الفصل ٢٢
شيرين : السلام عليكم
باسم : وعليكم السلام مالك يا شيري شكلك معيط في إيه
شيرين : مافيش زعلانة بس
باسم باستغراب : زعلانة ليه
شيرين : زعلانة علي أسماء
عبير : مالها أسماء يا بنتي
باسم حس في الوقت ده أنه مش قادر يا خد نفسه
شيرين : تصدقي يا ماما طلع ذياد لسه بتاع بنات وماشي مع واحدة وحد صوره وشيع الصور لاسماء
عبير : لا إله إلا الله وأخبارها إيه دلوقتي
شيرين : أكيد منهارة
باسم حس بالوقت ده بالفرحة علشان أسماء خلاص ممكن تسبب ذياد وبالحزن علشان أنها منهارة
باسم في نفسه : يا تري يا أسماء عاملة إيه دلوقتي يارب تكون بخير.
شيرين : وانت رأيك إيه يا باسم
باسم : هقول إيه ربنا يكون في عونها بس المفروض تحمد ربنا إن ربنا أنقذها من ذياد وانا وانتي عارفين إن ذياد بيعمل إيه وإن شاء الله ربنا هيعوضها خير
شيرين : يارب
باسم : خليني في المهم
شيرين : خير
باسم : بصي يا خالتو في عريس متقدم لشيرين وبصراحة هو واحد محترم ومعرفة واتمناه ليكي
عبير : طب كويس يا باسم
شيرين : بس انا مش عاوزة ارتبط دلوقتي
باسم بهدوء : ليه كده يا شيري انتي عندك ٢٥ يعني مش صغيرة وشغالة كمان ليه بقي التأخير وبعدين يا ستي قابليه وشوفيه ولو مش كويس يبقي خلاص وصلي إستخارة النهاردة
شيرين بضيق : ماشي يا باسم خلاص موافقة وهصلي إستخارة بردك
باسم : إن شاء الله خير. يلا انا أمشي بقي وإن شاء الله هكلمه هخليه يجي لرؤية شرعية
شيرين : ماشي
عبير : إن شاء الله يا باسم خير واحنا منتظرين مكلمتك
باسم : ماشي يلا سلام عليكم
عبير وشيرين : وعليكم السلام
............................
في منزل باسم
......
بعد عودته من عند شيرين كان يجلس صامتا
باسم في نفسه : يا تري إيه اللي هيحصل يارب اكتب الخير للكل يا تري يا أسماء عاملة إيه دلوقتي وانا إن شاء الله مش هسيبيك إلا وانتي حلالي يارب خليك معاها واحفظها واحميها يارب اللهم اجعلها حلالي
بسمة : إيه يا باسم قاعد متنح كدا ليه
باسم : مافيش كل خير بأذن الله المهم تعالي عاوزة أكلمك في موضوع
بسمة : خير
باسم : محمود كلمني وعاوزك ترجعيله
بسمه : ارجعله إزاي يعني !!
باسم : يا بسمة جوزك عنده لوكيميا ومحتاجك جنبك وهو ندم ودلوقتي لوحده وطلق مراته التانيه جالي الشركة وقعد يكلمني من كتر الندم عيط أديوله فرصة ماتحرمهوش من ولاده وخصوصا الله أعلم بحاله
بسمة بصدمة : عنده لوكيميا !! إزاي
باسم : ربنا كتبله يكون عنده لوكيميا
بسمة بعياط : ونعم بالله انا هرجعله يا باسم هو بردك جوزي ومهما عمل هو أبو ولادي والرجل الوحيد اللي حبيته رغم الله اللي عمله فيا
باسم : ماشي يا بسبوسة وانا هكلمه وخليه يجي وإن شاء الله ربنا يشفيه
بسمة : يارب
........................................
في صباح اليوم التالي بعد أن نام كل أبطالنا كل منهم في حاله فمنهم الحزين ومنهم السعيد ومنهم المشقة
..
