#الدرج_العالي
.
🌷🌹بقلم زهور جمال الدين 🌹🌷
.
❣❣الحلقه الحادية عشر ❣❣
.
.
-شريف: فار خش لدار النوم توة من تحت الباب
-حنين😱 : حيه عليا كيف بندير ووين بنرقد انا توة
-شريف: باهى غير تعالى تعالى قعمزى عالصالون اهو تو نخش نجيبهالك انا
خش شريف جابلها البطانيه وطلع ..
قعمزت عالصالون ولفت البطانيه عليها
واتكى هوا وحط يده اليمين تحت راسهويشبحلها
-حنين : خيرك تشبحلى
-شريف مبتسم: كملى هدرزتك هى
-حنين : شن بنقول
-شريف: احكيلى وين كنتى تقرى ..وفيش قريتى ..
-حنين تضحك : تقرير كامل
-شريف: لا براحتك كانا تبيش تحكى
-حنين : لا عادى ...اهو نحكيلك ..انا قريت الابتدائي والاعدادى فى نفس المدرسه ..والثانوى انتقلت
-شريف: كانت مدرسه مختلطه
-حنين اتكت عالصالون وتغطت: طبعا مختلطه
-شريف: وكنتى تلبسى هكى
-حنين : قول اسوأ من هكى😁😁
-شريف بغيض: شن قصدك اتغيضى فيا
-حنين تضحك : لا لا والله لا
-غطى وجهه: باهى ارقدى ارقدى
-حنين : تعالة جاى ..خديت منى انا الاخبار ورقدت ..احكيلى انت وين قريت.. وكيف كنت زمان
-شريف يشبحلها : انا زمان اتأثرت هلبا بموت امى
-حنين : الله يرحمها ..حتى انا امى ماتت فى عز احتياجى ليها
-شريف: انتى وسرور كنتو صغار.. ولقيتو من يعوضكم ..بس انا كنت كبير شوى ونعرف ..خلت فراغ كبير هلبا فحياتى
..وخلت عندى احتياج للحنان
.
حنين عندها نيه تنوض تحضنه بس مش قادرة لان الامر بينهم مش اوكى
.
غيرت الموضوع وقعدو ايهدرزو على دراسته لين ادن الفجر ..صلو ورقدو
_________________________________
.
.
فاق شريف الصبح الساعه 8...
قعمز عالصالون يشبحلها ..سخفاته كيف طلعها من دارها
..قعد يضحك على روحه ..
وفى خاطره : محلاها ومحلى برائتها وهدرزتها
خش للحمام ...
.
بعد شوى
فتحت حنين عيونها ..شبحت مكان شريف لقاته مهناش
..وتسمع فى صوته فى الحمام ..
قعمزت عالصالون ...
تدكر فى اللى صار امبارح كله وتضحك ...
-طلع شريف من الحمام : صباح الخير
-حنين مبتسمه : صباح النور
-شريف: ارجعى ارقدى ..مزال بكرى..نوضى خشى لسريرك استريحى
-حنين : بالنسبه للدار مستحيل مزال نقدر نخشها مدامه فيها فار .. ومدام نضت خلى نديرلك فطورك
-شريف: تخافى نتعود
-حنين بمكر : باهى بلاش
-شريف : لاااا وين بلاش ..مدام عزمتى عليا خلاص..نوضى يافالحة ..
ناضت حنين خشت للمطبخ بهداكة القفطان القصير وهوا يشبحلها ...
خش لدار النوم ..قعمز عالسرير .. يسأل فى نفسه ..هدا شنو ..شنو اللى صاير معاى ...حس انه مايبيش يطلع من الحوش ..يبي يقعد معاها ...وبالمقابل حس انها خفه منه
غير حوايجه وطلع للصاله ...
_________________________________
عبدالتواب فى داره ...
.
قاعد راقد فى سريره ..
ويخمم : انا الحق البنت عاجبتنى.. زعما نقول لشريف عليها
..هوا واضح كلامه على بنت ثانيه ..
ويخمم: وممكن هيا مرتبطه ..
