***يبدو أنكِ أصبحتي كالظل الذي يلاحقني في كل مكان أذهب إليه حتي في أحلامي لم تغادريني ***
الفصل الخامس عشر
في شركة باسم
حازم: إيه ده الواحد تعب جداً وإيه الناس دية بيتكلموا بسرعة حتي مش بحاول ألقط كلمة
باسم : إيه يا عم دا يوم واحد وعملت كدا أومال لو هتشتغل علطول هتعمل ايه
حازم : هشتغل إيه علطول لا متشكرين انا كفاية أدرب اللي يشتغل غير كدا يفتح الله مش عارف أنا عملت إيه في حياتي علشان ربنا يرزقني بصحاب كدا ولا كأنكم عاوزين تتنقموا مني
مالك : خلاص خلصت كلام وبعدين هننتقم منك ليه إن شاء الله
حازم : أسأل نفسك يا لوكا
مالك : والله يا حازم أو ما بطلت تقولي الدلع الزفت ده لهكون معلقك
حازم بخوف مصطنع : وعلي إيه أحسن انا ماشي سلام يا اا لوكا قصدي يا مالك سلام يا باسم
باسم : سلام
مالك : باسم إيه هنعمل إيه مع الشركة دية
باسم : انا شايف إن عرضهم حلو و دية تعتبر بداية حلوة جدا وهنقدر نستفيد منهم
مالك : وانا رأي كدا كنت عاوز اتكلم معاك في حاجة
باسم : خير
مالك : مافيش يا صاحبي بص لو انا معجب بواحدة بس انا دلوقتي مش مقتدر اتجوز لسه بكون نفسي هعمل إيه هروح يعني ادخل من الباب ولا استني لما أجهز نفسي
باسم : انا معرفش أقولك إيه بس رأي تجهز نفسك وبعد كده تفتح الموضوع ده لانك لو مجهزتش نفسك ممكن تخسر كتير وممكن اللي انت معجب بيها دية متستحملش الوضع فعلشان افضل تستني
وبعدين تعالي هنا انت من أمتي بتعجب بواحدة
مالك : عادي يعني شوفتيها عاجبتني بس مش هقدر هقولك عليها مين يا صاحبي علشان هتبقي مفاجأة
باسم : لا والله
مالك : 😂 او الله
باسم : وانا منتظر بس اهم حاجة تكون كويسة
مالك : من الناحية دية متقلقش خالص في الوقت المناسب هحكيلك
باسم : وانا منتظرك
مالك : تمام وانت إيه أخبارك
باسم : تقدر تقول اكتيفت بواحدة مش عاوز غيرها وانا عارف إنه صعب بس خلاص مش عارف أعمل إيه وحلمت بحلم غريب جدا حاسس إنه خير ليا ولأسماء
مالك : حلم ! إيه ده
باسم : بصي يا سيدي حلمت إن .......... وحكي له الحلم
مالك : بصراحة هو غريب حبة بس إن شاء الله خير انت تستاهل كل خير يا باسم
باسم : حبيبي يا مالك تسلملي يلا روح شوف شغلك علي أما اخلص علشان تروح معايا .
مالك : اروح معاك ليه يعني
باسم : مافيش يا سيدي ليلي عاوزة تشوفك
مالك : إذا كان علي لولو هاجي طبعا
باسم بغيرة : لولو مين يا يلا اسمها خالتي أو طنط إيه لولو دية
مالك : يختي يا بيضة بتغير علي أمك
باسم : اه عندك مانع
مالك : وانا أقدر سلام يا كبير
باسم : سلام
............................................................
في صيدلية دكتور ذياد
ذياد : هشام يا هشام
هشام : نعم يا دكتور
ذياد : هو في حد سأل عليا قبل ما آجي
هشام :لا يا دكتور
ذياد : تمام. روح كمل شغلك
ذياد : هرن بقي علي الست أسماء اطمن عليها
ذياد بيرن علي أسماء
ذياد : السلام عليكم
أسماء : وعليكم السلام ورحمه الله
ذياد : عاملة إيه وأخبار أخواتك إيه
أسماء بخجل : تمام الحمد الله وانت وطنط نادية عاملين إيه
ذياد : الحمد الله عاوزة حاجة
أسماء : لا شكراً
ذياد : السلام عليكم
أسماء: وعليكم السلام
هشام : إيه الاحترام اللي بان عليه ده دا شكله كدا بيرسم علي حاجة عاوزة أعرف بس هي مين بس خطبته علشان أنقذها منه
ذياد في نفسه : هخلص بس الحاجات اللي في إيديا وبعد كده هفضيلك يا ست أسماء
..........................................
في كلية آداب
...............