في منزل بطلتنا أسماء وخاصة علي سفرة الطعام
يوسف : سمكة انا كلمت خال طلعت وحكتله علي كل حاجة قالي لو انتي عاوزة توجهيه بنفسك أكلمه هخليه يجي ويتكلم معاكي عاوزة تنهي الموضوع من بره ابقي جهزي الشبكة والحاجات اللي جيبها وهو يوصلهاله
أسماء : لا يوسف انا مش هواجه حد وهجهز الحاجات أما خالي يجي ابقي اديه الحاجات علشان أنا راحة الشغل
هالة : متأكده يا أسماء من القرار ده
أسماء : اه يا هالة ده آخر كلام عندي
يوسف : ماشي يا سمكة روحي انتي شغلك وأما خالو يجي ابقي اديله الشبكة يوصلها
أسماء : ماشي يا يوسف همشي أنا بقي ولو فيه أي جديد كلمني
يوسف : ماشي خدي بالك من نفسك
أسماء : حاضر يلا سلام عليكم
يوسف وهالة : وعليكم السلام
...................................
اتجه بطلنا باسم إلي مركز القيادات
جاسر : ازيك يا باسم
باسم : الحمد الله يا افندم
جاسر : آخر الأخبار إيه
باسم : اتفقنا علي الصفقة وهتسلم علي آخر الأسبوع الجاي
جاسر : كدا تمام اووي وهتسلم فين
باسم : في مخازن الشركة بتاعتي
جاسر : تمام اووي انتظر الخطة
باسم : تمام يا أفندم
.........................................
في عمل أسماء
......
شيرين : عاملة إيه يا حبيبتي
أسماء : الحمد الله يا شيري
شيرين : الحمد الله واحمدي ربنا أنه اتكشف قبل أي علاقة شرعية معاه صدقيني
أسماء : الحمد الله اتصدقي لو قلتلك عادي يعني مش زعلانة اووي بس زعلانة عليه إزاي قدر يعمل كده إذا كنت انا مش شيفاه ومعرفش حاجه ما خدش باله من رب بيرقبه يلا الحمد الله علي كل حال
شيرين : الحمد الله انا عاوز آخد رأيك في حاجة
أسماء باهتمام : خير !
شيرين : جايلي عريس وماما مصممة اللي انا قابله وانتي عارفة طبعا انا مش عاوزة ارتبط دلوقتي ليه
أسماء : امم بس ده مش حجة يا شيري طب هو مين
شيرين : معرفش كل اللي أعرفه أنه هو صاحب باسم بن خالتي و صراحة هو بيشكر فيه
أسماء : طب تمام أقبليه وشوفيه وبعد كدا صلي إستخارة
شيرين : انا صليت إستخراجة وبصراحة مرتاحة للموضوع
أسماء : طب تمام وخير إن شاء الله
شيرين : إن شاء الله
.........................................................
في صيدلية ذياد
....................
طلعت ( خال أسماء ) : السلام عليكم
هشام : وعليكم السلام عاوز حاجة يا أفندم
طلعت : هو دكتور ذياد موجود
هشام : اه موجود
طلعت : طب أقوله الاستاذ طلعت
هشام : تمام ثانية
وبعد لحظات
ذياد : السلام عليكم إزيك يا أستاذ طلعت
طلعت : الحمد الله يا دكتور ممكن كلمتين علي انفراد
ذياد : اه طبعا تعال المكتب جوه
طلعت : تمام اتفضل
ذياد : اتفضل يا أستاذ طلعت
طلعت : تسلم يا دكتور نخش في الموضوع
ذياد : اه طبعا
طلعت : بصراحة كدا ده حاجة أسماء وبتقولك زي ما دخلنا بالمعروف نخرج بالمعروف
ذياد بصدمة : نعم طب ليه
طلعت : بصراحة كدا شوف أفعالك وشوف عملت إيه وشوف إيه اللي خلاها تطلب طلب زي ده
ذياد : أفعالي ! أنا بردك مش فاهم حاجة ياريت تفهمني
طلعت : في صور ليك وانت قاعد مع واحدة بشكل غير لائق اتبعتلها وده أكيد رد فعل طبيعي ولا أنت إيه رأيك
ذياد بتوتر : صور إيه دية
طلعت بنظرة غضب : شوف انت بتقابل مين وانت هتعرف وبعدين احنا بردك مالناش دعوة بتصرفاتك وتتصرف زي أما أنت عايز بس بنت أختي هتبعد عنها عن إذنك يا دكتور
ذياد : أستاذ طلعت
ولكن طلعت تركه وذهب
ذياد : أعمل إيه دلوقتي وياتري مين اللي وصل الصور ليها لو عرفت أنك يا سهر اللي عملتيه هتشوفي مين حاجة هتزود إنتقامي منك أكتر وأكثر
( اهدأ يا أخ ذياد دايما الشخص بيوقع في شر أعماله )
....................................................................
