#الميراث💸
🔥الحلقة 7🔥
__________
جهاد كان مقعمز وجهها كله ازرق وشاد شيشة ثلج حاطها علي راسه ومراد مقعمز جنبه
مراد:وشن بدير توا
جهاد:خلييه خلييه تو سيوره يستحقلي ويجيني تو نعرف كيف انعامله
مراد:فوته خير يا جهاد انت عارف ايهاب شن يقدر يدير
جهاد:تو لما يخدم مفعول الحبة اللي عطيتهاله امس في الشرب تو يجيني زحااف
مراد شبحله وسكت
_____________
عبير نازلة تجري من الدار :مااامااا
حياة :هااا شنو
عبير خشت تجري للدار :عرفت خبر قنبلة
علياء:شن في شن في
عبير:طبعا مش قتلكم بنكلم اخت عماد باش ناخد رقمه منها
علياء:باااه ادوي بسرعة
عبير :قتلي ان عماد خوها كان يكلم في ملاك من قبل وبعدين هي سيباته
حياة:حي عليها الفرخة مدايرتلي روحها ملايكة بريئة وهي زي اللفعة
عبير:اي رييتي ولا انقولك اني
علياء:باهي شن بديري توا
عبير:خليها توا تفرح بي خطوبتها وخلي يجو ولما يبدا علي عرسها شوية نبعتو عماد يدير شغله
علياء:اي ونبي خاطري انشوفها وهي زي الكلبة العريس ماشي ومخليها هههههههه
عبير :هدا اللي بيصير اصلا
_____________
زهرة كانت هي وبناتها الزوز في السوق ويشرو في حوايج للبيبي وخدو كل شي علي اللون الازرق
هاجر:ماما غلط هكي مفروض خدينا الوان مخاالفا يعني اصفر قهوي احمر مش كله ازرق من قاللكم ولد هي
زهرة :ولد ولد اسكتي انتي
هاجر:اصلا الناس الطبيعية تشري حوايج البيبي لما اتخش للشهر الثالث وتعرف جنس البيبي مش من اول اسبوع الفجي فيكم
هبة:اسكتي هاجر خيرك تنقي من بكري
هاجر:منحبش فساد الفلوس
_________________
سميرة:والله فرحانة بنطير علي خاطرك يا ملوكة
ملاك ابتسمت
سالمة :ربي يكملك علي خير
ملاك:سلمك انشاء الله
اسراء:تبي الحق اني خايفة من الفاعي اللي عندك ايديرو حاجةلانهم ميحبو الخير لي حد
ملاك:ايديرو اللي بيديروه لو هوا من نصيبي حناخده حناخده وكان ربي مش كاتب ماعندي مندير
اسراء:امااا انتي غريبة ياريت ربي يعطيني ربع الهدوء اللي عندك
سميرة:يااريت وانتي ديمة زي المتروشقة تعيطي وتتعاركي مع دبان وجهك
ندى: لا اسراء اقعدي هكي جوك مليح ردي بالك تتغيري
ملاك:اي صح خديت عليك هكي اني
اسراء:مشاء الله ع الدعم زيدوني بالله زيدوني
__________________
:
:
:
:
:
:
فاتو ايام وملاك خلاص انخطبت رسمي لي هشام ولد خالتها وعلي اساس بيديرولها تلبيسة بعد تلاتة ايام لاكن راجل فوزية خالت ملاك مرض هلباا واتطرت خالتها انها تساافر هي وولادها علي خاطر راجلها واجلو التلبيسة
لاكن هشام مش امبطل اتصالات علي ملاك وكل شوية يتصل بيها وحياة وبنااتها يراقبو فيها بلخطوة شن ادير باش يعرفو امتى يكلمو عماد
