فقدتك
الحلقه الرابعه
مهاب:هدي مش وقت هبال
هدي: لا مش هبال قول قول قاعد علي خاطر ست الحسن والجمال
مهاب: هدى بلا هبال بنات توا الموقف مش مستحق هذا كله
هدي: لا مستحق وانت عارف اشمعنه انت قاعد ومصعب روح
مهاب: اني قولت لمصعب روخ واني بنقعد
هدي: وعلاش ان شالله اكيد علي خاطر الابله،منال واضحه اصلا
مهاب: اني دكتور ونفهم في الحاجات هذه اكتر من مصعب لهذا اني قعدد وبلا لعب صغار هذا راجل عمتك يلي مريض مش وقت هبال زايد
هدي: صار حبي ليك توا اطلع هبال زايد شكرا بارك الله فيك
وطف سكرت النقال في وجهه
مهاب: الو الو
اووووف منك ياقلبي انت مجنونه وتقعدي ديمه مجنونه واقعد مبتسم وشاد النقال يقرأ في رسايل هدي
واهني خشت منال،عليه الدار وهو مبتسم
منال: مهااااب مهااااااااااب
مهاب: اه شنو اهلين منال
منال: يلي واخده عقلك
مهاب: لا مافي حد غير كنت انفكر في موضوع بس
منال: وشنو هالموضوع يلي امخليك سارح ومبتسم
مهاب: لالا حاجه بهوص الشغل بس،
منال: ان شالله هيا بنمشوا لبوي قريب الزياره
مهاب: هيا كلمي عمتي واني في السياره
وامشو للمصحه وفتحي قاعد علي نفس الحال
مهاب: خلاص خالد انت روح توا بعمتي ومنال واني بنقعد الليله في مكانك
خالد: صحيت يا مهاب والله جميلك فوق راسي من فوق
وفجأ وهما واقفين في الممر سمعوا عياط العمه صبريه ومنال
خالد: لالا مستحيل ما اتقولهاش يامهاب
مهاب: تي خيرك ياراجل اتعوذ من الشيطان واتعالي انشوفو خيرهم عمتي ومنال
خالد: انهار بالدموع وطاح علي اركابه لالا مانقدرش انشوف بوي ميت قدامي لالا
مهاب: تي نوض ياخالد نوض وان شالله خير وطلعت صبريه اتعيظ
خااااااالد بوك ماااات ياخالد برك مات لمنو بخلينا ياخالد اااااااه ياسندي انت ااااه يا بوي انت اااااه لمنو خليتني لمنو اني وبنتك مزال نبيك معاي مازال ما اشبعت منك اااااه ياهالد بوك مات ياخالد بوك امشي وخلانا اااااه ياخلوئه ياوليدي وناض خالد احضن امه وابدو هما الزوز 😢😢😢😢😢😢😢😢😢😢😢😢😢 منظر اقطع القلب الحق الموت مافيش ما احر منها ان ربي يحفظلكم احبابكم
مهاب: لا حول ولا قوة الا بالله ان لله وان اليه راجعون
وابدي مره اهدي في خالد ومره في عمته و وبعد قريب نص ساعه من البكاء خالد : خلي بنخش انشوف بوي 😢😢😢
واخش داخل يلقي منال طول وعرض في هديكا الدار مغمي عليها
خالد: منال منال نوضي وراس اخيتي نوضي بالله عليك هلبا علينا انت وبوس نوض منال ونادو الدكتور وبعد وقت ناضت منال وكانت منهاره هلبه علي بوها وفاتت هديكا الليله من اطول الليالي علي العمه صبريه ومنال وخالد ومهاب
مهاب: انت ارتاح ياخالد واني توا اندير الاجراءات
خالد: لالا اني طالع معاك
وامشو روحو بمنتل وصبريه ورجعوا للمصحه وداروا اجراءات الجته وحطوها في التابوت وطلعوا شهاده الوفاء،وهذا كله مازال ما قتلوش لحد في ليبيا
أنت تقرأ
فقدتك💔 ( روايات ليبية )
Romanceمن اجمل روايات الحب الليبية قصة حب بين شخصين دائما أمامهم احدات صعبة و أشخاص همهم الوحيد افساد العلاقة ؟ فهل تمتد ؟ و ما علاقة اسم الرواية بلموضوع 😳 ؟ للكاتبة : حلا