في شركة باسم
............
باسم بيتصل علي السكرتيرة
باسم : شيعلي مالك
السكرتيرة : تمام يا أفندم
وبعد دقائق يدخل مالك
مالك : السلام عليكم
باسم : وعليكم السلام
مالك : خير كنت فين كدا من بدري
باسم : كنت عند الرائد جاسر علشان الخطة
مالك : طب تمام إيه اللي حصل
باسم : مافيش هنتظر منه الخطة
مالك : تمام ربنا يوفقهم و يوفقنا
باسم : يارب بس انت متعرفش آخر الأخبار
مالك : خير !
باسم : أسماء سابت ذياد بعد ما الصور وصلتلها
مالك بفرحة : بجد
باسم : ايوا بجد الحمد الله أنا هدعي الله علشان تكون من نصيبي وحلالي
مالك : ربنا يسعدك يا صاحبي وبالنسبة للغلبان اللي زي
باسم بضحك : حدد ميعاد علشان تيجي
مالك : الله يا بركة دعاكي يا أما خلاص بكرة إن شاء الله
باسم : ماشي يا سيدي ألف مبرووك وكل خير بأذن الله كدا هنخلص منك عقبال حازم
مالك :😂😂 هتخلص منه قريب
باسم : عارف يا أخويا يلا علشان عاوز اتكلم معاك في الشغل
مالك : يلا يا كبير.
.........................................................
في كلية آداب قسم إنجليزي وخاصة في مدرج المحاضرات
........
هالة : اووف هو الدكتور مش هيجي بقي
دعاء : والله ما أعرف يا أختي وفضلوا يتكلموا لحد ما الدكتور وصل
هالة : دودو مش ده دكتور حازم
دعاء : اه
حازم : السلام عليكم انا دكتور حازم همكمل معاكم المحاضرات اللي بقية مكان دكتور حسام علشان عنده ظروف
الطلاب : ماشي يا كتور
وحازم أثناء كلامه كان يبحث عن هالة إلي أن رآئها وثبت نظره إلي ثانية ولكن أستغفر ربه وبدأ شرح
حازم : نبدأ المحاضرة
وأثناء المحاضرة كان حازم إلي حد ما لا يحاول أن ينظر ناحية هالة حتي لا يلفت الإنتباه حتي انتهت المحاضرة بخير
دعاء : اتصدقي فهمت من دكتور حازم أفضل
هالة بشرود : اه
دعاء : مالك يا بت
هالة : مافيش يلا علشان نحضر الندوة
دعاء : يلا
...............................
في الندوة التي كانت تعطيها أسماء
أسماء : السلام عليكم
البنات : وعليكم السلام
أسماء : هنتكلم النهاردة في تالت حاجة علشان الالتزام ألا وهي سماع الاغاني طب واحدة تقولي سماع الاغاني حرام هقوله هفهمك الاول كل حاجة وفي الاخر تحكمي يلا بينا
حكم سماع الأغاني يختلف الحكم على سماع الأغاني باختلاف نوع الغناء، ومنها:[١] غناء يشتمل على آلة عزف: يحرم الاستماع إلى هذا النوع من الأغاني للرجل والمرأة على حدٍ سواء، وقد أجمع على ذلك القرطبي، وأبو الطيب الطبري، وابن الصلاح، وابن رجب الحنبلي، وابن القيم وابن حجر الهيتمي، فعن أبي مالك الأشعري: (ليكوننَّ من أمتي أقوامٌ يستحِلُّونَ الحِرَ والحريرَ والخمرَ والمعازفَ)،[٢] ولفظ المعازف عام ويشمل كل آلات اللهو، فتحرم إلا ما وردَ فيها دليل كالدف، وفي الحديث اقترنَ العزف مع الخمر والحر أي الزان، واقترانه بهما دلالة على التحريم. وفي قوله تعالى: (وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا ۚ أُولَٰئِكَ لَهُمْ عَذَابٌ مُّهِينٌ).