تزوج و خلاني (باللهجة الجزايرية )

Chapitre 16

بسم الله ❤

.......
ريتاج تحكي
كملت الخدمة تاعي على 5 ورحت ديراكت لدار رقدت أيا غدوا من داك نضت صباح شربت الحليب لبست روب سامبل بيضا طالون نواغ و خيمار نواغ أيا ديريكسيون لخدمة كي دخلت لبيرو و اوب خرج أمير دخلت فيه شواربو قاسو شواربي أمير ولا حمار
أمير : مراكيش تشوفي
ريتاج : سمحلي مسيو صباح الخير
امير: صباح نور راني خارج على 12 نولي نلقاك كملتي دوسيي لي حطيتولك نروحو نفطرو في ريستورون مع واحد رجل أعمال
ريتاج : d'accord 
طلع و انا مازالني مع الموقف لي سرالي مقبيل راني مشوكية كيفاه حتى باسني قريب نموت من الحشمة رحت بديت الخدمة حتى نسمع في الباب يتحل حسابتلي أمير دخلت نرمين حتى سلام و ماقالتوش حشمت في بلاصتها قلتلها سلام مرجعاتليش قعدت في البيرو تاعو تفتش فيه
نرمين : معلابالكش وين يخلي أمير دراهمو
ريتاج : حتى و إن علابالي منقولكش
نرمين : ياخي فايحة
ريتاج : كيما نتي بب
نرمين : خلاص اسكتي علينا متقوليش لأمير واش قلتلك و بالاك نسمع كلمة خرجت من فمك بليك جيت لهنا فهمتي
ريتاج : راكي تهدديني ولا كيفاه
نرمين : هادا شغلك فهميها كيما تحبي
ريتاج: رتاحي منقولوش ماراكيش تشوفي فيا خرابة البيوت
نرمين : باهي
خرجت نرمين و انا تشوكيت كانت حابا تسرقلو دراهمو والله ما تستاهلو مفهمتش كيفاه قبل بيها منيش حابا نقولو انا ماشي خرابة البيوت عندي شوية فهامة أما هي لي تخرب بيتها ب روحها

لحقت 12 جا امير رحت معاه لريستورو لقينا يوسف تماك انا تشوكيت
ريتاج : امير والله لازم نروح لدارنا نسيت حاجا
امير : واقيلا راكي حابا تتحاوزي وشنو هاد تمسخير قاعدتي حتى وين وصلنا تقوليلي نروحو
ريتاج : خلاص ماقلت والو
تبعت امير موراه كي شافني تخلع
يوسف:  ريتاج
ريتاج : سلام
امير : تعرفو بعضكم
يوسف : وي كانت حب
قاطعتو
ريتاج : قريت معاه
امير : أمم هادي سكريتيرة تاعي  جديدة مالا بدون لف و دوران عجبك المشروع
يوسف : وي راح يجيبلنا بزاف دراهم و نتي واش رأيك ريتاج
امير : رايها ميهمنيش مهم نتا رآك قابل مبروك علينا
يوسف : الفطور من عندي واش راكم حابين تأكلوا
امير : علابالك واش نحب
يوسف : خسارا عليك هو و نتي مادام
ريتاج : واش كليتو ناكل
راح يوسف دوموندا الماكلا استغل امير الفرصة هدر مع ريتاج
امير : مليح الأول مرة ستفديت منك
ريتاج : هه كيفاه
امير : البارح يوسف مقبلش المشروع مي دوك قبلو باين علاه
ريتاج : ههه بوه
امير : كنتي ديجا علاقة معاه
ريتاج شافت في يوسف جاي سكتت جاز وقت كلاو و خرجو قبل ما تركب ريتاج فطونوبيل حبسها صوت يوسف
يوسف : ريتاج قبل ما تروحي معليش نهدرو شوية
امير : الخدمة تسنا فيها كاين تلفون اهدر معاها
يوسف : دقيقة برك
ريتاج : خويا معليش خطرا الجاية نهدرو
يوسف : دقيقة برك
امير : ريتاج اطلعي
طلعت ريتاج و امير طريق كامل هو ساكت

...........
خلاص البارتي ❤