#الميراث💸
🔥الحلقة 8🔥
____________
وصلت قدام الباب قعدة اطقطق وهي تبكي
فتحتلها اسراء
اسراء:ملووكة خيرك 😟
ملاك حضنتها وزادت في البكي
اسراء:خشي خشي
سميرة :خيرك شن في 😳
اسراء :جييبيلها امية يا ماما بسرعة
مشت سميرة جابت المية وشربتها
اسراء تمستحلها علي شعرها : خلاص عاد اسكتي اهدي واحكيلي شن في
ملاك:هشام اتصل بيا توا و ... وحكتلهم كل شي صار
سميرة:يبس رييقها حيااة هاادي يعطيها دي تلهى فيه
ملاك:علاش مانتهنااش علاش كل شي اخي يصير معااي اني عييت يا عمتي سميرة عييت قريب نقتل روحي
سميرة:لا استغفري ربك يا بنتي معش اتقوولي هكي
اسراء:خلاص حبيبتي اهدي ماتعرفيش ربي شن دااسلك مش كنتي لتقولي كان من نصيبي ناخده وكان لا الله غالب خلاص هوا مش من نصيبك
ملاك:مش واجعني هشام ولا واجعني اني مش حنتزوج اني واجعني حاالي كيف مافيش فرحة اتم
اسراء:ماتعرفيش ربي شن دااسلك ونرات الموضوع هدا فيه خيرة ليك خلاص امسحي دموعك ونوضي معاي هي تعالي معاي دااخل
وخشت هي وياااها داخل وقعدة اسراء تهدي فيها
________________
علاء :كيف كدااابة اماالا علاش خدييتي منها الرقم علاش
حياة:براا براا وانت اللي اتقولهولك اتصدقه وهي تو نعرف شغلي معاها
علاء:اتمسييها ولا اتكلميها تنسي اني ولدك فاااهمة وطلع وقربع البااب
حياة:وووه عليا يا كبدي انحس فيها سااحراته
عبير :تمشي اتملح المهم مصارش من السفر
علياء:مش عاطية فرحتي لي حد بالله ديرولنا كيكة خلي نحتفلوو 😂
______________
هبة كانت مقعمزة في حوش اماليها
هاجر: لاكن غريبة بطنك يا هبة مااتقوليش عليك في الشهر التاني بطنك كبيرة هلباا
هبة توترة:ااااءاء اكيد نفااخ
زهرة:اي حق بري عايني بالك فيك حاجة منفخة هلبا انتي
هبة:تي مافيا شي خيركم اتصلت بي دكتورتي وحكيتلها قالتلي عادي
زهرة:غريبة اول مرة انشوف وحدة في الشهر التاني بطنها هكي
هبة هي اصلا كانت كيف خاشة للشهر الخامس
هبة:اصلا اني غدوا بنخش في الشهر الثالثهدا علاش بدت تكبر بطني وناضت وقفت اااء اني بنروح خلاص انحس في روحي متهتكة بنرقد شوية
ومشت تجري روحت
_______
الساعة 9:00في الليل
خشت ملاك للحوش ومشت طول بتركب فوق لي دارها
حياة:تعاالي هنيي
ملاك تلفتت:شني
حياة جت طول شدتها من حوايجها :تراا كانك فاالحة عااوديلي الكلام اللي قلتيهولي امبكري وانتي متشجعة بي علاء ترا
ملاك وهي فاشلة من البكي :حوولي خالتي حيااة والله ماعندي نبية حتى نتكلم
حياة جبدتلها وشااحها خنقتها بيه :اني هني الكل في الكل واني اللي انقرر كانك بتتزوجي ولا لا ساااامعة
ملاك تجبدلها في ايدها وتكح
حيااة زاادة قنطت عليها :اني لما لنقووول كلمة اتقوووليلي حااضر ولما انضبح عليك اتقوليلي نعم ولما انقووولك مووتي اتمووتي اتموووووتي
