#الميراث💸
🔥الحلقة12🔥
___________
جت الساعة2:00
وبيحطو الغدي
ركبت ملاك هي واسراء وندى بتحول الصدرة
وهي تنحي في خامها جنب السرير طاح منها وخش لوطة طبسة بتااخده شافت حاجة جنبه
ملاك قامتها لقتها شفرة مقصوصة علي اخر حاجة
اسراء:هي نوضي البسي قفاطنك بسرعة باش تتغدي
ملاك:اي هي وناضت حطت الشفرة في باكو صغير محطوط علي القجورة اللي جنب السرير
وناضت لبسة قفطان استريت لونه عنابي وخلت شعرها مفتوح
نزلت من الدروج هي واسراء وندى
اسراء:شوفي حياة كيف عيونها قريب يطلعو هي وبنااتها
ملاك :خايفة منها اديرلي حاجة
اسراء:تي نقتلهالك بعدين مصحها
حطو الغدي وقعمزو يتغدو
ومن كتر ما حياة وبناتها حاسدين ملاك لين اطربقو اللامبات اللي فوقهم
خيرية :بسم الله
سالمة:عوينة عوينة وطارت
خيرية:ملاااك تعاالي جااي
ناضت ملاك من مكانها ومشت لي خيرية :نعم حناي
خيرية:بري اطلقي وشيقة ولا حاجة بري
ملاك: باهي حاضر
مشت ملاك حطت كربونة علي البريمس وقعدة واقفة تراجي فيها
خشت حياة وصكرة باب الكوجينة
ملاك انخلعت
حياة جت تجري جنبها وشدتها من ايدها :ماتفرحيش زيادة علي اللوزووم هداا كله مش حيدووم وكان ماخليتكش اتولي وين ماكنتي معش نبدا حياة
ملاك خافت:اااي ايدي ارخيني 😥
حياة شدة الكمااشة وحطتها علي النار :شن رايك توا انخليها تعلم علي ايدك باش ماتنسينيش بكل كل صبح تشبحي ايدك تتفكريني
ملاك :لا خالتي حياة بالله عليك لا 😭 شن درت باهي اني والله ماكنت نعرف ان العريس هكي والله مانعرف 😭😭
حياة قامت الكماشة ومانت سخونة زي النار وحرقت ايد ملاك فوق صوابعها بشوية
ملاك عيطت حياة حولت الكماشة :ضمي فمك
ملاك دفتها :حوووولي حوولي شن تبي مني حسبي الله ونعم الوكيل فسيك
خشت سالمة فتحت الباب
ملاك وين الوش .... خيرك 😳
ملاك تبكي وتشبح لي سالمة
سالمة شبحت لي حياة حياة ساوت رووحها وجت بتطلع
سالمة صكرت باب الكوجينة :شن درتي للبنت 🤨
حياة:وشن بنديرلها يعني 😒
سالمة شبحت لي ملاك :قولي شن دارتك قوليلي متخافيش منها
ملاك وهي تبكي ورت لي سالمة ايدها
سالمة:هييييي 😱 يعطيييك دي انشاء الله تعرفي كان مش عيب توا نفضحك قداامهم
حياة شبحت لي ملاك وفنصت:هي انتي انتي شن تسحاابي رووحك باش تكلميني هكي مادرتلها شي اني
سالمة:لمي بناتك ومعش نبي انشوف وجهك هني وملاك انسييها من اليوم ولت بنتنا ومهما درتي مش حتقدري اطلعيها من الحوش هدااا
حياة دفت سالمة وطلعت
سالمة جت لي ملاك :ترا وريني ايدك ترا
ملاك:🥺🥺😢
سالمة :يا عطيها سحقة تمشي مرض هاتي البخور اني انطلعه واتي اركبي لي دارك تو انجيبلك فاشة من شنطة عمتي ديمة عندها
ملاك هزة راسها ومشت ركبت