[٣] الضرب على الدف: يجوز الضرب على الدف في الأعياد والأعراس للنساء، بشرط أن يكون الكلام المرافق له ذو معنى حسن غير فاحش وغير مهيج للغرائز. الغناء بلا آلة: إذا كان الغناء من امرأة للرجال، فهو حرام ويمنع، أما إذا غنت المرأة لنساء، بكلام حسن وفي مناسبة تدعو لذلك فلا بأس. أما غناء الرجل، ففيه نوعان، فإذا كان كلاماً حسناً يدعو فيه إلى الخير والفضيلة، فلا بأس بذلك، أما إذا كانَ كلامه قبيحاً يدعو فيه إلى الرذيلة والمنكر وفيه وصف للنساء والخمر وغيرها فهو محرم. سماع الأناشيد الدينية الأناشيد الدينية التي تصحبها موسيقى، أو التي تُغنى من قبل مرأة للرجال، تعتبر محرمة، وتصبح جائزة إذا كانت خالية من الموسيقى وكانت من رجل وفيها كلام نافع، ويجوز الاستماع للأناشيد الإسلامية عوضاً عن ذلك، والتي فيها حكم ومواعظ وتثير مشاعر الغيرة على الدين وتنفر من الشر، حيثُ يبعث هذا النوع من الأناشيد في النفس حب طاعة الله والنفور من المعصية.[٤] سماع الأغاني دون قصد هناك فرق بين سماع الأغاني وبينَ الاستماع إليها، فالسماع هو ما يردَ إلى السمع من غير الشخص نفسه، كأن يسمع الأغاني في المواصلات العامة، أو من بيوت الجيران أو غيرها، وهو سماع للمنكر لا يقدر الشخص على إيقافه، أما الاستماع، فهو ما يكون من الشخص ومن الأجهزة التي تحت تصرفه، وهو ما يملك الشخص القدرة على إيقافه، وهو المحرم
طب بعد ماعرفنا حكم سماع الاغاني عاوزة ابعد عنها مش بعرف اسمع غيرها أعمل إيه علشان آخد الخطوة دية
٤ أمور تساعد على ترك الأغاني سماع الأغاني من العادات السيئة التي قد يُبتلى بها المرء وتضيّع وقته وتشغل فكره في غير فائدةٍ عادة سماع الأغاني، فهناك من أصبح مدمناً عليها ولا يستطيع الاستغناء عنها في كل مواقف حياته عند الدراسة والأكل والنوم، وعندما يفكر الإنسان بينه وبين نفسه يجد أن هناك وقتاً كبيراً وحيزاً واسعاً تأخذه هذه العادة من حياته يمكن استبدالها بشيءٍ أكثر فائدة، فمن يفكر في ترك هذه العادة والابتعاد عنها يجب أولاً أن يدرك الضرر الذي تسببه له والخطر الذي يكمن خلفها، ثم اتباع عدة طرق للابتعاد عنها والتخلص .. مخاطر وأضرار سماع الأغاني سماع الأغاني يولد لدى المرء القلق والاكتئاب وعدم راحة البال، فمن يستمع إليها يبحث دائماً عن البديل والجديد الذي يلبي رغباته، بعكس الذين ابتعدوا عنها يشعرون بالراحة والطمأنينة، وهذا ما جاء به القرآن في الآية الكريمة في قوله تعالى: "وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكاً". سورة طه آية 124 إن سماع الأغاني يبعد عن المرء الرغبة في الاستماع للقرآن وقراءته والتلذذ به، لأن ما يأمر به القرآن وما يحتويه عكس ما تحمله الأغاني من الهوى وعبودية الذات. أمور تساعد على ترك الأغاني التوبة الجادة عن سماع الأغاني وعدم العودة إليها. الاستغفار ليلاً نهاراً لأن ذلك يطهر القلب ويمحو الذنوب. المداومة على ذكر الله في كل الأوقات حتى لا يكون متسعاً للشيطان بوسوسة النفس بالعودة إليها. الإكثار من استماع القرآن الكريم والمداومة على قراءته، لأن ذلك يعيد النفس إلى الحق والطريق السليم. حضور مجالس العلم والإيمان التي تثبت السكينة والخشوع في النفس. محاسبة النفس على الوقت فيما يهدر وما الإنجازات التي تم تحقيقها.
يلا يا حوريات ابدؤا يلا بلاش تسمعوا أغاني تفتكري حاجة واحدة بس انا لو سمعتها دلوقتي هيحصلي إيه في الآخرة حطي عقاب ربنا قدامك في كل شئ يلا ابدؤا خلي عزيمتكم عالية
البنات : إن شاء الله هيبقي عندنا عزيمةعالية علشان نبطل
أسماء : إن شاء الله وربنا يهديكم ويهدينا هشوفكم المرة الجاية في موضوع جديد السلام عليكم
البنات : وعليكم السلام
.................... .......................
انتهي البارت
