*في صباح يوم جديد مشرق بعض الشيء صباح يملئه سكون شديد شبيه بذلك السكون قبل العاصفه *
في منزل ذياد
نادية : الو السلام عليكم يا ذياد ابني
ذياد : وعليكم السلام يا أمي في حاجة ولا إيه
نادية : كل خير بأذن الله انا بس ببلغك أنا وأنت هنروح عند أسماء النهاردة وانا كلمتها قولتلها وبالمرة نسلم علي أبوها ومامتها راحين يحجوا
ذياد : تمام يا أمي بس انا معرفش حكاية الحج دية وانتي عرفتي ازاي
نادية : هي اللي قالتلي وانا بكلمها
ذياد : تمام يا أمي سلام دلوقتي علشان انا في الشغل
نادية : سلام يا ابني في رعاية الله
.............................................................
في عمل أسماء وخاصة المستشفي
أسماء : الحمد الله أخيراً خلصنا الحالات كان يوم صعب
شيرين : عندك حق والله الحمد إنه خلص علي خير
أسماء : همشي انا بقي علشان الحق أجهز علشان الضيوف
شيرين : ضيوف بردك أما تقولي الدكتور انا بردك مش هحسد دا انا اتمنيلك الخير يارب اوعدني هيييح
أسماء : خلاص يا بنتي اتلمي هتيجي معايا ولا إيه
شيرين : لا هاجي انا راشقة المهم تجبيلي حاجة حلوة
أسماء : علطول كدا لازم تتطلعي بمصلحة يلا يا أختي علشان الحق اروح
شيرين يلا
وفجأة هم ماشين فون شيرين رن
شيرين : استني أما ارد
أسماء : هسبق انا اروح اشغل العربية
شيرين : تمام . الوو ازيك يا باسم
باسم : ازيك يا شيري انا تمام
شيرين : أخيرا اتكرمت وبترن علي بنت خالتك الغلبانة
باسم : بصراحة أنا عاوزك في مصلحة
شيرين : مصلحة إيه خير
باسم : مافيش يا ستي عاوزينك تتكرمي تيجي عندنا تخدي عينة تحاليل لخالتك علشان نشوف السكر وانتي عارفة خالتك ودماغها مش عاوزة تيجي. المستشفي
شيرين. : خلاص انا لسه طالعة من الشغل اهو هعدي عليكم يعني خمسة كدا وهتلاقيني مشرفة عندكم
باسم : تمام هستناكي سلام في رعاية الله
شيرين : فى رعاية الله
أسماء : خلصتي يا اختي خلصي اركبي
شيرين : لو مافهيش رخامة يعني ممكن تيجي توصليني عند بيت خالتي اخد عينة تحاليل هو البيت قريب من هنا
أسماء : ليه خير عندها إيه
شيرين : مافيش دا تحليل علشان السكر هتوصليني
أسماء : أكيد هوصلك أقول بس الطريق فين
شيرين : تمام يلا
...........................................................
بينما في الكورس عند الدكتور حازم
سهر : الدكتور جه
دعاء : لا لسه
هالة : زمانه جاي اهو دكتور جه
سهر : اه شفته اهو
الدكتور حازم : السلام عليكم يا شباب
الطلاب : وعليكم السلام يا دكتور
الدكتور : عاملين إيه
الطلاب : تمام يا دكتور
وفي أثناء الكلام عين الدكتور ثبتت علي عيون هالة وتاهة لثواني ولكن رجع لوعيه علشان الطلاب وبدأ المحاضرة
سهر في نفسها : عاملتي إيه يا بنت أحمد عز الدين ( هالة ) في الدكتور بس انا مش هسكت وهنشوف هتوصلي لايه
الدكتور : النهاردة هناخد محاضرة مهمه جداً علشان الميد الترم فركزوا معايا جداً
الطلاب : تمام يا دكتور
وفي أثناء المحاضرة كان بيحاول حازم عينه ماتجيش علي هالة علشان الطلبة وكان بيحاول يركز في الشرح وكذلك هالة اللي كانت مركزة معاه أكتر ما كانت مركزة مع الشرح نفسه حتي إنتهاء المحاضرة
........................................................
