( تعلقت بها كالطفل الذي بتعلق بأمه وأنا اعرف انها ليست ملكي.. فيا مقلب القلوب ثبت قلبي على دينك وعلقه بمن هي نصيبي 🤲❤️)
الفصل الثالث عشر
....................
في شركة باسم وخاصة في مكتبه
مالك : مالك يا باسم حالك مش عاجبني بقالك أسبوع
باسم : مافيش بس قلقان بس علشان الشغل
مالك : شغل إيه يا باسم انا وانت عارف الحمد الله الشغل تمام فيه حاجة شغلة بالك فضفض علشان ترتاح
باسم : مش عارف والله مالي بس شكلي باين عليا اووي
مالك : انت مش واخد بالك من نفسك ساعات ببقي بكلمك وانت مش معايا
باسم : مش عارف أقولك إيه بس اقدر أقولك مش قادر أطلعها من دماغي وعلطول في أحلامي
مالك : هي مين دية بس انت شكلك وقعت علي رقبتك ومحدش سمي عليك بس مين دية اللي واخدة النوم من عنيك
باسم : أسماء
مالك : أسماء مين ؟!!
باسم : أسماء صاحبة شيرين اللي شوفناها في المطار
مالك : المنتقبة !
باسم : اه هيا اللي علطول بفكر فيها من ساعة خطوبتها من ساعة مشوفت عينيها وانا عارف إن هي مش هتبقي من نصيبي بس اعمل ايه
مالك : انا هقولك حاجة انت مش من حقك اللي انت تفكر فيها ومتعلقش نفسك في حبال ديبه علشان انت اللي تتعب
باسم : بحاول والله بس مش عارف وخصوصا بعد وفاة أمها وأبوها حاسس إن قلبي تعبان حتي مش عارف أطمن عليها يدوب بسمع طراطيش كلام من شيرين
مالك : مش عارف هقولك ايه بس حاول علشان متتعبش
باسم : ماشي شكرا يا مالك كنت محتاج اتكلم مع حد
مالك : أنا أخوك يا اهبل يلا أسيبك علشان عندي شغل سلام
باسم : سلام
.............................................................
في كلية آداب
دعاء : اذيك يا هالة عاملة إيه وحشتيني
هالة : الحمد الله كويسة وانت كمان وحشتيني
سهر : اذيك يا هالة
هالة : الحمد الله يا سهر
هالة : المهم عندنا إيه النهاردة
دعاء : عندنا محاضرتين وراحين كورس بتاع الدكتور حازم النهاردة هاتيجي ولا إيه النظام
هالة : لا هاجي انا عاوزة اعوض علشان الامتحانات
سهر : عاوزة تعوضي بردك ولا وحشك الدكتور حازم
هالة : إيه اللي انت بتقوليه ده وانت عارف انا عمري ما كنت كدا
دعاء : إيه اللي انتي بتقوليه ده يا سهر
سهر : خلاص خلاص انا ماشية هرد علي الفون وهحصلكم علي المحاضرة
دعاء : ماشي متزعليش من سهر يا هالة انتي عارفة إن دماغها شمال
هالة : عادي يا دعاء واخدة علي ده بس مش واخده بالها في اللي انا فيه يلا
دعاء : يلا علشان نلحق المحاضرة وعلفكرة دكتور حازم كان مش معايا علشان أقولك البقاء لله
هالة : ماشي يا دعاء يلا بينا
...........................................................
في صيدلية ذياد
ذياد : هشام هشام يا هشام
هشام : ايوا يا دكتور
ذياد : تعالي أقف مكاني أما أعمل مكالمة
هشام : حاضر يا دكتور
بعد ثواني
ذياد : الو اذيك يا سهور
سهر : اذيك يا زيزو انا زعلانة منك علشان مش بتكلمني
ذياد : أنا أقدر بردك يا جميل بس كان في مشاكل
سهر : اه ماشي يا زيزو هعديه المرادي
ذياد : طب انا عاوزة أصالحك إيه رأيك نتقابل
سهر : ماشي يا زيزو الساعة ٧ في ........
