الحلقه الثانيه
هدي: اه شنووووو
مهاب: تي وغلاوتك عندي ما نحسابها منال وبعدين انتو متغلفات تغليفه والزوز لبسات فيلوات كيف بنعرفكم من بعض، واني قولت الكلمتين ولما شوفتك سلمتي علي مصعب انصدمت
هدي: وشنو هما الكلمتين يلي قولتهم قول قول
مهاب: ااااه صار انت ما اسمعتيش ودرتي عليا الجو
هدي: اني حرجانه كيف انت سركت عليا النقال وقولت عليا نشفه بس توا لازم اتقولي شنو قولت لمنال بسرعه
مهاب: اووووف خلاص فاتت بجوها
هدي: لا ما فاتتش قولي توا
مهاب: منال خلاص
هدي: لا ياغالي اني هدي مش منال
مهاب: هبلتيني خلاص شئ ما قولت شئ
هدي: والله يا مهاب ما اتقوليش شنو قولتلها والله لما انروح لحوش بوي ايوه
مهاب: يا سلام ياسلام من اولها هكي لا كملت عليك يامهاب هذه من اول يوم اهدت الغلبه
هدي: مهااااب نش وقت براده قول
مهاب: اوووف باركتلها وقولتلها صار زعلانه مني، وخلاص
هدي: متاكد هذا بس
مهاب: هدي خلاص عاد مش كان اضحكت معاك معناها بتاهدي عليا الغلبه راه الشئ هذا ما انخباش ونبي كلمه اتكون وحده مش اتنين انقولك موتي موتي مش تبدي اتردي عليا
هدي: هووووبه حبيبي انت وابدت تتعسل عليه
مهاب: واني ما نقدرش انقاوم كل هالدلال ياهمي وكذالك فاتت عليهم الليله من اخلا الليالي،
وفات اليوم علي هير وكانت كل العيله فرحانه بالعرسان وجئ الصبح وامشت هدي لحوش جداها الصبح لان العرس داره في في الجده وكذالك منال،جت الصبح لحوش جداها وجئ خالد ومرته
وباركولهم كلهم وابدوا اجهزوا للمحضر في العشيه والعرايس ابدوا اوتوا في روحهم علي شان بيمشو للمزين
مهاب: هدي يا هدي
هدي: حي عليا قلبي بيوقف هذا مهااااب
ردينه: تي خيرك يا مجنونه ابدي راجلك خيرك خايفه
هدي: هههههه والله الا نسيت خلي انشوفه
منال: جو زاد زعميتها نست برااااده
ردينه: عادي تصير
منال: اللطف تي امس بايته عنده
مصعب: منووووله يا منووووله
منال: ايوه هيا اني جايه
هدي: تعرف وانت تنادي فيا قلبي قريب طاح انسيت ان خلاص ابدي مرتك هههههه
أنت تقرأ
فقدتك💔 ( روايات ليبية )
Romanceمن اجمل روايات الحب الليبية قصة حب بين شخصين دائما أمامهم احدات صعبة و أشخاص همهم الوحيد افساد العلاقة ؟ فهل تمتد ؟ و ما علاقة اسم الرواية بلموضوع 😳 ؟ للكاتبة : حلا
