تزوج و خلاني (باللهجة الجزايرية )

chapitre 10

بسم الله 
.......
ولات ريتاج لدارها طلع عندها يانيس
معلابالوش كيفاش يبدالها الهدرة و إذا تتقبل واش راح يقوللها : ريتاج
ريتاج حست ب حاجا ماشي مليحة كي تكلم معاها بتوتر و خوف : خير واش كاين
يانيس : معلاباليش كيفاش نبداهالك ، ريتاح: من اللول
يانيس قاعد يرتب في الكلمات باش يقوللها : ولدك طاح
ريتاج حست بحاجا تكسرت في قلبها حتى و إن ماجاش برغبتها و من شخص لي تكرهو بصح غاضها البيبي حرام هو من دمها و لحمها رباتو في كرشها شحال باه يطيح ماكاش أم متبكيش على ولدها خصوصا هي prsk شراتلو قش و من صباح تخمم كيفاش تسميه و تتخيل فيه كيفاش يخرج و مبعدها في ليلا و نهار يقولولها ولدك مات هادي هي آخر حاجا سناتها تصرى انو يموت

...............
في العشية قعدت ريتاج في الجنينة قاعدا و كي جا يوسف مسلمتش عليه حاس بلي حاجا قلقتها prsk كان موالف كول ما يجي من الخدمة تسلم عليه راح ليها يشوف واش بيها
تردد باه يكلمها بصح في الأخير قرر يهدر معاها بالاك يخفف عليها
يوسف: ريتاج خير
ريتاج فرحت شوية كي شافتو جا ليها و تكلم معاها prsk موالفا تقولو سلام ميردش قاع : يوسف هادا نتا وي صافا كيما راك تشوفني
و هو علابالوا حاجا مقلقتها غاضتو مسكينة : متلعبيهاش عليا نعرفك كي تتقلقي فاش ديري
-: ولدي يوسف مات
كي قالتلو هاكاك حس بوجيعة في قلبو غاضتو مسكينة معرفش واش يقوللها صح صعيبة تعيش مع روح بعدها يمشي و يخليك ربي يسبرها لي كاين في قلبها غير ربي سبحانه لي علابالو : ربي يرحمو و يعوضك أنشأ الله متخميش بزاف أراضي بالمكتوب الحمدلله كي راكي نتي بخير و على خير sinon كل شي يتعوض غير الصحة
- حست براحة كبيرة كي هدرت معاه هو دايمن لي يفرحها كي تكون مقنوطة ولا حزينة هادا هو يوسف عمرو ما يتبدل حنين بزاف : حرام بصح هو ملايكة
يوسف: معليش تاكلي شوكولا جبت
ريتاج : ههههههههه merci و تاني حابا نشكرك كي عاونتني لولاك راني ميتا دوك
يوسف: 😆
ريتاج لعنت في روحها كي شافت سيرين تتمعجن و جات عند يوسف تعيطلو تقول شي خافت لا تسرقولها و زيد متحشمش باستو قريب لفمو قدامها و يوسف فاقلها بلي غارت عليه حب يشيخ عليها
يوسف: سيرين عمري واش طيبتي اليوما يا احلى زوجة
ريتاج بدأت تعوج في فمها حبت تهجم عليها و سيرين تانيك حتى هي حبت تبين لريتاج مهما اهتم بيك يوسف يبقى لييا انا
سيرين: طيبتلك واش تحب
في هاداك الوقت ريتاج خلاص فارت متقدرش تتحمل
ريتاج: سمحولي بصح راني هنا روحو لداركم و ديرو واش تحبو احترموني شوية هههه علابالي تحبو بعضاكم بصح عيب تبينو قدامي  ربي يحفضكم
- و أما هو من الداخل شاخ عليها مزالها غيورة كيما عرفها le premier jour  عرف بلي مزالها تحبو
سيرين: أيا عمري ندخلو للدار،  يوسف: دخلي دوك نجي
يوسف: ريتاج غرتي
ريتاج ملقاتش واش تقولو حشمت يازح فاقلها : لا ههه أما بس عيب قدامي
عرف بلي راهي تكذب : زعما صح
قاطعهم صوت يانيس : واش راكم هنا 😆

ريتاج تحكي :
كونت قاعدا في الجنينة moral هابط كارها حياتي  حتى شفت يوسف جا عندي معلاباليش الا نركز على  مصيبة تاعي ولا على زين تاعو و زيد لبستو يماما كان لابس تريكو blanc و صباط blanche و زيد شورت noir  مهم صبرني يا عمري ولى يحن عليا واش خلاني نحبو قالي ربي يعوضك و هادا مكتوب كلماتو كانو كيف المسك محلاه و حقا عطالي شوكولا 😍 مي دوماج جات سيرين فسدت علينا اللحظة محشمتش تهدر مع يوسف بهديك الطريقة واش انا حيط منبانش انا ماشي بنادم انا قرش  مهم هي راحت أما يوسف بهدلني فاقلي كي غرت عليه سقساني يازح إلا غرت معرفتش واش نقولو تبهديلة المهم ربي يحفضو يانيس اول مرة ينفعني جا لينا
يوسف: واش صاحبي
يانيس : Cava ايهيه واش راكم دايرين فيها
يوسف: جيت نصبرها على ..
انا: بوه معليش
يانيس : واش رايكم نروحو فاكونص لكاش بلاصا نبدلو الجو
يوسف: dzl خدام
.........

خلاص البارتي غدوة بارتي جديد على 00 : 20  ❤