الجزء الثاني،
فقدتك
منال: عوووبه حبيبي، انحس في روحي متوتره زعما نطلع حلوه
مصعب: انت في كل الحالات اتهبلي
منال: يستر الله والله اا خايفه الحق بذات معاي زوز عرايس ثانيات
مصعب: هههههه،يامرعاشه صار تبي تطلعي الاحلي مش علي خاطري،
منال: اا والله نش هكي بس الموضوع في حد ذاته اوتر الحق
مصعب: لالا ما اتهافيش وان شالله ربي اسهل هيا توا خلي بنسكر لان وقت عليا الاولاد يستنوا فيا بنمشو للحمام
منال: اوكي ونعيما مقدما،
مصعب: سلام ردي بالك علي روحك حبي
:
:
:
مهاب: وين القمر غاطس
هدي: هو في قمر يطلع في النهار
مهاب: وي وي في هذه اغلبتيني خلاص معناها الليله ليلتك يا قمر
هدي: تخشم عيب،
مهاب: انت يلي قلتي القمر يطلع في الليل هههههه
هدي: بااااارد امشي فكيني،منك
مهاب: والله ما عندي وين نمشي معاك،لاخر العمر
هدي: دووووم يارب وربي ما يحرمني منك 😢😢😢😢😢
مهاب: ولا منك يا نكديه
هدي: اخس عليك علاش نكديه😢😢😢😢
مهاب: باه امالا علاش الدموع وانت كان زعلانه تبكي وكان فرخانه تبكي راه خلاص بتفلسي بيا في الكننكس هههه
هدي: واحوايجك شنو اديروا نمسح فيهم ههههههه
مهااب: هههههه
هدي: انحبك
مهاب: مش اكتر مني
هدي: لا اكتر
مهاب: لا اكتر
هدي: اني اكتتتتتتترررررررر
مهاب: هدي
هدي: يا قلبها
مهاب: انحبك يا مرتي
هدي: ههههه واخيرا
مهاب: وبعد عنااااااء بس واهيرا خلاص ابديتي ليا بروحي ومن اليوم بنسكر عليك بالمفتاح
هدي: الله غالب مكتوبلي،الحبس طول عمري
مهاب: ابدينا في جو النقان
هدي: امالا شنو
مهاب: ياحبي ياقلبي قبل كنت نسكر عليك في قلبي بس توا مسكر عليك في الحوش وبعدين .......
هدي: ارجووووك اس اس متصدمنيش اكتر
مهاب: هيا اهو جاي يا نشفه
أنت تقرأ
فقدتك💔 ( روايات ليبية )
Romanceمن اجمل روايات الحب الليبية قصة حب بين شخصين دائما أمامهم احدات صعبة و أشخاص همهم الوحيد افساد العلاقة ؟ فهل تمتد ؟ و ما علاقة اسم الرواية بلموضوع 😳 ؟ للكاتبة : حلا
