تزوج و خلاني (باللهجة الجزايرية )

chapitre 7

بسم الله ❤ 
سمعوا هاديك الأغنية لي حطيتها لفوق و نتوا تقراو في الكرونيك

تسريع الأحداث جازت سمانا و لحق العرس
ناض يوسف صباح و لا نقولو مرقدش قاع ليل كامل يخمم في ريتاج و يلوم راسوا عمباتلوا ريتاج وحدا رخيسة و تمسخرت بيه تحتمت عليه يتزوج مع سيرين باه ينساها أما حاجا لي زادت عليه كي شاف ريتاج راح تتزوج بعدو تاعوا و راح يعيشوا في نفس الدار. ....... ناض وراح دوش و جاو صحابوا: أو أو أو مبروك زواج، يوسف قالهم فوق قلبوا : عقوبا ليكم... أيا مالا راو حبط يانيس نروحو قاع ل كوافور، يوسف: معليش تخلونا وحدنا انا و يانيس
راحوا و خلاوهم

يوسف: نتا مراكش راجل علاه تغير مني، يانيس: علاه عندك حاجا نحسدك عليها اه نسيت ريتاج ، يوسف: هههه والله دحكتني لخماج لي كيفك خليتهالك، يانيس: ههه باينا مازال تحبها، يوسف: إلا تزوجت معاها باه تنتاقم مني حاب نقولك منحبهاش،  يانيس: زعما علاه،  يوسف: مدخلكش،  يانيس: حاب نقولك راك ضالم ريتاج

يوسف مفهمش واش قصد راح يجاوبوا بصح قاطعوه صحابوا كي دخلوا قالولو راح لحال كيما كانت يوسف و يانيس راحوا للكوافور و هاديك الهدرة مازال دور في عقلوا بصح يمكن قال برك هاكاك باه نغير و نندم

أما عند ريتاج ناضت على 7 و راحت للاكوافوز خرجت شابا مادارتش بزاف ماكياج و مشطة سامبل بحكم انوا هاد الزواج ماشي عن حب شدت في كرشها: اه ياربي علاه علاه مقبيل فهد و دوك يانيس باينا طحت من عينين يوسف و هاد الولد لي في كرشي واش حا ندير بيه منقدرش نحبوا بصح واش دنبوا
بقات تخمم في البيت تاعها حتى دخلت عليها بنات خالتها : أهلا بلعروسة يويويويوي مبروك حبيبتي، ريتاج: يسلمك عقوبا ليكم
سعاد يمات ريتاج: بنتي تعطلوا مجاوش الكورتاج، ريتاج: صبري يما ولا راكي حبا تليكيديني، سعاد: يا بنتي علابالك عندي غير نتي كفاه راكي حابا نليكيديك كون جات في يدي تقعدي معايا حتى نموت، ريتاج: بعيد شر يما ... و بدأت تمسح الدموع ليماها، سعاد: سمحيلي زوجتك بواحد متحبيهش بصح علابالك كون مدرتلكش هاكاك كلام تاع ناس وين نروحو يتبعونا
قعدوا يقسروا و يديروا ليفوطو حتى سمعوا صوت طوموبيلات يصونيو دوك نفهمكم نصف تاع الكورتاج راح عند ريتاج و لآخر عند سيرين
نسيت ماقلتلكمش سيرين ناضت فرحانا لي بغات وصلت ليه دوك دراهم تاع يوسف قاع ولاو ليها حا تولي تعيش كيما الأغنياء عكس ريتاج لي تخمم على يوسف مهم خرجت تحت جناح باباها محمد و ركبت مع يانيس مسلمتش قاع عليه
يانيس: واش ريتاح مازالكي تكرهيني قلتلك سمحيلي واش رأيك نولوا كيما قبل،  ريتاج : متفهمش قلتلك خطيني ،يانيس: ريتاج فهميني انا نحبك، ريتاج: لوكان صح تحبني ماديرش هاكداك متخربليش حياتي مع يوسف،  يانيس : وشنوا انا لي خبرتها ولا كانت مخربة من قبل،  ريتاج : خلاص بلع ، يانيس: تخلصيها غاليا يا ريتاج،  ريتاج : نعست،  يانيس : صحا