الدرج العالي

الحلقه ١٨

#الدرج_العالي
.
.
🌷💕للكاتبه زهور جمال الدين 💕🌷

.
❣❣الحلقه الثامنه عشر ❣❣

.
.
وناداهم الدكتور قيس الساعه 11 فى الليل

...ومشو خليفه وحكيم

الممرضه تمشى قدامهم فى الممر .. وهما يمشو وراها

ورجليهم يرعشو يانارى ...

خشو للغرفة ..الدكتور سمين وكرشه طالع ..عمره فى حوالى الستين ..ولابس نضارت

وجه ايديه للكراسى : تفضلو

-حكيم يمسح فى جبهته من العرق : هاا بشرنا يا دكتور انشاء الاولاد احوالهم باهيه

-الدكتور: منو والد اللى يده فيها اعاقه

-خليفه يرعش وفمه امسبت : انا يا دكتور

-الدكتور تلفت لحكيم : معناها انت والد الشاب الثانى ..

-شاف للاوراق قدامه ساوى نضراته وقعد يقرا : الشاب

انضرب فى الجهه اليسرى بسكين حاد ..ادى الى ثقب عميق

فى المصران الاعوار ..واجرينا ليه عمليه ..وانشاء الله اموره حتكون تمام بعد ثلاث ايام عالاكثر

-حكيم : الحمدلله يا دكتور..وولد اختى انشاء الله احواله باهيه حتى هوا

-الدكتور يشبح للاوراق : هوا ولد اختك صار انتواقارب

-خليفه : واحد ولدى والثانى راجل بنتى

-الدكتور ربط ايديه فى بعضهم: والله شن بنقوللكم حالة شريف صعبه شوى ...

-خليفه انهار: علاش يا دكتور شن صارله

-حكيم : غير راجى شوى يا خليفه ..
وتلفت للدكتور : كيف صار يادكتور

-الدكتور: شريف جاته طعنات متتاليه من الخلف .. الضربات

كانت موجهها عالكلى الاثنين ..ممكن بقصد ..ممكن بالصدفه

..بس كاتب ربي ان بالطعنات ينضربو الكلاوى الاثنين ..وحدة

شلناها .. والثانيه ضعيفه جدا نتيجه الطعنات محتاجه لامداد

-خليفه يبكى: مافهمت منك شى يادكتور: يعنى بيعيش والا لا

-الدكتور: لو زرعناله كلوة فى غضون عشرة ايام بأدن الله ايعيش ..

-خليفه: اهو انا نعطيه كلوتى ..شن مزال بنعيش فى الحياة اكثر ماعشت

-الدكتور: مش بالوهية هيا يا حاج.. هادى فيها عينات وتطابق انسجه

-خليفه : كيف مافهمتش

-حكيم : انا فاهم يادكتور ..تقعدو اتقيسو فى اقاربه اكل لين

تلقوله متبرع انسجه كلوته اطابق كلوة شريف

-خليفه : خلاص جربونا انا وعمه وجده لين تلقو