فقدتك
الحلقه الاولي
علي:اني جاي اليوم نبي انصالح مهند مع منير وينه منير
محمد:خيرهم عﻻش شن فيه؟؟
علي:متعاركين ومش هو ره قالي قالولي اوﻻد الشارع
محمد: توا انت وياه أوﻻد عم وتتعاركوا
مهند: واللهي ياعمي الشطان الله خش بينا واني تعرفني عصبي مانتحملش
محمد :ربي يهديكم وعﻻش متعاركين
مهند: على حاجة فاضيه واﻻوﻻد كبروها
وعلى خشة منير اقعد يشبح لمهند شبحة إنتصار
منير:السﻻم عليكم
كلهم:وعليكم السﻻم
منير:كيف حالك ياعمي انستنا
علي:الحمد لله الله يأنساك
منير:وين ياعمي معش تبان
علي:أدورو فيه هلبا عمكم زي انت زي خوتك وتوا مش وقت كﻻم اني جاي على خاطر العركة اللي اليوم مدييرنها
منير:وانت من قالك متعاركين ياعمي
علي:اوﻻد الشارع
منير:هو ياعمي معقوله تو قدام الجماعه ايلقحلي ويناشب زي العيل
علي:تي واللهي لزي المفرخ قلنا اهو كبرو تو يعقلو
محمد: باللهي ياخوي عادك بأيام زمان اللي ايطق عمره17سنه ايكون راجل وعاقل
منير:ويخطبوله ههههه
كلهم:هههههههههههههه
محمد:تي نوض درق وجهك جيل ماعاد يتحشم
وأتصالحو منير ومهند وقعدو أيهدرز لين المغرب أذن أمشو للجامع صلو وكل واحد روح لحوشه
ثاني يوم الفجر
علي اركب اينوض في مهند لصﻻة الفجر بش يمشي معاه للجامع
علي:مهند نوض كانك بتصلي
مهند:امممممههه اخهووهههو
علي:تي نوض هيا ياسرك من النوم
مهند:تي باهي يابوي خليني نرقد
علي:بتنوض وﻻ اناديلك على امك
مهند:ها شن قولت يابوي هيا هيا
ناضوا امشو صلو وروحو جابوا الفطور مهند ولى أرقد اما علي اقعد ايدور في الجنان قعمز للساعه8برا في الجنان ناضت هدى وأمها ودارو الفطور فطرو كملو الفطور وهدرزو شويه
هدى:بابا نمشو حوش حنينه قدش لينا معش امشينا واني كملت امتحاناتي
علي:عادي كانا بتمشي وتي روحك نرفعك اصﻻ حتى اني ماشي غادي
هدى:بنمشو كلنا شن رايكم
كلهم:عادي
علي:هيا وتي روحك امﻻ خلي نرفعكم انتي وامك مصعب اتعاﻻ بعد الجمعه انت وخوك
سميرة:باهي اتعاﻻ انت وخوك بعدين غادي لحوش حناك قدش ليك معش امشيت
مصعب:ان شاء الله ايصير خير
طلعو هدى وأمها ركبو في السيارة وصلو قدام باب حوش حناهم ألقو مهاب كيف طالع من الباب
مهاب:السﻻم عليكم كيف حالك ياعمي
علي:وعليكم السﻻم الحمد لله
مهاب:كيف حالك يامرات عمي ان شاء الله بخيير
سميرة:الحمد لله كيف حالك انت وكيف حال خوتك وامك وبوك والعويله كلهم
مهاب:بخيير اهو الداخل كلهم
خشو الداخل وسلمو عليهم طبعا هدى لما شافت مهاب خلت شنطتها بالقصد بش ترجع واتشوف مهاب
هدى:بابا اعطيني مفتاح السيارة تره
علي:عﻻش شن بديري بيه
هدى:انسيت شنطتي بنمشي انجيبها
علي:هاك شدي افتحي بالشويه
طلعت تجري بش اتلحق على مهاب القاته كيف بيطلع مهاب اشبح هدى طالعه طفا السيارة وانزل
هدى:وين ماشي بدون ماأتشوفني
مهاب:شن بندير بيك وامس لقريب الفجر انكلم فيك ههههه
هدى:باهي اني اللي غالطه
وولت كيف جايه بتخش مهاب شدهها من أيدها
هدى:اطلقني خﻻص
مهاب:خيرك هكي تزعلي بسرعه اني كنت انبصر عليك بس
هدى:اني ماأنحبش البصارة
خشت تجري مهاب اتعفلق من حركتها بعدها ولت بحركة سريعه
