الدرج العالي

الحلقه الاخيره

#الدرج_العالي

.
🌷💕للكاتبه زهور جمال الدين 💕🌷

.
❣❣الحلقة التاسعة عشر ❣❣

            والاخيرة 👌💕
.
.

فى حوش الصادق

-غالية : الحمدلله وليدى لقى كلوة كنهدا رانا قايمين عزاه توة

-الصادق : بعيد السو عليه خيره هكى كلامك انتى

-غاليه: قلبي غادى عندهم .. شن قالك عمران بيجينا ولا شنو

-الصادق: قال مانقدرش انجى لين يطمن على بنته وولد

خوه ..كلمت حكيم ولد خوك بيفوت علينا

-غاليه : وخيرك ماقلتليش اللطف رانى وتيت روحى

-الصادق: شنو بتلبسى الحرير .. هانى قتلك توة وتى روحك هى

-غاليه : ماهناك مابنوتى جلابيتى وخلاص

-الصادق: نوضى نصلو العشى جماعه وندعولهم

-غاليه : هى

___________________________________

فى حوش امنه ...

-لبنى تشبح لندى  : رعشت مع بعضى من كلامك  ...خلى انوض خيرلى

وناضت خشت لدارها وسكرت الباب

-امنه تلفتت لندى : توة هدا كلام اتقوليه ..متشفية فى ولد خالك ومرته

-ندى: انشالله ربي يزيدهم اكثر واكثر كيف ماظلمونى

-امنه : منو ظلمك ..منو جى جيهتك ولا داسلك على طرف

-ندى: امالا اللى صايرلى كله منين ماهو من دعاهم عليا

-امنه : يابنيتى صارلك زى اللى كدب الكدبة وصدقها .. تى

كيف اللى صايرلك من تحت روسهم ومن دعاهم ..علاش

انتى شن دايرتيلهم بيش يدعو عليك

-ندى : والله مادرتلهم حاجه هكى ظلم وخلاص ..شوى اهو

ربي رده فيهم طول

-امنه : انتى بتهبلينى ..انتى منو قالك ولد خالك ومرته

داعيين عليك ..منو موصلك الكلام ولا فكرتيها بروحك

-ندى : ماقالى حد لكن انا متاكدة منهم يدعو عليا .. شوفى

اللى صايرلى كله من تحت روسهم حسبيا الله ونعما الوكيل فيهم ...
وقامت ايديها فوق : ربي يزيدهم اكثر واكثر

امها يانارى مالاقيتلها حيل ... وخايف اتزيد اتناقشها تتأزم

اكثر نفسيتها ...سكتت وخلاص

_______________________________________

فى المستشفى ...

االممرضه ضربت لحنين يبرة المسكن ..و مفعولها يبدا بعد ربع ساعه