حياة منتقبه
الفصل الثالث
#sohaila&Aya
في بيت أسماء في غرفة الجلوس تحديدا تلك الغرفه الكلاسيكيه المصريه وفي وجود زياد ووالدته
أحمد : اهلا بيكم يا جماعة شرفتونا
نادية بمجامله : دا الشرف لينا اللي احنا اتعرفنا علي ناس زيكم أدب وأخلاق واحترام
أحمد بإمتنان : شكراً علي زوق حضرتك
نادية : انتم طبعاً عارفين احنا النهاردة هنا ليه واكملت احنا جايين علشان طالبين القرب منكم في بنتكم أسماء لابني الدكتور زياد
أحمد بابتسامه: علي خيرة الله بس الرأي رأي العروسه برده
زياد : ايوا يا عمي وانا مستعد لاي سؤال منك او من الآنسة أسماء
أحمد : لا المفروض اللي يسألك هي أسماء علشان هي هتبقي صاحبة القرار
زياد بابتسامه : أكيد يا عمي
ثم أكمل موجها نظره لأسماء: اتفضلي يا آنسة أسماء أسئليني أي سؤال وانا هجاوبك
أسماء بخجل نظرت لأبوها ولا تتكلم وكان وجهها محمر وفي نفسها: يا تري هعمل إيه وأقول إيه.؟ليه يابابا حطتني في الموقف ده
زياد في نفسه : اه علي جمالك وخجلك جبتيها منين دي يا ماما
أحمد بضحك : بص يا ابني انا عارف بنتي مش تسأل حاجة انت عرف نفسك وأسئلها لو عاوز تسألها واحنا هنسيبكوا دقيقتين تتعرفوا
وطلع أحمد وساب الباب مفتوح وقعد في لصاله قبالهم
زياد : ماشي يا عمي وهو بيضحك
زياد : انا إسمي زياد عماد والدي متوفي وده بتكون والدتي دكتور صيدلي عندي صيدلية وليا أختين الاولي إسمها بسمة عايشة في السعودية مع زوجها والتانيه لسه في ٢ثانوي والحمد الله الشقة جاهزة
أسماء بخجل: تشرفنا
زياد: مفيش أي سؤال
أسماء هزت راسها بعلامة لا
أحمد دخل
أحمد بابتسامه : احنا بنشتري راجل يحمي ويصون بنتنا
زياد : متقلقش يا عمي انا واحد متدين وعارف ربنا كويس وبدرس فقه العلاقات وهعرف أصونها وهحميها
في اللحظة دية أسماء فرحت مش علشان اسمه ولا حياته ولا الشقة لا علشان تدينه وعشان بيدرس الفقه وعارف كتير في الدين بس يا ترا هو بيعمل بدينه فعلا ولا ده شيء ظاهري
زياد : أي سؤال تاني يا عمي بس ممكن أسأل الآنسة أسماء سؤال
أحمد : اتفضل يا ابني
نادية قطعت ابنها في الكلام وقالت أنا هسألها
أسماء بخجل : اتفضلي
نادية : أسماء انتي حافظة القرآن
أسماء : اه الحمد الله بالتجويد
نادية : ما شاء الله تبارك الله
زياد في نفسه: إيه ده هو ده الأسئلة انا فكرتك يا ماما هتسأليها عن الطبيخ عن حاجات تانية الأيام جايه
أما أنا لو كنت مكانك لكنت سألت أسئلة بس ابوها اللي قاعدلنا زي الحمه ده يلا😏
أحمد : الله يخليكي يا حاجة زياد يا ابني عندك اي سؤال تاني
زياد : لا يا عمي خلاص أمي قامت بالواجب
أحمد : تمام
و دخل يوسف بهدوءه المعتاد
يوسف بابتسامه : السلام عليكم
الجميع : وعليكم السلام
أحمد : دا يوسف ابني
زياد : اه يا عمي. شوفته وانا داخل تشرفنا يا يوسف
أحمد : اتفضل يا يوسف
يوسف قعد جنب أسماء
هالة جيت وشايله الصنية بالعصير
هالة : السلام عليكم
الجميع : عليكم السلام
أحمد : اتفضلي يا بنتي قدمي العصير
نادية : لا خليكي انتي يا هالة انا هقدمه
هالة : ماشي يا ماما
نادية : اتفضلوا يا جماعة
زياد : شكرا وهو بيقول في نفسه اه علي الجمال الاتنين أجمل من بعض وكل شوية يبص لهاله و لأسماء بس من تحت يعيني الواحد متخبل ماشفشي جمال كده الاتنين اجمل من بعض
وانتهت المقابلة عخير خير
