فقدتك
الحلقه الخامسه
صبريه : خالد ياخالد تعالي وين ماشي خااااالد،
وكيف جت بتطلع في جرته شدها علي
علي: علي وين انت المفروض ما تطلعيش،توا ليل خشي داخل
منال: وخالد ياخالي
علي : خالد راجل ما ناقصه شئ واوينه حوش بوه مفتوح وهذا الموضوع خلاص معاش حديفتحه معاي فاهمين وتوا خشي بحدا ناسك واقعدي كملي ارباطك في حوش راجلك وخالد معاش نبي انشوفه اهني الا في وجودي او وجودك يامحمد
محمد: اه شنو كيف
علي: تي خيرك انت ساكت هذه اختك وانت طول عمرك ساكت اتكلم قول حاجه
محمد: والله اني مش عارف شنو انقول
صبريه : اني بنقعد في حوشي،وولدي وبنتي معاي يلي عاجباه باهي ويلي مش عاجبه اسلامته
علي: صبريه يا اني ياخالد وانتي اختاري
خشت صبريه داخل جنب الناس وعلي تنرفز واقعد غايض،
فاتت اول ليله وصبريه دارت يلي في راسها وقعدت في،حوشها اما خالد فوجعه خاطره واقعد مضايق ومهاب ومصعب اهدؤ فيه وفاتت الليله من اصعب الليالي علي خالد وصبريه ومنال ماسد موت فتحي ومسد اوامر علي
وجئ الصبح وفاتو ايام العزي الثلاثه بحزنهم ونكدهم علي العيله،كلها
ردينه : هدي تي خيرك امسكده هكي
هدي: والله الا متخلقنه الحق صعب الموقف يلي بوي حط فيه عمتي
ردينه: ان شالله خير وعمي ربي يهديه والله خالد محترم وطيب وحرام عمي يحرمه من امه الثانيه
هدي: ياريته امي عندها شخصيه قويه راه قدرت تفرض علي بوي ان خالد يقعد مع عمتي
ردينه : اس اس منال جايه اسمعي اطلعي للجنان البراني وجيبي منه كيلوات الشاهي،هذو تموا
هدي: اوكي اهو طالعه
ومشت هدي للجنان وكيف خشت المخزن وتفتح في الدولاب بتاخد شاهي
ببببببببببببببببخ
هدي: قلبعا اوقف بسم الله الرحمن الرحيم سلام قول من رب رحيم انت من وين طلعت
مهاب: ههههه استاحشتك يا درويشه انت شنو جايه اديري اهني
هدي: هههه حي والله من الخلعه نسيتني اني ليا قريب شهر ما شفتك الحمد عالسلامه
مهاب: استاخشتك ياقلبي انتي وشد ايدها باسلها عليها انحبك انحبك انحبك واول واخر مره تزعلي مني،
هدي: اه حق نسيت ونحت ايدها من ايد،مهاب حول غادي،اني حرجانه
مهاب: وااااك منك شئ ما عندك رومنسيه توا هذا منظر وحده اتراجي في حبيبها يلي ليه شهر غايب عليها
أنت تقرأ
فقدتك💔 ( روايات ليبية )
Romanceمن اجمل روايات الحب الليبية قصة حب بين شخصين دائما أمامهم احدات صعبة و أشخاص همهم الوحيد افساد العلاقة ؟ فهل تمتد ؟ و ما علاقة اسم الرواية بلموضوع 😳 ؟ للكاتبة : حلا