هالة : بقولك يا دعاء إيه رأيك لو جبت أختي أسماء تعمل ندوة هنا علشان تتكلم عن بداية الالتزام
دعاء : الله فكرة حلوة جدا انا طبعا موافقة
هالة : تمام طب تعالي معايا هنروح لحد دكتور حازم في مكتبه هنشوفه موجود ولا لأ علشان عاوزاه يساعدني في الحكاية دية
دعاء : تمام يلا
هالة : بقولك يا دعاء هو سهر مالها كدا اليومين دول حاسة إنها مش طايقاني
دعاء : سيبيك منها هي علطول كدا مافيش فايدة مش هتتغير يلا احنا بينا نروح نشوف الدكتور موجود ولا لأ وربنا يهدينا ويهديها
هالة : يارب
وبعد مدة ذهبوا إلي مكتب دكتور حازم ولكنه لم يكن موجود
هالة: مش موجود طب يلا نبقي نقوله في وقت تاني
دعاء : يلا
هالة : استني دا شكله جاي أهو
دعاء : ماشي
حازم: ازيكم يا بنات واقفين كدا ليه
هالة : الحمد الله يا دكتور بس كنا عاوزينك في موضوع
حازم : خير إن شاء الله
هالة : كنا عاوزينك تساعدنا في احنا نعمل ندوه دينية واللي اتقدمها أسماء أختي
حازم : ده فكرة كويسة وحاجة بسيطة جدا
دعاء وهالة : بجد
حازم : ايوه بجد بس شوفي إيه الترتيبات والميعاد وبلغوني أقبلها أكلم إدارة الكلية
هالة بفرحة : مش عارفة أقولك إيه يا دكتور متشكرة جدا
حازم: مافيش شكر ولا حاجة دا انا المفروض أشكرك علي حاجة زي يدية ربنا يبارك فيكي انتي وأختك
هالة بخجل : متشكرة يا دكتور عن إذنك
حازم : بقولكوا إيه مافيش حد عاوز يشتغل في شركة مترجم
دعاء : انا عن نفسي مش عاوزة وانتي إيه رأيك يا هالة
هالة : انا نفسي حتي أشيل الحمل من علي أسماء بس يا دكتور الشركة دية إيه يعني ومترجمة إزاي
حازم : دية شركة إستيراد وتصدير بتاع باسم ابن عمي انتي قابلتيه مرة في المطار و مترجمة هتبقي سهلة يعني هترجمي صفقات وإيملات وانا اللي هدربك وانتي لغتك كويسة
هالة : اه تمام كويس جدا بس هفكر وهاخد رأي أسماء
حازم : تمام وممكن الشغل ده يبقي تدريب ليكم وانتي يا آنسه دعاء لو عاوزة تيجي تدريب معاه مافيش مشكلة
دعاء : والله ما عارفة هقول إيه لحضرتك يا دكتور بس هفكر
هالة : وانا كمان هشوف أسماء لو وافقت أنا معنديش مشكلة وهتبقي خدمة عمري ما هنساها لحضرتك
حازم : ولا خدمة ولا حاجة لو عاوزين أي حاجة انا تحت أمركم
دعاء : شكرا يا دكتور
هالة : عن إذنك
حازم : اتفضلوا
وبعد ما مشوا
حازم في نفسه : يارب أسماء بنت ام أسماء توافق علشان هعرف أقرب من البنيه علشان هكمل نص ديني هييح
دعاء : وانتي إيه رأيك يا هالة في الشغل ده
هالة : انا معنديش مشكلة وخصوصا إن أسماء شايلة الحمل لوحدها
دعاء : ربنا يقدم فيه الخير
هالة : يارب يلا نروح نحضر المحاضرة فاضل عليها عشر دقائق
دعاء: يلا
............................................................
وأثناء وقت الراحة في عمل أسماء
شيرين : اه يانا أخيرا هنرتاح هو اليوم ده مش عاوز يخلص ليه
أسماء : إيه يا بنتي راديو واتفتح قولي الحمد الله
شيرين : الحمد الله طب يلا كلميني علي حاجة كدا واحنا في وقت الراحة
أسماء : هكلمك علي إيه
شيرين : طب بصي ثانية وانا بصلي ساعات بسرح في الصلاة مش بحس بخشوع هعمل إيه .
