تزوج و خلاني (باللهجة الجزايرية )

chapitre 9

بسم الله ❤ 

اسمعو الأغنية و نتوما تقراو في الكرونيك

........
وصلوا لدار قابلوهم عجايزهم بالحليب و تمر و و يزغرتوا
... تعداو ليام
كانت ريتاج قاعدا في الجنينة كانت لابسا غوب غوز و خيمار تشرب في القهوة حتى شافت يوسف وصل من الخدمة تعدى عليها سلمت عليه ماردلهاش و الحاجا لي كملت عليها كي حبطت سيرين ليه و حضناتو كانت تشوف فيهم و عيونها يدمعوا  حبت تقولها يوسف ليا بصح متقدرش ... قررت تعترف ليوسف قاع في واش قلبها سنات سيرين خرجت مع ليلي و راحت ليه
طبطبت الباب ردها يوسف : سيرين واش نسيتي يا روحي  علاه متديش المفتاح معاك
و كي فتح تفاجأ ب ريتاج في الباب،  ريتاج: سلام ، يوسف : خير ، ريتاج: معليش نحكوا،  يوسف : إلا نتي حابا تخوني يانيس انا منخونش سيرين حمبوك خطيني،  راح يغلق الباب حتى  حبسو صوتها لحنين و هي تبكي كان حاب يحضنها بصاح حرام عليه ،  ريتاج : غير زوج كلمات يوسف،  يوسف: هاه خير ، ريتاج : ندخل ، يوسف : دقيقة منزيدهالكش،  ريتاج : يوسف حابا تسامحني على الأقل عبرني شوية ماش هاك ، يوسف : كملتي،  ريتاج : يانيس اغتاصبني جاتك نورمال، يوسف: كيفاه!!!! واش نديرلك انا ، ريتاج : يوسف ، يوسف : روحي من هنا كون صح اغتصبك متعيشيش معاه  نسايني روحي  قبل ما تجي سيرين مانيش حاب نخسرها علاجالك،  ريتاج : باهي يوسف نتا دير رأيك و انا ندير رأيي
... دزها يوسف للباب و غلقوا في وجها. .....

ريتاج حبطت لدارها مدمرة في عينيها 1000 كلمة كرهت حياتها حبت تموت بصح لازم تعيش غير علا جال ولدها،  حست انوا كل عالم ضدها أولا عايلتها لي نساتها كل ما يشوفوها تقول شي عاهرة قدامهم ولا يوسف لي عمرها ما تخيلت يخليها هاو خلاها. ...
ريتاج : ااااااااااااا
( كان يوسف وحدو في الدار ) يوسف سمعها و حبط عندها يشوفها و كي لحق لقاها مرمية في الأرض و دم يسيل بين رجليها يمكن البيبي طاح جرا ليها و بدأ يدز فيها : ريتاج عمري فيقي وشبيك ردي عليا متخلينيش محروق عليك صاح مانيش معاك بصح قلبي معاك
.... يوسف كي شاف ريتاج بهاديك الحالة ولا كي طفل صغير يبكي و خاف يخسر روحو جبد عبايا تاعها و رفدها دخلها الكروسة تاعو و ديمارا و كي وصل دخلها لبلوك جا دكتور لعندو
دوكتور: معليش تخلي طفلا متخافش هاكا باش نخسرو طفلا و الجنين
يوسف لي كأن كول مرة يطلع الخمار على شعرها لي طاح : أما ماش نتا لي داويها جيب طبيبا
دكتورة: معليش ني هنا دوكتور رافيق خليها عليا
دكتور : معليش روحي ، و نتا راجل الطفلا، 
يوسف معرفش واش حا يقولو حشم يقولو ماشي مرتي بسيف خرجت كلمة في فمو : لا مرت خويا دوك نعيطلو يجي
دوكتور : قولو يجي يعمر الإجراءات القانونية اللازمة prsk مشكيتش الجنين راح يعيش
يوسف: باهي

يوسف: الوا
يانيس: ولد عمي كيراك
يوسف: نقولك حاجا هدن روحك
يانيس : خير خويا
يوسف: ريتاج راهي في سبيطار و إحتمال كبير نفقدو الجنين
يانيس: وشنو! ! بعتلي العنوان
يوسف: ********
تعداو 20 دقيقة و كولوار تاع لوبيطال معمر بعائلة تاع ريتاج و يانيس
و سعاد من صباح تعيط و تبكي على بنتها و ندم في عيونها تمنات كون سامحتها ريتاج خايفا لا تخسرها معاه و يوسف كان خايف عليها كتر من سعاد كان قاعد في الكرسي صح بأن ماشي مهتم بصح في قلبو قريب يطرطق من الخوف عيونو ماتنحاوش من باب تاع بلوك يسنا طبيبة كاش ما تطمئنلو غاضو طفل لي راح ينحوه malgré ماشي ولدو بصح ولد حبيبتو و روحو لي عايش بيها أما يانيس ولا عابالو بشي من صباح يقسر مع سيرين و يشايخو
خرجت طبيبة جات ليها سعاد
سعاد: خير كاش ما كاين
طبيبة : خير مادام البنت حالتها مستقرة 10 دقايق تنوض أما الولد ربي يعوضكم
سعاد: انشاء الله بنتي ربي يحفضك
طبيبة : واجبي و تانيك لازم تشكري يوسف لي جابها كون ماجابهاش احتمال كبير تموت
سيرين عوجات فمها
سعاد: يحفضك ولدي
يانيس: والله ما ننسى خيرك
يوسف: انا تانيك درت غير واجبي
سعاد: مالا قتاش نقدرو ندخلو ليها
طبيبة: كي تنوض
سعاد: معليه مهم الحمدلله كي خرجت على خير
.........
فتحت ريتاج عيونها و لقات قاع العايلة مجتمعة فوق رأسها
ريتاج: واش صراى
سعاد: يانيس قولو نتا
يانيس: يوسف خير
يوسف شد يد تاع ريتاج
يوسف: احم ريتاح apres نحكو دوك الحمدلله كي خرجتي على خير و الباقي يتعوض
ريتاج حست بحاجة خايبة حبت تستفسر واش صرا كل لي تذكراتو أنها ولات الدار بعدها حست ب الام في كرشها و طاحت
ريتاج : واش لي يتعوض
يوسف معرفش واش يقولها احسن شي  يخليها تستعفا بعدها يقولها خاف لا تزيد تتغاشا من الصدمة معرفش واش حا يقوللها
: لا حتا حاجا غير كلام و صافي قتلك على صحتك كولي مليح باش تبراي
أما هي مقنعهاش كلام لي قالوا سور صرات حاجا ل بيبي شافت في يوسف كيفاش كان خايف عليها معلابلهاش فواش راح تركز في زينو و على يدو لي شاد بيها يدها حست بحنينة عكس يانيس même pas ماقلهاش الحمدلله على سلامتك
ريتاج: كاش ما صرا ليبي
يانيس: ريتاج خلاص استعفاي كول شي بيخير
يوسف: مالا نروح نجيبلك الما
سيرين: حبي جبلي meme انا
................

خلاص البارتي معليش تقولولي واش معجبكومش في الكرونيك باش نبدل شوية فيها و قولولي إلا مليحة الكرونيك
تفاعل اكثر= بارتي جديد

رأيكم يهمني ❤ قولولي في كمنتار متنساوش التسويط ياك باطل