ذياد : هكون عندك يا جميل
سهر : بااي
ذياد : بااي
في نفس الوقت
محمود : السلام عليكم
هشام : وعليكم السلام أي خدمة
محمود : عاوز الأدوية دية
هشام : ثواني
محمود في نفسه : هو فين صاحب الصيدلية مش باين يعني لا سامعة صوته وبيكلم مين ده شكله حاجة من اللي بيعملها يلا ربنا يسرها دا معلومة حلوة
هشام : اتفضل يا افندم
محمود : امال الدكتور فين مش باين
هشام : معاه مكالمة مهمة
محمود : تمام السلام عليكم
هشام : وعليكم السلام
محمود في نفسه : مهمة 😏
هشام في نفسه : الله يكسفك يا بعيد عامل نفسك شيخ ولا انت تعرف حاجة علي الدين دا انا لو اعرف اوصل لخطبته واقولها علي بلاويه يلا هنشوف إيه اللي يحصل بس والله خسارة فيك
ذياد : هشام انت يا بني أدم مش بنادي عليك
هشام : ماخدتش بالي يا دكتور كنت سرحان
ذياد : سرحان في واحدة ولا إيه
هشام : لا يا دكتور مافيش حاجة
هشام في نفسه : وانت مش بتفكر غير في الحريم
ذياد : طب روح ارجع مكانك يلا
هشام : حاضر يا دكتور عن إذنك
...........................................................
في كورس دكتور حازم
حازم كان فرحان جداً لأن هالة راحت الكورس
حازم : ازيكم يا شباب
الطلاب : الحمد الله يا دكتور
حازم : نبدأ المحاضرة وبعدها في مفاجأة ليكم
الطلاب : تمام يا دكتور
بعد انتهاء المحاضرة
حازم : هقدر أقولكم مفاجأتي
الطلاب : يلا يا دكتور
حازم : إن شاء الله في الوقت الحالي هاجي أدرسلكم في الكلية
الطلاب :هههههه فرحوا جدا لانهم سوف يستمتعون بشرح الدكتور كمان في المحاضرات حيث يعامل الطلاب علي أنهم أخواته وليس طلابه لذلك الطلاب يحبوه
بعد انتهاء الكورس وعند ذهاب الطلاب
حازم : آنسة هالة ثانية
هالة : حاضر يا دكتور
دعاء: خلاص احنا هنسبق يا هالة وتعالي ورانا
هالة : ماشي
دعاء: يلا يا سهر
سهر : اسبقي انتي هشوف حاجة و هسأل الدوك علي حاجة
دعاء : ماشي
حازم : ازيك يا هالة انتي عاملة إيه والبقاء لله
هالة : ونعم بالله انا كويسة الحمد الله
حازم : لو محتاجة أي حاجة في شرح أو حاجة من اللي فات انا تحت امرك
هالة : حاضر يا دكتور وشكرا كتير علي سؤالك
حازم: ولا شكر ولا حاجة احنا بردك أهل
هالة : شكراً يا دكتور مرة تانيه عن إذنك يا دكتور
حازم : اتفضلي يا هالة
حازم في نفسه : امتي بقي يحصل اللي في بالي هيييح 😍
سهر في نفسها : الله يا دكتور بنت زي دية توقعك وبعدين أهل إزاي انا لازم اعرف كل حاجة
............................................................
في مكان مجهول
مجهول ٢ : إيه الاخبار
مجهول ١: كله تمام يا كبير والظرف ده في المعلومات اللي تحتاجها
مجهول ٢ :تمام يارب تكون صحيحة
مجهول ١ : انا تلميذك
مجهول ٢ بضحكة شريرة : يالا ووقعت يا كينج يلا عاوزين سهرة حلوة كدا
مجهول ١ : عندي ليك سهرة إيه فلة
مجهول ٢: طب يلا
وذهبوا لانتهاك المحرمات التي حرمها الله
..........................................................
