تزوج و خلاني (باللهجة الجزايرية )

chapitre 15

بسم الله ❤
سمحولي بزاف تعطلت عليكم شهر مكنتش في دارنا مقدرتش نكتب البارح وليت

_______________________
من آخر مكالمة ليا مع يوسف موليتش هدرت معاه كرهتو طاح من قلبي حوست على خدمة .. هاد اليوم كنت لابسا كلاسيك باه نروح لواحد الشريكة كانو يحوسو على سكرتيرة من أجل مقابلة عمل كي وصلت لقيت 2 بنات يسناو دالتهم الحق الحق كانو بزاف شباب في زوج لابسين ميني
- سلام لبنات مازال ماجاش هاداك لي راح يديرلنا انترتيان
نطقت وحدة : علاه نتي جيتي على الخدمة تاع سكريتيرة
- وي
الطفلا : ههه بهاد الستيل مشكيتش يقبلوك لازم وحدة سيفيليزي و شابا
ريتاج: علاه نتي لي راح ديريلي المقابلة عندك راح نخدم؟
الطفلا: لالا
ريتاج: مالا بلعي
الطفلا : قليلة التربية
ريتاج راحت تردلها حتا يفيقها صوت تاع واحد يماما غلى الكريزمة
......: شكون لي تفضل الأولى
جازو البنات و كل ما تخرج وحدة تبكي جا وقت تجوز ريتاج
ريتاج: سلام
رسلان: وعليكم السلام تفضلي اقعدي
ريتاج : مرسي
رسلان: بدون مقدمات علابالك علاه جبناك هنا تخدمي سكريتيرة لخويا ميقدرش يديرلك مقابلة حيت راهو مسافر
ريتاح : c'est pas un problème
رسلان : اللغات لي تتكلمي بهم
ريتاج : عربية francais englait Español
رسلان : مليح مي حسب ما راني نشوف معندكش experience مي معليش تتعلمي هنا حقا راكي slbtr
ريتاج : مطلقة
رسلان : معليش هاكا خير prsk نحوسو على وحدة معندهاش علاقة prsk تكوني دايمن مع موسيو أمير و des تقعدي حتى لليل نتي آخر وحدة تخرج من شركة
ريتاج : d'accord
رسلان : كيما علابالك البنات قاع مقبلناهمش بصح نتي مقبولة dimanche تقدري تبداي
ريتاج : merci

جازو ايام جا يوم الاحد ناضت ريتاج صباح على 5 هههه سقمت روحها على 8 وصلت لشركة لقات رسلان
رسلان : صباح الخير ايا نوريلك بيرو تاع امير
راحت ريتاج لبيرو تاع امير طبطبت
امير : تفضل
ريتاج تشلت في بلاصتي صوتو خشين باين واعر اما سخفها
و كي دخلت شافت في بقلاوا قاعدا في بيرو فيقها صوتو
امير : تفضلي شكون نتي
ريتاج : سكريتيرة الجديدة
امير : ممم هاوليك بيرو تاعك قدامي
ريتاج ( وات يا ارض ابلعيني راح نخدم مع هادا في نفس الغرفة )
ريتاج : اوكي
امير : هاكي هادوا لي دوسيي سقميهم و عاودي حسبيهم اليوم
ريتاج : بصح اول يوم ليا منعرفش منقدرش نخلصهم في يوم
امير صاح عليها: زيد اول يوم ترفضي واش قلت ديري واش قلتلك مدخلنيش فيك
ريتاج : سامحني دوك نديرهم

ريتاج تحكي
جازت ساعة و انا نخدم كل دقيقة نشوف في امير زعما صح هادا algerien شحال شباب وليت نخدم بصح كاينا حاجا مفهمتهاش alors عيتطلو بصوت خافت
ريتاج : موسيو دقيقة stp مفهمتش واحد الحاجا
امير : راني جاي
كنت نكتب حت شفت في امير حاوط الكرسي تاعي يد في الكرسي و يد في طابلا ريحتو سابقاتو لخشمي بقيت نشوف في عينيه حتى نطق
امير : وي مادام واش مفهمتيش
ريتاج : درتلو بيدي هادي و بدا يفهملي و انا كل دقيقة نشوف فيه خلاص حبيتو ماكان لا يوسف لا انيس غير هادا لي ندي 😍 ههه
أمير : خلاص فهمتي متزيديش كل دقيقة تعيطيلي
ريتاج : merci

لحقت 12 رحت نفطر في المطعم بحكم ماكاش شكون نعرف غير أمير و رسلان لقيتهم يفطرو رحت عندهم نفطر قالي أمير
امير : رسلان وقتاش ولينا نفطرو مع الخدامين
رسلان : هههه مادموزال روحي فطري مع الخدامين الهيه
ريتاج بتوتو : ديزولي دوك نروح جيت prsk غير نتوما لي نعرفهم
أمير بعياط : وشكون قالك نعرفك العلاقة بيني و بين الخدامين غير علاقة تاع الخدمة وفرات
الخدامين بداو يضحكو كي أمير بهدل ريتاج
راحت ريتاج قعدت وحدها تأكل على 1 ولات الخدمة أمير ماجاش كانت قاعدا تخدم حتى طبطبت وحدة دخلت ريحتها سابقتها شعرها صفر و عيون بلو كانت لابسا شوميز كلاسيك و سروال فرفوري و طالو
نرمين: باغدو شكون نتي وراه أمير
ريتاج : أنا سكريتيرة الجديدة ختي ممنوع تدخلي موسيو أمير ماكاشو
نرمين : نتي لي تقوليلي وقتاش ندخل لبيرو تاع راجلي
فهداك الوقت دخل أمير
نرمين: عمري قلتلك جيب سكريتيرة ماشي شابة بصح متربية و نتا جبتلي مزعوقة بصح ماشي متربية
أمير : علاه واش درتلك
نرمين : مخلاتنيش ندخل و زيد قلتلها انا مرتو
أمير : أي نتي شوفي مليح وشبيك تسترجلي في اليوم اللول هادي آخر مرة تعاوديها الخطرة الجايا ترفدي قشك و تروحي
ريتاج : سمحلي
بعدها نرمين بدأت تحضن في امير و تبوسو
أمير : ريتاج كملي خدمتك برا خلينا وحدنا
ريتاج : باهي
خرجت ريتاج و راحت ديراكت لصال دو بأن بدأت تبكي. ......

_________
خلاص بارتي لازم يكون تفاعل كبير باه نزيد نحط بارتي الجاي ❤
جام كمنتار
أيا دير جام في خاطري😭😭😭
مغضتكومش أيا ديرولي منهونش عليكم 😭

أو مرسي درتيلي جام ربي يحفضك و يعطيك ما تتمناي 😍😍