نرجع تاني لبطلتنا أسماء اللي بتوصل شيرين لبيت باسم
شيرين : مالك يا سمكة في إيه سرحانة في إيه
أسماء : مش عارفة والله بس قلبي خايف مش عارفة ليه
شيرين : يا بنتي متقلقيش نفسك علي الفاضي إن شاء الله خير.
أسماء : بأذن الله
شيرين : قوليلي يا ستي عاملة إيه مع الدكتور
أسماء : عادي يعني الكلام بحدود بس انا لاحظت حاجة كدا قلقاني
شيرين : خير
أسماء : كنت في الصيدلية عنده حصلت حاجة غريبة وحكت لها ما حدث
شيرين : بصي انا مش عارفة أقول إيه بس خدي حذرك منه وخلاص
أسماء : تمام
شيرين : يلا خلاص وصلنا العمارة الجاية
أسماء : تمام
شيرين : سلام يا سمكة ابقي ارن عليكي وأكلمك
أسماء : تمام يلا السلام عليكم
شيرين وعليكم السلام
وبعد ذلك ذهبت أسماء بسيارتها متجهة إلي منزلها وطلعت شيرين عند خالتها
وبعد مرور من الوقت دق جرس الباب
باسم ذهب ليفتح الباب
شيرين : إيه يا ابني سنة علشان تفتح الباب
باسم : وانا لحقت يدوب رنيتي جيت فتحت وبعدين تعالي هنا مافيش سلام ولا اذيك ولا أي
شيرين : بعدين بعدين قولي الاول امال فين خالتي لولو
باسم : في اوضتها
شيرين : ماشي يا بسوم
شيرين : ازيك يا لولو عاملة إيه وحشتيني كتير
ليلي : وانتي اكتر يا بكاشة
شيرين : طب يلا يا لولو هاتي إيديك كده
ليلي : ليه وانتي اتعملي إيه
شيرين : مافيش يا لولو شاكة إبرة صغيرة بس قوليلي انتي خايفة ولا إيه أجبلك باسم يمسك دراعك
ليلي : اسكتي يا بت خلاص خلصي وخلصينا
شيرين : ماشي يا لولو يلا نعد لحد ٣ ونخلص
ليلي : ماشي
شيرين : يلا خلصنا عاوزة حاجة يا لولو أطلع أسلم علي الولا باسم وهسيبيك ترتاحي
ليلي : ماشي يا لمضة سلميلي علي أمك
شيرين : الله يسلمك يلا سلام
ليلي : سلام يا بنتي
وبعد مرور بعض من الوقت
باسم : إيه يا لمضة خلصتي
شيرين : ايوه خلصت بس قولي انت عامل إيه وسمعت اللي انت هتستقر هنا
باسم : ايوه هستقر وهفتح شركة هنا مع الواد مالك
شيرين : اه تمام
باسم : بس قوليلي مين اللي كانت موصلاكي بالعربية
شيرين : أسماء صاحبتي شاغلة معايا بس انت شوفتها فين
باسم : كنت واقف في البلكونة شوفتها
شيرين : اه بس انت متعرفهاش دا خطيبة ابن عمك
باسم : ابن عمي وهي ده الدكتورة أسماء خطيبة ذياد
شيرين : ايوه بس انا زعلانة عليها
باسم : انا معرفهاش بصراحة بس بقول ممكن ذياد هيتعدل ويمشي عدل
شيرين : ياريت والله بصراحة هو ميستهلهاش دا طيبة ذيادة عن اللزوم بس انا حذرتها تاخد حذرها منه
باسم : طب كويس ويمكن علي إيديها يمشي عدل ويبطل اللي كان بيعمله
شيرين : يارب بس أقولك حاجة يا واد يا باسم انا لو عارفة اللي انت هتيجي وتستقر لكنت خطبتهالك
باسم في لحظة ذاد بريق عينه وقال : ليه يعني
شيرين : أصل انتم الاتنين لايقين علي بعض اووي
باسم : لا والله
شيرين : او الله بس سيبيك أنت مافيش حاجة كدا ولا كدا
باسم : لا مافيش دلوقتي خالص مش بفكر دلوقتي غير في الشغل
شيرين : ماشي يا عم لو فيه اول واحدة لازم تكون عارفة انا
باسم : ماشي يا ستي بس طمنيني انتي عاملة إيه
شيرين : لا انا تمام اووي يلا سلام علشان خالتك زمانها قاعدة مستنية علشان نتغدي مع بعض
باسم : سلام يا شيري لو عاوزة أي حاجة كلميني وسلميلي علي بيبو
شيرين : ماشي يا سيدي يلا سلام واما النتيجة تطلع بتاع التحاليل ابقي أكلمك تيجي تاخدها ولا اقولك ابقي اجبها أنا
باسم : لا كلميني وهجيلك
شيرين : ماشي سلام
باسم : سلام
..................... .................. ..................
