#الميراث💸
🔥الحلقة19🔥
وماقبل الاخيرة
________________
سالمة:صكرة التليفون وشبحتلهم
ندى:شن في ماما
سالمة:زهرة
خيرية:خيرهاا
سالمة:جاها سرطان في الثدي وغدوا بتضرب اول جرعة كيماوي (عفاانا الله)
ندى:😧
ملاك حطت ايديها علي فمها وانصدمت
ندى:لالا من شني جاها
سالمة:الله اعلم لاكن انشاء الله ربي يشفيها ماتتمنيه لي حد
خيرية:والله ماتتمنيه لي واحد ربي يشبح فيها
مشت ملاك ركبت لي دارها ولحقتها اسراء
اسراء:قاعدة دايخة
ملاك:كبدي داارها والدنيا كلها ادوور
اسراء: باهي ماتتحركيش تو اني انجيبلك عبايتك
ملاك حطت ليدها علي فمها ومشت تجري للحماام وقعدة ترجع
اسراء:ملوكة خيرك
ملاك فتحت الشيشمة وغسلت وجهها :اااه اسراء تعالي 😣
اسراء شدتها: خيرك ملوكة
ملاك:شديني اسراء بنطيح
اسراء:شدااتك مطيحيش تعاالي علي سريرك تعالي
ملاك مشت مع اسراء قعمزتها علي السرير
اسراء:وخري وارقدي
ملاك:ايهاب قالي وتي روحك عطيني عباايتي
اسراء:تي شن وتي روحك انتي مش قادرة اتنوضي
ملاك:تي لا لا عادي تو انوض بشوية
شرين تليفون ملاك خداته اسراء
ايهاب:ايواا
اسراء:ايوا ايهاب اني اسراء ملاك دايخة مش قادرة اتنوض رااه
ايهاب:باهي تو انجيها هي
ملاك :تي تو انوض يا اسراء عادي
اسراء :ارتزعي في مكانك لين يجي ايهاب
ملاك: اووف
ايهاب واقف قدام الباب ويضبح
سالمة :ندى شوفي خوك يضبح
ندى:ايوااا ايهاب
ايهاب :وين ملاك كلمتها توا ردة اسراء قتلي دايخة ماتقدرش اتنوض
ندى:حي خيرها فوق هي اني مركبتش
ايهاب:باهي قوليلهم بنخش
ندى:ايهاب بي خش يا عيلة
اللي هدا غطت رااسها وخش ايهاب ركب فوق طوول .
ملاك ناضت قعمزت واسراء تلبس فيها في عبايتها خش ايهاب
ايهاب :ملاك خيرك
ملاك:مش عارفة فجأة معش قدرت انوض
ايهاب:باهي توا شني تقدري ولا لا
ملاك :نقدر نقدر وناضت وقفت ايهاب شدها من ايدها
ركبت سالمة فتحت الباب:ملاك خيرك بنتي شن فيك
ملاك:مش عارفة خيرني دخت
سالمة:شن تحسي تراا
ملاك:داايخة وكبدي داارها وتوا ركبت بنلبس عباايتي معش قدرت نوقف ورجعت حشاك
سالمة ضحكت: اااه بري عاايني بري تو بيقولولك حامل
ملاك :ااه😳
ايهاب:مرات يطلع هبووط
سالمة:تي لا لا برا ارفعها برا
ايهاب:هي تعالي ملاك وقعد ينزل فيها بشوية لين وصلها للسيارة ولع وطلع
ملاك الطريق كلها وهي متكية راسها علي الروشن ومغمضة عيونها
ايهاب حرك صبعة علي خد ملاك :حبيبي خيرك شن تحسي قاعدة دايخة
ملاك:شوية مش هلباا
ايهاب :اهو وصلنا يا عمري اصبري
درس ايهاب قدام المستشفى ونزل هوا وملاك وقعمزو في الانتضار شوية وبعدين خشو للدكتورة طلبو عليها تحليلات ودارولها تغدية وبعدين دارت التحليلات وقعمزو قدام غرفت التحليل يستنو
ملاك شادة باكو سنتوب عنب وتشرب فيه
ايهاب:شني توا مشت الدوخة
ملاك:مشت
ايهاب ابتسم وقعد يشبحلها :زعمة يطلع كلام امي صح
ملاك:مش عارفة مش حاسة بشي
ايهاب:والله اشاء الله نتمنى اني
ملاك ابتسمت وهي تشبح لي ايهاب
ايهاب:معش تشبحيلي هكي انبووسك راه
ملاك ضحكت
طلعت الممرضة :ملاك ابوبكر ###
ملاك:نعم
الممرضة مدتلها ورقة التحليلات
ايهاب وقف :هي نوضي
ملاك شدة في ايهاب وناضت ومشو خشو للدكتورة