في مكان عمل أسماء
أسماء : احنا كدا خلصنا الشغل يلا بينا نروح
شيرين : يلا تعالي معايا اوصلك في طريقي
أسماء : مش عاوزة اتعبك
شيرين : يلا قدامي وبعدين أنا عاوزة اتكلم معاكي في موضوع
أسماء : ماشي يا ستي
وبعد مدة وخاصة في عربية شيرين
شيرين : أسماء
أسماء : خير يا ستي انا سمعاكي
شيرين: انا عاوزة أعرف الحب حلال ولا حرام ؟؟
أسماء بتفهم اممم: بس ليه السؤال ده بالذات
شيرين : بصراحة في واخد كنت بحبه وانا صغيرة بس سافر ومن فترة رجع
أسماء : طب الحب ده بتظهريه قدامه ولا
شيرين : لا عمري حتي انا مش بشوفه قليل جدا يشوفه مع ابن خالتي
أسماء : تمام اسمعي يا ستي هو الموضوع يطول شرحه بس هلخصه مرة كنت قرأة مقالة أن الشخص بيسأل صديقه بردك مش فاهم الحب حلال ولا حرام ؟
الصديق:طب هابسطهالك هو الجوع حلال ولا حرام
الشاب بثقة : ياعم الجوع غريزة ينعي ما ينفعش نتحكم فيها طبعا حلال لانه حتي لو حرام هاعمله علشان مجوعش
الصديق : طب تمام طب لو واحد جعان وراح محل واشتري فرخة مشويه هيبقي حرام عليه
الشاب باستغراب: لا طبعا حلال
الصديق باستكمال : طب لو شخص اللي جعان ده راح محل يشتري لحم خنزير هيبقي حلال ولا حرام
الشاب : طبعا حرام
الصديق : هو الحب كدا زي الجوع بالضبط في ذاته حلال ولكن الحلال والحرام فيما بعده هتتعامل معاه ازاي
من الاخر كدا يعني من حقك تحبي لو في علاقة بينكم رسمية أما لو كنتم مش متزوجين فالعلاقة تكون في الحدود ولا حبذا لو تكون قليله المهم تحمي نفسك لحد الزواج وكل الحدود تزول بس انتي يا شيرين ده حب مع نفسك مش هقولك مش حرام انتي من حقك تحبي بس لو الحب ده هيمنعك مثلا عن بعد الله بلاشه ومتفكريش كتير علشان كدا بتأذي نفسك من غير ما تاخدي بالك فهمتي
شيرين : اه فهمت شكرا يا أحلي سمكة وانا مش هفكر فيه بس هدعي ربنا في صلاتي يكون من نصيبي بس كدا وهيبقي كل همي حب الله ورسوله
أسماء : شاطرة يا شيري
شيرين : المهم يا ستي انت عاملة إيه مع خطيبك
أسماء : عادي مافيش جديد اليومين اللي فاتوا كان بيجي هو والدته علشان الحالة اللي انا فيها بس كدا بس تصدقي حاسه اللي انا مش مرتاحة أو بحاول أخلي نفسي مرتاحة
شيرين : إن شاء الله خير
أسماء: يارب خلاص وصلنا يلا يا شيرين تعالي اطلعي معايا
شيرين : معلشي يا سمكة سايبة ماما لوحدها ابقي أجيلك مرة تانية معلشي
أسماء : ماشي يا شيري وشكرا علي التوصيلة خلي بالك من نفسك
شيرين : ماشي وانتي كمان لو احتجتي أي حاجة كلميني
أسماء : ماشي
شيرين : يالا اسيبك انا يلا السلام عليكم
أسماء : وعليكم السلام
.........................................................
انتهى البارت وعاوزة تعليقاتكم علي الرواية
متابعه والتصويت من علامه النجمه يا بنوتات ❤️