نرجع تاني للكورس عند دكتور حازم
بعد انتهاء المحاضرة
دعاء : أخيرا خلصنا الحمد الله
سهر : اه المحاضرة خلصت يا خسارة ومش هنشوف وش القمر ده
دعاء : يا بنتي اتلمي
سهر : اسكتي انتي ولا إيه يا هالة
هالة : دعاء عندها حق المهم انا همشي حد جاي
دعاء وسهر : اه جايين طبعا
وفجأة
حازم : لو سمحتي يا آنسة هالة ممكن ثانية
هالة : طبعا يا دكتور طب يا بنات وخمسة و هجيلكوا
دعاء : تمام
سهر : هو الدكتور عاوزك ليه
هالة : وانا اعرف هروح هشوفه وارجعلكم
سهر : ماشي
دعاء : يلا يا سهر نسبق احنا
هالة: نعم يا دكتور حضرتك عاوز حاجة
حازم : ايوه لو سمحتي يا آنسه بعد كده وانتي قاعدة في المحاضرة ركزي ومتسرحيش تمام
هالة : وانا عملت إيه علشان حضرتك تقول كدا
حازم : لا مافيش بس حسيت كدا اللي انتي كنت سرحانة
هالة : شكرا يا دكتور علي اهتمامك
حازم : العفو ولو عوزت اي حاجة في أي جزئية عاوز تتشرح اساليني بعد اي محاضرة
هالة بخجل : شكرا يا دكتور عن إذنك
حازم : اتفضلي وانتظر يراقبها بعينه لحد ما اختفت
حازم بنفسه وإيه اللي بيحصلي انا عمري ما كنت كدا كل ما تكون قدامي بنسي نفسي دا عمري ما حصلي كدا شكلي وقعت ولا إيه .. وقعت إيه ده لا مش هنا دا انا دكتور حازم اللي ما بيتهزش من اي بنت
وفي الخارج
سهر : إيه يا هالة الدكتور كان عاوزك ليه
هالة : مافيش كان بيقولي متسرحيش تاني وانتي في المحاضرة
سهر : وانتي كنتي سرحانة في إيه بقي يا هالوش
هالة : انا ما كنتش سرحانة ممكن هو حس بكده بس يلا انا همشي انتم هتيجوا ولا لا
دعاء : اه هنيجي
سهر : يلا
سهر في نفسها : انا مش مقتنعة أنه كان عاوزك علشان كدا وانا هعرف بطريقتي وأخذت تتوعد لهالة
.................. ......................... ...............
وجاء المساء ولم يحدث شئ لا أبطالنا
وقد رن جرس الباب
يوسف انا هفتح الباب
أحمد : ماشي يا ابني
يوسف : ازيك يا دكتور اذيك يا طنط اتفضلوا
أحمد قام باستقبالهم
احمد: نورتونا يا جماعة
ذياد : دا نورك يا عمي
نادية : ..........
انتهي البارت
.........................................................
