خااصلة فيها انتي ياا سالمة كنتك وين مش جايبينها باش تربي البنت
سالمة:مهناش كنتي طالعة مع راجلها
زهرة:اي هدا فاش فالحة امسيبة البنت ومكرشة في ايهاب اتقول بيهرب منها
ندى:خلي والله تعيش حياتها اهو حني شادينها البنت
مديحة:رشاا هيا كان كملتي فطور اركبي ضمي داارك ونزلي الحافضات حطي الحوايج في الغساالة
رشا:تو هدا كله بنديره اني اللطف وانتي شن بديري
ندى:تي تو انعااونك اني ضمي فمك
رشا ضحكت ووشوشتلها:كنتنا الفااالحة
ندى فنصت فيها :ضمييي فمك
________________
حياة كانت قاعدة راقدة ومافاقتش الا علي صوت تليفونها يشرين
ناضت ردة
حياة:الوو
عزوزة عبير:ايواا حياة معاي
حياة:اي انشاء الله مني
عزوزة عبير:اسمعي بنتك طاحت من الدروج وهي اتسيق فيه الصبح ورفعوها للمستشفى كان تبي اتشوفيفا قالو عمودها الفقري تكسر
حياة:اااه شن اتقوولي انتي وعلاش بنتي اتسيق في الدرووج علاش تي هي قاعدة عروسة حسبي الله عليكم
عزوزة عبير:شني امالا تبيها تقعمز زي الاميرة وحني نخدموها هونا بنتك في مستشفى ###كان تبي تمشييلها وصكرت عليها
ناضت تجري حياة بدلة حوايجها ومشت لي علاء في المحل
علاء:خيرك شن في
حياة تبكي:اختك عبير طاحت من الدروج وعمودها الفقري تكسر ارفعني بنمشيلها بسرعة
علاء : باهي اطلعي بسرعة هي يااا محمد اني ماشي خليك في المحل
وطلع مشي هوا وامه
_______________
ايهاب كان راقد وملاك في حضنه فتح عيونه وشبحلها ابستم طول باسلها راسها وغطاها وخش للحمام
دوش وطلع لبس حوايجه واتصل طلب الفطور
ومشي جنب ملاك ينوض فيها
ايهاب:ملووكتي نوضي يا قلبي
ملاك فتحت عيونها وشبحت لي ايهاب :صباح الخير
ايهاب:صباح الورد يا عمري هي نوضي طلبت الفطور
ملاك حطت ايديها علي عيونها وتكسلت
ايهاب طبس عليها باسها: تي نوضي هياا
ملاك ابتسمت وخدودها حمر :باهي برا انت تو اني انوض
ايهاب ضحك وقام الشرشاف لفها بيه زي البوريكة :نوضي هي
ملاك ضحكت:وناضت تجري للحمام
طقطق الباب فتح ايهاب وخدي الفطور وحطه علي الطاولة ويستنى في ملاك
طلعت ملاك من الحمام وهي لابسة الديشمبر قعمزت جنب ايهاب
ايهاب:اييي علينا عاد خيرك هكي تشبحيلي متقوليليش قاعدة خايفة مني
ملاك :لا مش خايفة لاكن بنقولك ان ماعنديش حوايج الا قفطاني اللي حولته امس
ايهاب:عارف عارف كلمتهم بيجيبولك حوايج
ملاك:من كلمت ندى ولا عمتي
ايهاب:تي لا بعتت ناس من هني بيجيبولك من المحل
ملاك سكتت
ايهاب: قام طرف جبنة بشوكة ووكله لي ملاك
ملاك: ايهاب امتى بنروحو
ايهاب :علاش قلقتي مني
ملاك :لا مش هكي لاكن استاحشت بيسان
ايهاب:حاضر يا عمري نفطرو وانروحو
شرين تليفون ايهاب رد
ايهاب:ايوا جدي
خليفة:خيرك ماجيتش للشركة
ايهاب:ميحقليش ناخد فترة نقاه بكل يعني
خليفة:وين انت
ايهاب:بايت في الفندق
خليفة:اااااه اشييه اشييه باهي براا لي مرتك برا
ايهاب:كتر خيرك يا حبي
خليفة:لما اتروح اخطم عليا نبيك في موضوع
ايهاب:حاضر
خليفة:هي في امان الله
ايهاب صكر الخط وشبح لي ملاك
ايهاب:ملااكي افطري باهي خيرك ماتاكليش
ملاك:اهو ناكل
ايهاب:لا لا ضعفتي هلباا علي اول ما اتزوجنا كوولي كولي نبيك اديري خدود
ملاك:عمري مادرت خودو ماعنديش
ايهاب:تو اني انخليك اديريهم
ملاك ابتسمتله وقامت ايدها واست شعرها
ايهاب شدها ايدها وقعد يشبح للبونتوات :ملاك جديات هادي مجروحة بلغلط ومش محاولة تنتحري
ملاك تنهدة:مش اني اللي جارحة روحي
ايهاب: كيف يعني مني اللي جارحك
ملاك:خالتي حياة🥺
ايهاب: خاالتك حيااة وو وين بوك وخوك وين
ملاك عيونها دمعو : هي مرات تضرب فيا قدام بابا وتخنق فيا وهوا مايتكلمش ممكن لان ميحبنيش ولا مايحسش فيا بنته وعلاء مانقدر ش انقوله كان هدا تتعارك هي وياه و اتزيدني اكتر ومافيش وين بنهرب منها
