فقدتك
الحلقه السادسه
مهاب: اووووف بالله هذه عيشه ابديت زي المراهقين انجئ انشوف فيك خنبه والنبي هذه عيشه،
هدي: حبي خيرنا عاد شنو اول مره ماهو اليوم لينا سنه هكي،عادي
مهاب: ماهو المشكله ان لينا سنه واني خايف،لو الخال هذا اطول بالله عليك كيف الحل،اني خلاص كملت الحوش والذهب، كله وازيتيه وامروح بيه للحوش حتي من الغرس اكبر في الجنان واخرتها
هدي: اهرتها انجئ اني انورلك هالحوش 😜😜😜😜
مهاب: ان شالله ياااارب بس امتي بس قولي امتي
هدي: باه توا انشوف كيف بالك انكلم ردينه تفتح الموضوع لحناي
مهاب: بالله حناي كان عندها فيهم حكومه راه من زمان متصالحين
هدي: حياتووووو خلبك متفائل بالله عليك
مهاب: اني اليوم بنكلم بوي ويلي اصير اصير
هدي: يعني كيف تبيه اجئ يخطبني وهو متعارك مع بوي،
مهاب: وباللك خطوبتنا اتكون سبب الصلح وبعدين لين امتا بيقعدوا هكي والله الا مشتاقلك موووت ومعاش قادر علي فراقك بكل بكل ونبيك اتكوني معاي،في حوشي خلاااااااص ياناااااس انحبهااااااا ومستاااااحشهااااااا
هدي: اس اس حجمتنا الناس يسمعوا فينا امشي روخ انت كان اتزيد تقغد دقيقه مش عارف شنو اصير نوض روح نوض
مهاب: مجنون بحبك يا قلبي انتي
سعاد: وانت كيف توافق هكي طول
محمد: بالله عليك لين امتي،بنقعدمتعارك مع خوي ومنداه الخل هذا بيرضيه خلاص انديروه
سعاد: ومنو قالك اني بنخطب منال لمهاب
محمد: والله مهاب حوشه تم والمفروض خلاص انعرسوله ومنال بنت عمته ويتيمه .،،،.......
سعاد: قطعت عليه منال لا واصلا بنات العيله اني مانبيهمش
محمد: تي اني اعطيت كلمه لاني وامي اكيده قالت لعلي
سعاد: والله اتسامح انت وخوك واني نحصل في كنه زي منال،
واهني خشت عليهم ردينه
ردينه: اه شنو اسمعت اسم منال خيرها منال،
سعاد: بوك الفالح اخطب منال لمهاب باش يتسامح هو وعمك
ردينه: اه شنوووووو منااال لالا مستحيل
محمد: شنو مستحيل علاش،
ردينه: لا ماهو منال تعتبر في مهاب زي خوها
سعاد: الحمدلله اهئ جت منها
محمد: لالا منال اموافقه
واهني خش عليه منير تي شنو منو خيركم اتعاركوا
أنت تقرأ
فقدتك💔 ( روايات ليبية )
Romanceمن اجمل روايات الحب الليبية قصة حب بين شخصين دائما أمامهم احدات صعبة و أشخاص همهم الوحيد افساد العلاقة ؟ فهل تمتد ؟ و ما علاقة اسم الرواية بلموضوع 😳 ؟ للكاتبة : حلا
