#أميرة_قلبي❤
زهور جمال الدين(27)
والاخيرة
_
فى الكتيبه
دخلو السيارة اللى فيها مروان لى باب عالجنب اليمين ..اما فارس وعدايله خشو للساحه القدامية درسو ..نزلو وخشو للمكتب متع الضابط ... قعدو مقمزين اكثر من ربع ساعه منغير مايجيهم حد
-طارق/ ريت العملة ولا
-مراد / تى حلال فيه الحبس هالمسخ ...مصح وجهه سيارة يكسكسها هكى بالرصاص لا خاف لا حسب
-فارس ياكل فى بعضه/ تو يبانله المسخ
-ايهاب/ والحق السيارة مش رخيصه ..
تلفت لى فارس/ رد بالك تعطيه تنازل
-فارس/ نعطيه عينه مش نعطيه تنازل.. خلى يعرف قدر التريس قبل وبعتالى ساهل
شرين تليفون فارس ...شاف المتصل لقاها اميرة ... مشى للباب وفتحه / شووويا بس يا جماعه
طلع من الباب ورد عليها / الو
-اميرة/ فارس شن فى ...شنو اللى صار ..كيف كلكم تمشو مرة وحدة منغير ماتفهمونا قبل
-فارس/ خيرك حبيبتى اهدى مافى شى
-اميرة/ كيف مافى شى والولد فالشارع قالنا سيارة قريبكم ضربوها بالرصاص
-فارس غمض عيونه/ مروان فرغ فى سيارتى مخزن كلاشن
-اميرة شهقت/ هىىىىى غبر فيه الواطى
-فارس/ ورحمه بوى لما نخليه تقطن فالحبس
-اميرة/ المهم انت ماصارلك شى
-فارس/ لا لا انا كنت لداخل فى حوشكم لين سمعنا الصوت زينا زيكم ...
طلع الدخان وولع سبسى ..
-اميرة / باهى شن بدير توة .. حبيبي فكنا من بلاه اقصر الشر وديرله تعهد وخليه يمشى فى ستين داهيه
-نفخ دخانه / اسمعى اميرة .. الموضوع هدا اطلعى منه وماليكش علاقه بيه..انتى متصلة تسألى عليا وانا رديت و قلتلك حالى باهى... اكثر منه ماتفتيش فى ولا موضوع
-اميرة حساته والع مابتش تكثر دوة / باهى غير رد بالك من نفسك
-فارس/ ان شاء الله
-اميرة😔 / مع السلامه توة
-فارس/ اسمعى
-اميرة/ اهاا
-فارس/ نحبك هلبا
-اميرة ضحكت / وانا نموووت فيك وفى حبك ليا
-فارس/ باهى مدامك ضحكتى نقدر نصكر توة وانا مستريح .. سلميلى على عمتى جميلة وقوليلها تطمن
-اميرة/ ان شاء الله ... سلام
-فارس/ فى امان الله ..
صكر الخط وخش للمكتب لقى طارق يتكلم فالتليفون
-طارق/ قلتلك معش تتصلى تليفونى مسكتش جنب التريس .. عارفهم رجالات خواتك ومع هدا تليفوناتهم ماشرينتش غير انتى ماهفتيش..هيا بالسلامه ومعش تتصلى
وصكر الخط ...
ايهاب يضحك/ هدى روحك ياراس .. ياراجل كل النساوين زى بعضهم نقرازات
-طارق / ياراجل مابطلتش تشريين
انفتح باب المكتب خش منها واحد لابس سروال ادجين وتيشرت وحاط مسدس على جنب ..
-الضابط / السلام عليكم
-كلهم / وعليكم السلام
-الضابط / اوووووو فارس
-فارس اتفاجأ/ اووو حامد .. اهلين كيف الحال
-حامد /الحمدلله كيف حالك انت وخالتى مفيدة وراجل خالتى والاولاد
-فارس/ الحمدلله كويسين كلنا وينكم معش تبانو انت والشباب
-حامد / اهو تشبح فيها قدامك خدمه بس ... شنو ادير هنايا انت ...ومنو اللى معاك هادو.. ان شاء الله خير
-فارس/ هادو عدايلى ..
تلفتلهم / هدا حامد ..حكم ولد خالتى.. ولد اخت امى مفيدة
-حامد/ بالجودة بيكم شباب انستونا
-طارق وايهاب ومراد/ الله ايآنسك ان شاء الله معرفه خير
-حامد / خير يافارس .. شنو جايبكم هنايا
-فارس/ واحد ولد حرام ضاربلى سيارتى بى كلاشن مكسكسهالى كلها
-حامد / اااه ... ان شاء الله السيارة اللى انضربت بالكلاشن سيارتك انت
-فارس/ سيارتى ياراجل وغاليه كيف شاريها الاسابيع اللى فاتو
-حامد قام تليفونه ويتصل/ الشاب اللى ضاربها مكلم ناس قواة وبيطلعوه من غادى لغادى ..حتى محضر مادارولاش.... اصبر خلينى نتصرف
-فارس/ ايطلعووووو... تى نقولك السيارة مشت كلها
-حامد / انا ماحبيتش ندخل .. لكن مدامها السيارة ليك تو نتصرف ...
اتصل وحجز مروان ودارله محضر ....
