تزوج و خلاني (باللهجة الجزايرية )

chapitre 1

بسم الله ❤

كل واحد فحياتوا عاش قصة ماقادش ينساها و انا اليوم غادي نحكيلكم قصة حياتي ........

ماما: يا بنتي نوضي راهي 7:15 راح توصلي روتار للجامعة من اليوم اللول
ريتاج: أوف ماما دوك نوض أصلا نروح غير علاجالك أما أنا حابا نرقد
ماما:نوضي بلا زعاقة و كلام زايد ولا راكي حابا نرد زعافي عليك
ريتاج: هاه اني نايضة متزعفيش

نضت و غسلت apres درت شويا مكياج باه متفيقليش يما حيت متحبش كي ندير مكياج و لبست غوب تاعي و حجاب مقتلكمش هادا عامي الثالث في الجامعة ... رحت لكوزينة تلاقيت بابا و يما يستقهواو 
بابا :واش زين متجيش تستقهواي ولا
ريتاج:لا بابا اني روطار
ماما: علاه كاش خطرا مرحتيش روطار دايمن نتي روطار
بابا: اه يا مرا خلي طفلا هي علابالها واش دير هادا اليوم اللول روحي شوفي خوها لي دايمن راقد
ريتاج: راك شايف بابا إسلام تشيتلو أما أنا من صباح و هي تعيط عليا
ماما: تروحي و لا متروحيش
ريتاج: اني خارجا خلاص سعاد متعيطيش

ريتاج في عمرها 21سنة تقرا أعلام الي يماها اسمها سعاد و باباها محمد أما خوها إسلام خلص قرايتوا و رآه في دار

ريتاج خرجت راحت للجامعة وقفت في لاري تسنا في صحبتها تجي باه يروحوا
ريتاج: يا حمارا هادا وين تجي ياخي كبش
مريم: يا لبغلا جبتلك جديد تعرفي لافامي ****
ريتاج: لا معلاباليش جامي سمعت بيهم
مريم: شوفي هادي لافامي عندهم بزاف دراهم يسكنوا في فرنسا مي ولاو لجزاير
ريتاج: هيه و انا واش دخل جدي فلوسط
مريم: عندوا ولد اسموا يوسف بزاف شباب en plus حا يقرا معانا ولد عم يانيس حا يسكنوا  في دار  جدوا في فيلا مع لافامي تاع يانيس مي malheureusement عندوا حبيبتوا هاديك لحمارا تاع سارا لي تقرا معانا و تانيك يوسف عندوا ختوا ليلي فوتوكوبي تاع سارا déjà هي صاحبتها لفعات في زوج
ريتاج:يادرا وين جبتي هادوا لمعلومات en plus مطمعيش هادا يوسف يحبك خطرش سارا خير منك et  علابالي سارا تحب دراهم والله ما تخلي يوسف حتا ديلوا دراهموا
مريم : يا لبقرا جبت هادوا المعلومات عند ماما ياك حنا نسكنوا قدام دار جدوا مالا يمات يانيس حكات كلش لماما و نتي تعرفيني نحب هاداك خوك لهايش منقدرش نشوف مع يوسف  ياحمارا ديري لروحك افير مع يوسف
ريتاج: بلعي هاو جا لبوس أيا نروح

(نفهمكم حاجا يانس يكون ex تاع ريتاج أي حبيبها لقديم أما سارا فهي حبيبت يوسف لي عندوا لختوا اسمها ليلي
سارا و ليلي صاحبات

ركبت ريتاج و مريم لبوس و وصلوا للافاك و راحوا يحوسوا على lá classe تعهم حتى تلاقاو بسارا و وحد طفلا باينا ليلي
ليلي و سارا و يانيس و يوسف و ريتاج و مريم يقراو في نفس كلاسا 
سارا : دوك نعرفك على طلابات و شبشاقات تاع لاكلاس مريم و ريتاج
ليلي: هههه ياه شوفي لبسا تاعهم تاع عهد القريش
مريم : نتي déjà قريش و تزيدي تحلي فمك كي البهلولة و باه تهدري عليا لازم تلحقيني يا عمري
سارا: ياه وليتي تفتحي فمك
مريم: ياخي كلبا واقيلا تحوسي على المشاكل
أما ريتاج بقات تشوف فيهم هي جايا من genre لي ترونكيل و متردش الهدرة
ريتاج:اوفف خلاص مريم متزيديش فيها متسمعيلهمش أيا نروحو
ليلي: . واش حابا تلعبيها خاطيك لماشاكل ياخي خوافا
سارا: ههه آكي شايفا
مريم: ريتاج ما قلتي والوا سمعتي واش قالوا
ريتاج: امشي متسمعيلهمش ماشي متربيات
دخل يوسف و سمع واش قالت ريتاج و راح ليها شدها من يدها
يوسف: واش قلتي على ختي ماشي متربية زعما دوكا نتي درتي حجاب دين كاين و لالخلاق ماطاش
سارا: خلاص bebe هما موالفين يتبلاونا -وبدات تتمسكن -
ليلي: صح خويا خلاص متهدرلهمش 
مريم: وشنوا ياخي عباد صار هاكا حنا لي ماشي متربيات معليش دوك تشوف mais c'est normal تكون هاكا puisque خوها déjà ...
يوسف: شبيه خوها روحي ولا نكسرلك فمك
مريم: إلا راك راجل ديرها
ريتاج: مريم بلعي تعلمي مترديش لهدرا لما انت يوسف متدخلش روحك فيما لا يعني
يوسف : ديها عليا ولا نديرلها كاش حاجا
سارا و ليلي بقاو غير يضحكوا
جا البروف و سلم عليهم و دخلوا كامل الطلاب للونفي
وجازت حصص التعارف أما ريتاج من صباح و هي تشوف في سارا لي قاعدا قدام يوسف و لاسقا فيه أما هو فكل دقيقا يتفكر في ريتاج و يندم على الكلام لي قالو ليها و حاب يعتذر منها لانوا ضالمها الأنها عجباتوا كي مردتش لهدرا أما مريم لوكان ما حشمش قادر يقتله و كي يدور يشوف في ريتاج يلقاها تشوف فيه و تنحي عينيها منوا و هو غير يضحك عليها على عفويتها

