تزوج و خلاني (باللهجة الجزايرية )

chapitre 17

بسم الله ❤ 
_________

طريق كامل و حنا ساكتين كي قريب نوصلو للشركة حبسني صوت أمير
امير: ريتاج متكدبيش  عليا تعرفي يوسف ولا لالا
ريتاج : موسيو أمير هاد شي ميعنيكش
أمير بعياط : راكي تخدمي هنا عندي كيفاه ميعنيليش
ريتاج : أوف ولد عم طليقي
أمير : أمم بصح واش من حق عندو يهدر معاك بهاد الطريقة و زيد وعلاش تطلقتي معاه
ريتاج : زت عليها شوية نو
أمير : بسيف عليك تحكيلي لازم نعرف الناس لي راني نخدم فيهم
ريتاج : اسمع هادا يوسف قرأ ديجا معايا حبيتو و حبني كأي علاقة مراهقة بصح مكتب المكتوب بينا تزوجت ولد عمو من بعد تطلقنا مقدرتش نعيش معاه
امير : ممم دوك مازالكي تحبيه
ريتاج : ههههه نو خلاص قلتلك حب مراهقة
أمير : آوكي
حبطنا من الطونوبيل دخلنا كول واحد شاد بيرو تاعو بقيت كنخمم في يوسف كيفاه حتا تلاقينا عمري لا نسامحو فيقني صوت أمير و هو يقولي
أمير : ريتاج جيبيلي لي دوسيي لي حسبتيهم
جبتهم حطيتهم و قعدت قدامو نفهمو كيفاه خدمتهم حتا رفدت عينيا و تلاقاو في عينيه و نشم في انفاسو دقيقة هاكاك جبدت روحي قلتلو عليهم و رحت لبيرو تاعي نكمل واش بقا
أمير : ريتاج نسقسيك كي خرجت قالولي جات نرمين صح ولا لالا
ريتاج : موسيو نكدب عليك والله ما علابالي مشتهاش
أمير : ريتاج بديتي تكذبي
ريتاج : والله مشتها
أمير : متحلفيش شتها في ليكاميرا
ريتاج : بالاك جات و انا مشتهاش
أمير : خلاص اوكي روحي جيبيلي قهوة
ريتاج : ميكون لا خاطرك
رحت نجيب قهوة معرفتش كيفاه نخدم ماشينا جات ليا وحدة تخدم هنا
مروة: اسني ديري هاكا و تخرج سي أمير يحبها ثقيلا
ريتاج : ميرسي حنونة
مروة : بلا مزية نتي سكريتيرة جديدة هنا تشرفنا
ريتاج : ربي يحفضك و نتي شكون
مروة : انا خت أمير مروة
ريتاج : علابيها تتشابهو ههه
مروة : هههه صح بزاف ناس يقولولنا هاكا،  حقا نسقسيك
ريتاج : وي تفضلي ختي
مروة : لبارح كي جات هاديك الكلب تاع نرمين واش دارت هنا
ريتاج : والله ما شفتها
مروة : أمم معليش علابالك كون ماشي ولد أمير كون طلقها شحال هادي
ريتاج : عندو ولد!
مروة : وي معلابالكش؟  كل خميس  أمير يجيبو لهنا تشوفيه
ريتاج : أنشأ الله ، أيما نسيت قاع القهوة هاديك دوك يقتلني أمير ههه
مروة : هههه سمحيلي عطلتك
شديت القهوة و كنت نجري خرج قدامي عبد اصتدمت بيه القهوة قاع ساحت و طحت عليه شفافي في شفافو كي رفدت عينيا لقيتو أمير شدني من خصري و يهدر
أمير بصوت خافت و hot . : ريتاج واش درتيلي
ريتاج : سمحلي تعيش
رحت نبعد زير عليا و راح يبوسني حتا فيقني صوت نرمين نقزت من بلاصتي
نرمين : أمير !
أمير بصوت عياط: ريتاج واش درتي سيحتيلي قاع القهوة ملي جيتي و المشاكل بدأت
نرمين : خلاص بيبي أرواح لدار تبدل و هادي العمية حاسبها apres
أمير : آوكي أيا نروحو جبتي أيهم من لاكريش
نرمين : مازال دوم نجوزو نجيبوه
أمير : آوكي
ريتاج : طريق سلاما
نرمين : بلعي نتي
راحو و انا جبت نشاف سيقت هاديك القهوة لي طاحت كملت الخدمة تاعي و انا نخمم في هاديك اللقطة لي دارها أمير زعما صح ولا مجرد شهوة حاب يتمسخر ببنات ناس même pas سمانا موحال يحبني فيها و لا نحبو بصح انا حمارة وافقت نظرت حتى ردت فعل بنت قدامو ×××× لحقت الخمسة جمعت قشي و ركبت البوس وصلت لدار تعشيت قسرت شوية مع يما قعدت في بيتي حتى صونا تلفون كان أمير
امير :سلام
ريتاج : أمير هادا نتا
أمير : وي مهم حبيت نهدر شوية معاك
ريتاج : وي تفضل
أمير : على اللقطة لي صرات صباح سمحيلي مفقتش كيفاه صرى هاد شي
ريتاج : وي متزيدش تعاودها هادي وسمها خيانة حتى و إن مقصدتهاش انا بنت فاملية ماشي بنت شارع
أمير : بصح حتى نتي وافقتي ماعارضتينيش
ريتاج : ايه معلاباليش واش كنت نخمم
أمير : انا تاني
ريتاج : ماشي كيفكيف
أمير : ريتاج بلعي بأي غدوة أنشأ الله
ريتاج : بأي
غلقت تيليفون تاعي و بديت نسب فيه حيوان يغلط و يزيد يحصلها فيا

أمير يحكي ____________________
بو انا أمير كيما علابالكم عندي شركة مي بصح زواجي مع نرمين ماكانش عن طريق الحب و عمري ما جربتو  كان على طريقة الطمع بابا الله يرحمو قالي تزوج بيها و نعطيلك الورث كيما كان الحال تزوجنا و الورث صار ليا و شهرين هاكداك مات بابا الله يرحمو مي مقدرتش نطلق مع نرمين  prk واحد الليلة غراني شيطان و صارت حامل جابت ولدي أيهم صح حبيتو انا هي عمري ما حبيتها كانت تطعم في دراهم كل همها الحواس و الماكياج و شوبينق ولدي هملاتو حتا وين ديتو لاكريش و زيد خانزا متعرف تطيب متعرف دير شغل تاع دار مهم انا منحبهاش نتمنى وقتاش نطقها نتاضهرو انو حنا كوبل هايل و نحبو بعضانا أما فدار انا نرقد في بيتي و هي في بيتها غير كي يجونا ضياف تجي ترقد عندي مي des fois متباتش فدار تروح ترقد مع رجال الملاهي علابالي راح تقولو عليا ماشي راجل مي انا مدخلنيش فيها prsk  منغيرش فيها و زيد ماشي خاوتها مرباوهاش و انا راح نربيها دير لي تحب مدخلنيش ديجا ولدي كبر و انا حاب نطلقها نعاود زواج مع وحدة عاقلة مربية دير الحجاب تخاف ربي ... فكرتني في ريتاج سكريتيرة تاعي مطلقة معلاباليش شكون هاد الحمار لي سمح في بنت كيما هي دايمن نحس في حاجا تجبدني ليها معلاباليش واش هي