#اميرة_قلبي❤
بقلم زهور جمال الدين(12)
_
اميرة تعزم على بوها انه يروح معاها وتوصله للحوش
قرب منهم واحد وقف ورا المهدى/ ازيك يابنتى
اميرة واقفه على باب سيارتها... اتفاجئت بالشخص كأنها تعرفه ... قعدت تشبحله ... فالاخير عرفاته
-اميرة/ عم فرغلى 😳😳😳😳
-فرغلى / هوا بشحمو ولحمو
-اميرة مدت يدها تسلم/ يا اهلين يا اهلين كيف حالك ياراجل ياطيب
-مهدى متفاجأ انهم يعرفو بعض / 😊😊
-فرغلى يسلم بايديه الزوز / اهلين يابنتى .. مسير الحى طجيتلاقى
-اميرة / محلاها من مفاجئة
-فرغلى / وصدقتى والله دى احلى مفاجئة حصلتلى فحياتى
-مهدى / انتو تعرفو بعض!!
-فرغلى / بعرفها وبعرف الست الفاضله والدتها ...والله احسن ناس
-مهدى / باهى 😏😏
-اميرة / ضرورى تروح معاى توة انت وبوى تتغدا عندنا
-فرغلى / والله يابنتى بعد ساعه طالعين على بنغازى انا والسيارات .. مقدرش اعطلهم دقيقه
-اميرة/ ياريتنى شفتك من الصبح .. راهو فرحت امى بشوفتك
-فرغلى / الجايات اكثر من الرايحات .. واحنا لسه عندنا طلبيات للشركة بتعكو
-تلفتت اميرة خدت شنطتها من السيارة طلعت منها فلوس/ الفلوس هادو حق هدايا لصغارك ..بالله ماتردنى
-فرغلى ماباش ياخدهم/خيرك سابق يا بنتى ...كفايه الدولارات اللى اديتهملى غيرولى حياتى 180 درجه
-مهدى / دولارات 😳😳😳
-اميرة/ هادوكا الفلوس نصييك .. وتصرفهم بالهنى
-فرغلى / ربنا يحفظك يابنتى جميلك فوق راسى .. لولاكى ماكنتش الشركة سلمتنى السيارة دى ولا ادونى اشارة قائد سرب
-اميرة/ ربي يحفظك تستاهل كل خير .. خود الفلوس واشري بيهم هدايا من خالتهم اميرة
-فرغلى / بس المفروض جا الوقت اللى اردلك فيه حقك
-اميرة وجهها تغير/ اتت تعرف ظروف الفلوس هادو ..
وتعرف انى مستحيلة ناخدهم .. فمفيش داعى تفتح السيرة اصلا
-فرغلى / بس دول حقك
-اميرة / لااااا مستحيل يكونو حقى
-المهدى يسمع ويخمم/ كلام يفرطس.. شنو قصه الفلوس وشنو ظروفهم .. وليش اميرة تعطى مبلغ زى هدا لى سواق شاحنه ... حاجه تحير !!؟
_________________________________________
_
فى تركيا
انيس مقعمز عالصالون وعفاف تجرى ورا بنتها
-عفاف/ بيسو وينك تعالى ليش تعطلى فى بابا
-انيس/ مزال الوقت خيرك تعيطى عليها
عفاف شدت بيسان و قعمزتها على حجرها وبدت تمشطلها فشعرها
-انيس/ البسى حتى انتى بيش تمشى معانا
-عفاف منغير ماتشبحله / منحبهاش حديقة الحوانات من لما كنت صغيرة منحبهاش
-انيس/ بري معانامش حنعطلو .. بيش نمشو للدكتور بعد ماتكمل بيسو
-عفاف/ مش قلت الاتراك اليوم الاحد عطلتهم .. معناها العيادة مش حتلقاها فاتحه
-انيس/ لا لا العيادة قطاع خاص وتخدم حتى يوم العطلة .. امس كلمت البنت وخديتلك موعد
-تلفتتله وهيا حامقه / وانت كيف تاخد الموعد منغير ماتشاورنى
-انيس تلفتلها / شنو شنوووو..نشاورك .. وانتى منو بيش نشاورك
-عفاف/ انا الحالة اللى بتعالج عند الدكتورة .. والمفروض انا اللى نقرر الموعد ونقرر عند اما دكتورة نعالج
-انيس/احنا عندنا بنت.. يعنى حالتنا بسيطه..مجرد بتشوفك كانا عندك التهابات تمنع الحمل والا عندى انا ولا شن فيك بالزبط .. يعنى ايا كانت الدكتورة مش مهم
-عفاف وقفت و عطاته بالضهر / انا مش حنمشى للدكتورة
-انيس تلفتلها / ليش شن السبب
-ربعت ايديها / لانى مش مجهزة نفسيتى للحمل حاليا .. انت شفتنى لما حملت بي بيسان كيف صار فيا حالة وماتجكلتش الوحم
-انيس/ لكن يقولو كل بطن وعجبها .. مرات حملك هدا ماتتوحميش
-عفاف / ومع هدا منقدرش نحمل توة
-انيس/ انتى بابك تحسابيتى نشاور فيك .. انا قلتلك نبى ولد يعنى نبى ولد
-تلفتتله / وكانا طلعت بنت مرة ثانيه
-انيس/ نحاولو مرة ثانيه وثالثه لين يجينى الولد .. واعتقد الحمدلله القرش عندى و انا مش مقصر معاكم فى شى
-عفاف / انت شنو تحساب كل شى فلوس
-انيس/ لكن انا نبى ولد حتى امى تنقرز عليا فالليل والنهار
-عفاف تعيط / ايووووه .. اهى بدت تطلع الدوة الحوقانيه .. كنت عارفه ان هالكلام مش ليك وهالراى مش رايك
-انيس/ والله انتى ماتتحشمى ووالله مامودرك الا لسانك الزفر
-عفاف/ الحمدلله ماكدبتش على حد انا ..وانت توة بنفسك قلت امى ضاغطه عليا
-خدى انيس تليفونه / تى بري شيطى يا امسخه .. ومانبيش الولد منك تو ناخد وحدة ثانيه تجيبلى عشرة
وتلفت لى بنته قامها فغمره وطلع من الشقه