أسماء: طب بصي يا ستي ركزي معايا في الكلمتين دول ربنا قال ( وإنها لكبيرة إلا علي الخاشعين )
طب إيه يارب الكبيرة ديه ( الصلاة ) كبيرة جدا علي أي حد إلا بيخشعوا في الصلاة طب إيه صفات الخاشعين في الصلاة الذين يذكرون قياما وقعودا وعلي جنوبهم يبقي تعملي إيه علشان تكوني خاشعة اول حاجة لسانك تشغيليه في ذكر الله طول اليوم وانتي قائمة وانتي قاعدة وتقولي ( لا إله إلا الله ولا حول ولا قوه الا بالله . والصلاة علي النبي . واستغفري ربنا )فترة قصيرة وهتلاقي ربنا قذف فيك حب للصلاة . طب تاني حاجة إيه ( حب الله ) صلي حبا في الله مش علشان جنة ونار حبيه علشان يستحق انك تحبيه خليكي دايما وانت راحة علشان تصلي مشتاقة جدا علشان راح تكلمي ربنا . وتالت حاجة انتي كل لما بتصلي بصور معينة مش بتغييرها العقل بيقولها تلقائي من غير تركيز وأصبح عقلك اللي بيصلي بس مش قلبك جددي في السور والأدعية اللي في السجود واتعلمي أدعية جديدة وأهم حاجة تكوني فاهمة معناها وحاسة وصلي بصوت بسيط تكوني انتي سامعاه بس واهم حاجة صلي ساعة ما الاذان بأذن لو انتي فاضية لو مش فاضية حولي لحد ما تقدري تصلي الصلاة في وقتها ومتجمعيش صلوات
شيرين : تصدقي كلامك ده ريحني جدا شكرا يا سمكة
أسماء : علي إيه يا هبلة يلا بينا علي الشغل
شيرين : يلا
.............................................................
في منزل باسم
الباب بيخبط
بسمة : هقوم أشوف مين
ليلي : هتلاقيه باسم ومالك
بسمة : هشوف اهو
وبعد ثواني
باسم : السلام عليكم
بسمة : وعليكم السلام ازيك يا باسم ازيك يا مالك
مالك : الحمد. الله يا بسمة انتي عاملة إيه
بسمة : الحمد الله
باسم : اتفضل يا مالك البيت بيتك
مالك : الله يكرمك أصلك
باسم : ماشي يا عم امال فين ماما يا بسمة
بسمة : ماما جوة في الصالة.
باسم : ماشي
باسم : ازيك يا ماما
ليلي : ازيك يا باسم ازيك يا واد يا مالك
مالك : الحمد الله يا لولو عاملة إيه وحشتيني
باسم : يا واد يا بكاش اومال مش بتيجي تسأل عليا ليه
مالك : ظروف والله
ليلي : ماشى هغفرلك المرادي
مالك : شكرا يا لولو
باسم : احترم نفسك يلا
مالك : حاضر يا كبير
ليلي : بسمة اعملي حاجة نشربها أما تحطي الاكل
مالك : مالوش لزوم والله
ليلي : انت تسكت خالص يلا يا بسمة
بسمة : حاضر يا أمي
ليلي : بصوا بقي انا عاوزاكم في موضوع
باسم : خير يا أمي
ليلي : بصراحة كدا عاوزه افرح بيكم احنا مش هنعيش ليكم احنا عاوزين نفرح بيكم
باسم : امال فين حازم علشان تكلميه معانا
ليلي : حازم مش قلقانة عليه المهم انتم
باسم : انا عن نفسي مش بفكر دلوقتي خالص علي ما أشوف واحدة ارتحلها ابقي اتجوز غير كدا قاعدلك يا لولو
ليلي : وانت يا أستاذ مالك
مالك : انا نفسي اتجوز بس علي أما أجهز نفسي ومتقلقيش العروسة موجودة بس مفاجأة يا قمر بس اللي انا متعجبة إيه اللي فكرك بالموضوع ده
ليلي : انا علطول بفكر فيه والله بس اما كلمت نورا والدتك ونفسها تفرح بيك قولت لازم هاخد موقف كدا اتنين مطمنة عليهم وانت يا أستاذ باسم مافيش حاجة
باسم : لا مافيش يا لولو وبعدين عاوزة تتجوزيني ليه انا قاعد علي قلبك ومش عاوز أجبلك مرات ابن مريحك علي الاخر
ليلي : لا والله
باسم : او الله يا لولو😂😂
ليلي :انا بتكلم جد
باسم : والله يا ماما لسه مش دلوقتي بس لو عوزت اتجوز هتكوني اول واحدة عارفة بس بالله عليكي يا ماما بلاش الموضوع ده
ليلي : ماشي يا باسم اما نشوف
باسم : هنشوف كل خير بأذن الله
باسم في نفسه : يارب يحصل معجزة علشان اتجوز اللي نفسي فيها يارب
............................................................
وبعد عدة ساعات من عمل أسماء و شيرين
شيرين : يلا يا بنتي علشان نروح انا ما صدقت خلاص
أسماء : يلا
شيرين : استني كدا هشوف مين اللي بيرن
أسماء : ماشي
شيرين : السلام عليكم
المتصل : ..........
شيرين بصدمة ودموع في عينيها : إيه بتقولي إيه انا جاية حالا
أسماء بقلق : في إيه يا بنتي
شيرين بدموع :............
...........................................................
انتهي البارت يارب يكون عجبكم
عاوزة تعليقاتكم وتصويتكم
في رعاية الله
