فقدتك
الحلقه الثانيه
فاتت الليله بنكدها عالعايله كلها والكل كان مشغول علي فتحي وشنو حيصير فيه
وجئ الصبح والكل كان نايض،لان مافيش واخد جاته النيه في النوم
طق طق طق طق ظق
صبريه : عيا دقيقه يلي اتخبط
خالد: صباح الخير يام كيف حالك اليوم وباس هلي راسها
(((( حقا خلي انقوللكم منو هو خالد ))))
خالد هذا ولد خو فتحي بس فتحي وصبريه قبل ما اجيبو منال قعدوا فتره بلا صغار ففتحي اخدي من خوه ولده خالد وهو يلي رباه من لما كان في الابتدائي لهذا هو اقوللهم اني وبوي
صبريه: بخير المهم توا بوك كيف حاله
خالد: شنو بنقولك نكذب عليك لو انقولك حاله باه بس اني لازم نرفعه لتونس مستخيل انخليه اموت قدام اعيوني وظول خنقاته العبره واتلوح في حضن صبريه وابدي يبكي
والكل لما سمعوا خالد يبكي انخلعوا وجو يجرو
منال: لاااااااا بوي لااااااا والنبي ياخالد قول بوي حي والني ما اتقولش بوي مات
خالد: اهدي اهدي يامنوله بوي خي وحاله كويس بس اني متغشش عليه
منااال: ووووه عليا يا ابوي لالا اني مش مصدقه ارفعني ليه توا نبي انشوفه
واهني مهاب ومصعب ومهند ومنير سمعوا العياظ وانخلعوا وخشو يجري للحوش
مهاب: تي هيركم شنو فيه
مصعب: خيرك يامنال شنو في شنو صاير
منال: وهيا تبكي بوي بوي
مهاب: تي عمي فتحي حاله باه علاش العياظ (( وهو متعصب ))
منال: والنبي وراس امك يامهاب ارفعني لبوي نبي انشوفه
مصعب: شد منال واقعد اهدئ فيها اهدي اهدي وراس منال بوك حاله باهي ومافيه شئ غير اهدي ومعاش اتزيدي امك حرام عليك توا انت المفروض تدعيله مش اتعيطي عليه
منال: باه ارفعني انت يا مصعب بالله عليك
مصعب: باه خلاص واقعد يمسحلها في دموعها بايده نوضي هي اغسلس وجهك والبسي عبايتك وتوا نرفعك
ناضت منال تجري خشت للحمام
خلي نحكيلكم علي كل واحد في العيله
مصعب مهندس عمره 27 هو احب منال من طرف واخد ومافيش حد املاحظ هذا الحب لانه مزال ما كملش حوشه وهو يبي طول يخطبها ويتجوزها
منال: اتحب مهاب وكذلك من طرف واحد
ردينه : معجبه هلبا بمصعب بس مش لدرجه الحب وهيا ديما اتفكر ان الخب بعد الزواج
وزي ما تعرفو مهاب احب هدي وهدي تعشق الارض يلي يمشي عليها مهاب
وقصع الخب هذه من ايام الطفوله بس توا اطورت ومهاب اعترف لهدي بحبه كيف وامتي خلونا نرجعوا بالحداث من حوالي سنه ونص وانشوفو كيف مهاب اعترف لهدي وكيف صارت اللقظه
أنت تقرأ
فقدتك💔 ( روايات ليبية )
Romanceمن اجمل روايات الحب الليبية قصة حب بين شخصين دائما أمامهم احدات صعبة و أشخاص همهم الوحيد افساد العلاقة ؟ فهل تمتد ؟ و ما علاقة اسم الرواية بلموضوع 😳 ؟ للكاتبة : حلا
