#الميراث💸
🔥الحلقة11🔥
____________
ملاك شبحتله وعيونها دمووع وبتمووت حست روحها فعلا طلعت من ناار وخشت لي الثانية
ايهاب:اي اي ابكي واحلفي ان والله انتي ماك طامعة فيا وان انتي كل نيتك انك تربي البنت بس
ملاك دموعها نزلو وساكتة ماقالتلاش ولا كلمة ولا بررتله حاجة
ايهاب خش خدي حوايجه وطلع
ملاك قعمزة علي السرير وقعدة تبكي :يااربي يااربي يكون هدا اللي اني عايشااته تخفيف دنوب واتكون جنتي في اخرتي مش في دنيتي يااربي
_________________
حياة روحت واول ما وصلت جو بناويتها طول
عبير: هي هي بسرعة احكيلنا كيف شكل حوشها وكيف شكل راجلها ومتااهينها اكيد هبوطة
علياء:اي اي احكيلنا خاطري نتصل بيها ونضحكلها ضحكة
حياة قعمزة علي الكرسي :جيبولي امية جييبو
عبير :خيرك ماما
حياة:جييبولي امية بنموت بنموت
علياء مشت تجري جابتلها وجت
حياة شربت :اااه يااا قلبي اللي بيووقف ااه يااسميرة يا كدابة انتي وخواتك ضحكتو عليا حسبيي الله ونعم الوكيل فيك
عبير :شن في مترعشينيش
حياة:حوش جدهم كلمت قصر شوية فيه وفي من بعيد حوش كبير يباان كله ضي وفخم فخم لين فايت حده قتلي سميرة هداكا حوش ملاك اماالا العريس شفته واقف علي علاء تسمعو بي كلمة علوو وملوو هوا هكي ورايح زي الغزال
علياء قعمزت جنب امها :يعني كدبو علينا باش منفركسوش العرس ولا
حياة:الكدابة هادي والله لما انوريها
عبير:قصدك ملاك توا واخدة واحد حالته احسن من خطيبي
حياة:تي نص المنطقة بأسمهم
عبير :ووووه عليااا ووه علاش هكي بختهااا علااش انشاء الله تطلق انشاء الله تقعد تعاني في الهم 😭
عليا:غبااارة نبي نمشي انشووف حووشها نبي نمشي
حياة:مزال يوم الثالث تو نمشي والله لما نسحنلها كبدها
____________
ملاك مقعمز علي السرير وتبكي مش جايها نوم ومش قادرة تستوعب شي ومش عارفة هي وين ومن هوا ايهاب والكلام اللي قالهولها وجعها خاطرها ناضت توضت وقعدة تصلي وتدعي لي ربي ان يساعدها ويبعد عليها اي شي يأديها وقعدة فايقة لين ادن الفجر وناضت صلت ورقدة
ايهاب كان مقعمز علي الصالون ويشرب ويدخن والدنيا جنبه مقلوبة قلب باكوات دخان علي قشور علي كواغط لين خداه النوم
_______________
تاني يوم الساعة12:00
ملاك ناضت تجري مخلووعة تسحاب روحها قاعدة في حوشهم وبتجي حياة تهزبها علي خاطر قعدة رااقدة
ناضت وقفت وقلبها بيطلع وثواني وفاقت علي عقلها ان هي تزوجت تنهدة وخشت للحمام غسلت وجهها ونزلت
لقت ايهاب راقد علي الصالون والدنيا رايحة زي الجيفة بحدااه خافت اتنوض١ه قعدة اتلم في الحاجات من جنبه بشوية وساوت الطاولة ولقت فلوس طايحات علي البساط قامتهم وحطتهم بحداه ومشت للكوجينة