يوسف يحكي
كي دخلت للونفي سمعت في صوت تاع الخناقة و apres  عرفت بلي زوج بنات وحدا فيهم تدي لعقل بزينها  يضاربوا مع اللسقة تاع سارا و ختي ليلي مي كي  سمعت قالت بلي ختي مش متربية طلع لي لقاء لراس و عايرتها أما هي مردتليش لهدرا عكس وجه المقلة تاع صاحبتها هاذا لي خلاني نندم على الهدرة لي قلتها و علابالي بلي سارا و ليلي لتبلاوها و كي دخلنا للونفي نقراو قعدت هاديك طفلا مورايا و عرفتها قرايا ماشاءالله  prsk كي يسقسي البروف كاش question هي دايمن لي تريبوندي و كي ندور نشوفها نلقاها تشوف فيا apres تنحي عينيها بزربة باه منشوفهاش
و alors قررت انوا نعتذر ليها

كي خلصنا لقرايا رحنا لريستوا باه ناكلوا انا و صحابي
أما ليلي و سارا مايكلوش في روستوا لازم ياكلوا لماكلا تاع برا زاعما لاكلاس وكي جبت بلا تاعي لقيت هاديك طفلا وحدها في طابلا تأكل Alors رحت ليها وخليت صحابي

ريتاج تحكي
اف يا مريم نتي رحتي مع خويا تاكلي في ريستواغون الله الله اما انا لي درت ليكوم لافير قاعدا هنا نأكل لعدس معا لما
بقيت نندب على روحي حتى جا هاداك البوقوس يوسف
يوسف:معليش نقعد معاك دقيقة
ريتاج: مراكش تشوفني نأكل
يوسف قعد بلا ما تقلوا
يوسف:علابالي راكي متغششة مني مي سمحيلي على مقبيل prsk معجبتنيش لكلمة لي قلتيها سمحيلي
ريتاج: هه معليش سماح
يوسف: مالا ولينا صاحب
ريتاج: على الأقل ماشي قدام هاديك المهبولة تاع سارا حا تقتل
يوسف: ههه ماشي مشكل اصلا هاديك لسقة لازم نليكيديها
ريتاج: لا متقلش هكاك هاديك مادامتك
يوسف : قولي لفعة ماشي ماداما هه .. واش عجباتك لماكلا كي راكي تاكليها
ريتاج: كول و بلع هاذي ماشي لافاك تاع فرانسا déjà موالفا ناكلها juste كي راني جعانة ههه
يوسف: و الله غير ندمت كي جيت علابالك
ريتاج: ايه علاه مقعدتش في فرانسا
يوسف: بابا لي حب نجي باه نشدلوا الشركات تاعوا. . حقا وسمك
ريتاج: ريتاج
الكاتبة تحكي
  كلاو و خرجوا قعدوا قصروا شوية و ريتاج عجبها بزافف يوسف حباتوا حتى هو و كي جا الوقت باه تولي سارا راح بعدما و دعها و راح لسارا أما ليلي فبقات عند يانيس prsk هي تحبون من لي كانوا صغار
أما مريم بعد ما ولات ريتاج حكاتلها قاع واش صار apres دخلوا قراو و خرجوا و شافت في يوسف لي غمزلها ولات حمرا
وصلت للدار بدأت تعيط ملفرحة حتى شافتها يماها و بدأت تضحك راحت بدلت قشها و كلات و رقدت بعد ما كونيكتات شوي و زادت هبلت مريم على يوسف من صباح تحكيلها على زينوا

البارت الاول خلاص غدوة نزيدلكم واحد
كل يوم نحط بارتي إلا لقيت تفاعل ❤❤
ومادابيكم تعطوني رايكم الانوا يهمني❤