#الميراث💸
🔥الحلقة4🔥
___________
هبة كانت مقعمزة في المزين طلعت تليفونها وكتبت رسالو لي عبدو
اليوم عرسي وانشاء الله ربي حيستر عليا ومش حيخليني زي ماخليتني انت حسبي الله ونعم الوكيل فيك مش حنساامحك لين انموت
......
جت الساعة9
وجي مراد هوا وخواته الزوز رندة ورناد قدام المزين وخشو البنات طلعو هبة وركبوها في السيارة ورفعوها لي الصالة
_________
في حوش ملاك علي سفرة العشي
حياة:شن قالولك صحابك عجبهم الغدي اووه؟
ابوبكر:اي والله سلم ايديك يا حياة بيضتيلي وجهي كل شي كان زي العسل
حياة شبحت لي ملاك وابتسمت:سلمك
علاء قعد يضحك:تي شن سلمك يما عشتي الدور حتى انتي وشبح لي بوه ملاك اللي طيبت شفتها الصبح
حياة:وشن طيبت بروحها طيبت اني ويااها
عبير: العشي كله صامت ملاك نوضي جيبي ملح
علاء:شن ملاك نوضي ماعندكش رجليين انتي نوضي برووحك
عبير: وانت من عينك محامي عليها
علاء:صمي فمك واحترمي نفسك خير ما ترقدي بلا عشي
عبير:بابا كلمه 😡
ابوبكر:خلاص ياسر وانتي احترمي خوك عيب اكبر منك
علاء:حتى اختها اكبر منها وتحترمها غصبن عنها
عبير:الحشرة هادي منرضاش انديرها حتى شغاالتي لاكن الله غالب
ملاك تشبحلهم وسااكتة طبعا لان مش اول مرة يسمعوها كلام زي هدا
علاء:عبييير 😡
ملاك :خلاص علاء اسكت مش لازم تتعارك مع اختك علي خاطري تو انجيب الملح وانوض
علاء تعفلق : وانتي شني مش اختي ولا لاقيينك في الشاارع وشبح لي بووه تكلم انت خيرك سااكت شن هدااا؟
ملاك ناضت وهي تشبح لي بوها وفيها غصا جابت الملح حطتهولهم في الصفرة ومشت ركبت لي دارها
علاء ناض وقف:كل حد قال عليها كلمة ولا عااملها اخيه ربي حيرداا فيكم وتو اتشووفو
ابوبكر ساكت كأنه مش مقعمز معاهم
ملاك خشت لي دارها وهي تبكي صكرة الباب بلمفتاح ورقدة علي سريرها
علاء طلع من الحوش مرة وحدة
_________________
في الصالة
كانت هبة مقعمزة علي الكوشة وكل العيون عليها
رناد:خيرها امكزمة هادي ضاربة ايهاب بطوبته ومش عاجبها
هاجر :الحسد اللي فيك ماريته عند حد خليها في حالها اكيد متوترة
رندة:باهي امالا بري واسيها باش ماتبكيش لان كان بتتلبز بتولي عملة شكلها 😂
هاجر تعفلقت ومشت جنب اختها
اسراء كانت مقعمزة جنب ندى ورشا وبشرى
ومعاهم علي نفس الطاولة سالمة وخواتها الزوز سميرة وسمية
سميرة:سالمة شني ايهاب مش خاش
سالمة:لالا مانضنيتش
سمية شافت الساعة:الساعة 11توا امتا بيروح بيها
سالمة:تو انكلمه وناضت من بحداهم
