فقدتك
الحلقه الثالثه
هدي: مهااااب حبيبي،والله الا استاحشتك باهي
مهاب: والله عارف ياقلبي بس الله غالب انت عارفه الشغل واخد كل وقتي
هدي: صار معترف بانه واخد كل وقتك
مهاب: هههه واااك منك ما شديتي الا هذه بس،
هدي: حبي بالله عليك خلينا نمشوا انعاينوا وغلاوتي عندك
مهاب: توا مش وقتها الهدرزه هذه في التلفون
هدي: باه امتي وقتها انت تروح تعبان ترقد طول
مهاب: حاضر وسعي بالك عليا توا اسخر ربي،وانعاينوا انت خيرك مستعجله
هدي: ياقلبي ياحبيبي،عواطف مرت خالد ومنال تزوجوت معانا وقريب اجيبوا واحني مزال ما صار شئ
مهاب: معاش اتقارني نفسك بيهم توا ربي احن
هدي: اووووف ديما وانت هكي ربي قال اسعا ياعبدي
مهاب: هدااااااااي خلاص صكريه الموضوع هذا وهيا امشي عندي مرضي يستنوا فيا
هدي: ماشي سلاااام
مصعب: ها منوله كيف حالك اليوم ان شالله احسن من امس،
منال: لالا خلاص ظهري انحس بيه مقسوم غلي اثنين والله بنموت هذا واني قاعده في الشهر السادس املا بعدين كيف
مصعب: باه شنو نمشوا انعاينوا اليوم
منال: مش عارفه الحق بس كان زاد الوجع بنمشي
مصعب: خلاص امالا ارتاحي توا ولما انروح من الشغل توا انجيب معاي غدئ جاهز ما اتعبيش روحك ياقلبي
منال: اوكي طفي الضئ عليا بالك اجيني نوم
مصعب: امووووه وهذا بوسه لعصفورتي
منال: توا وقته امشي،لشغلك وقت وطفي الضئ بنرجع نرقد
اطلع مصعب وطول الطريق افكر في منال ووجع ظهرها
وما خسس بروحه الا وهو خاش في السياره يلي قدامه
انزل مصعب جري اووووو اسف اسف بسيطه
هندوان : اسف اسف وين اعيونك يا باشا
مصعب: والله الا اسف مكنتش مركز الحق
هندوان: وباش ينفع اسفك توا سيارتي كلها امشت
مصعب: حقك عليا اني نتولي صيانتها
هندوان: شكرا ما فيش داعي بس مره ثانيه دين اعيون لان حياة الناس مش لعبه
مصعب: بجد اسف مره ثانيه وهذا كرتي لو احتجتي شئ تفضلي،
هندوان: مشكور ما فيش داعي
أنت تقرأ
فقدتك💔 ( روايات ليبية )
Romanceمن اجمل روايات الحب الليبية قصة حب بين شخصين دائما أمامهم احدات صعبة و أشخاص همهم الوحيد افساد العلاقة ؟ فهل تمتد ؟ و ما علاقة اسم الرواية بلموضوع 😳 ؟ للكاتبة : حلا