هدى:مهاااب انحبك لما تتعفلق وخشت الداخل
علي:بش بأتجيبي شنطتك
هدى:ﻻﻻ خليها تقعد القيتها مش مهمه
علي:اما انتي كل مرة براي
خشت سميرة بتطيب الغدي والبنات مقعمزين فاتحين النت وأتخش عليهم حناهم
حناهم:نوضي انتي وياها فالحين اﻻ أتبزبزو في هاﻻغبر
سارة:هدا جيل التطور ياحناي
حناهم: شن هو هدا وين ايبيعو فيه
كلهم :هههههههههههه
هدى:اما انتي ياحناي خطيرة
حناهم:تي نوضي وحدة منكم اتوتي العاله وياسر من هالدوة وانتم هدا فاش فالحين
سارة ودانيه هدى وتو العالة وطلعوها لحناهم ومحمد وعلي أمشوا للجمعه دانيه شدت هدى
دانيه:هدى بنسالك امبكري عﻻش طالعه بش على اساس بتجيبي شنطتك عطلتي هلبا وفي اﻻخير ماجبتيهاش
هدى اتخزرطت: ﻻمهو الواحد انسيته
دانيه:اما واحد تحسابو مش كاشفينكم هههه
هدى:شني كاشفينكم ما كاشفينكم خيرك تدوي باﻻلغز اليوم
دانيه:عارفتيني على شني نحكي عليك انتي ومهاب
هدى:باللهي عليك وانتي شن عرفك
دانيه:مهاب قالي
وتقطع عليهم سارة
سارة:شن قالك مهاب
دانيه:قالي بعدين نمشو لمكان مش للمفرخ
سارة:بري روحي تو اتشوفي لكن مانبيش نتكلم قدام هدى
وتلفتت وطلعت متعفلقه
هدى:خيرك عليها حرام عليك
دانيه:نفاخه فوتيها خلينا في موضوعنا مهاب يبيني انكلم ماما وانجوكم
هدى اتحشمت وحطت راسها لوطى
دانيه:قبل ما تتحشميش نعرفك
مع ضحكه خبيثة
هدى:يابارده ههههه
واتخش عليهم سميره ام هدى
سميرة:هيا ياسركم من الدوة ووتو السفرة قريب ايروحو
دانيه:من عيوني ياعيوني
سميرة:من امتا هاللسان
هدى:ياماما ماتعرفيهاش هادي تبيك تخطبيها لمصعب ههههه
دانيه:خزي اصﻻ اني من قبل لساني عسل وبالدات مع مرات عمي
مع شبحة على الجنب
واتو السفرة متع الغدي وروحو من الجمعه واتغدو وبعد الغدي قعدو ايهدرزو وشربو الشاهي وضحك ولمة عويله وملتقى العشاق طبعا هدى ومهاب
مهند:من داره الغدي
دانيه:اني دارته عﻻش مليح
مهند:باهي ماشاء الله الفرخه دانيه كبرت وصار منها هههههههه
دانيه:فرخة عينك اصﻻ قدش ليا واني انطيب واسألهم
مهند:عاد شكار العروس هههههه
كلهم:هههههههههه
دانيه:اضحك اصﻻ واثقه من نفسي
مهاب:كانش دحيه تعرف تقليها بس
دانيه:انت اسكت قد ماأنديرلك لكن تو اتشوف
المهم قعدو يتسهوكو العيله كلهم على دانيه شويه شرين نقال علي القاه خالد ولد أخته صبريه
علي:الو السﻻم عليكم
خالد:خير ياخال شن اﻻخبار
علي:تمام الحمد لله شن اخبارك انت وشن اخبار العويله
خالد:كويسين الحمد لله اطلع برا ماعندكش تغطيه
اطلع علي برا
علي:ايوا تسمع فيا
خالد:نسمع فيك بنقولك اليوم بوي دار حادث ومعاه أمي واختي منال
علي:شن صارلهم وين هما
خالد:ف مستشفى.-..-.-.-ماتقولش لحناي بش ماترعشش
علي:ان شاء الله هيا مسافة الطريق وانكون عندك
اقعد ايفكر كيف بيقول
لخوه محمد
فخطر عليه يبعتله مسج
أنت تقرأ
فقدتك💔 ( روايات ليبية )
Romanceمن اجمل روايات الحب الليبية قصة حب بين شخصين دائما أمامهم احدات صعبة و أشخاص همهم الوحيد افساد العلاقة ؟ فهل تمتد ؟ و ما علاقة اسم الرواية بلموضوع 😳 ؟ للكاتبة : حلا
