تزوج و خلاني (باللهجة الجزايرية )

chapitre 12

بسم الله ❤ 

،،،،.................
   يوسف: ريتاج
- سمعتوه قال اسمي : خير
يوسف: خلاص ماقلت والو
-: يا ربي قول واش تسحق بديت الهدرة كملها
يوسف: علاه من صباح تحرقي فيا حبيتي تلعبيها خشينة عليا ولا كيفاه
- علابيها هدرلي والله مفهمتو خطرا يحب يقرب ليا و خطرا يبعدني عليه مبعدا يحوس يفهم علاش ني نحرق فيه : يوسف و الله ني نتمنى يجي يوم و نفهمك ياك نتا لي قلتلي بعديني و زيد حتى انا منسحقكش في حياتي جرحتني و خليتني و حاب منحرقكش ماكاش كلمة يوسف في قلبي نتا خلاص تي كرهتك عمرك ما خممت عليا عمرك لا سييت تعرف الحقيقة كذبتني في بالك انا لي خنتك مع فهد بصح في الأخير نتا لي دمرت حكايتنا alors متزيدش تكلمني ما...
قاطعني صوت يانيس: واش كونتو تحكو كي جيت قاطعتوني هه
ريتاج: والو
يانيس: و سيرين
يوسف: راحت عند صاحبتها دوك تولي
- أوف هادا وين حسيت قلبي رتاح من الهم تاعو صاح لازم ننساه إلا كان الحب غير من جيهتي و حتى وإن بانت الحقيقة موحال نسامحو déjà عييت : يانيس معليش نروحو لدار والله عييت بزاف
يانيس : مغير الأحوال هادا وين قلتيلي نخرجو و بعدها تقوليلي نولو لدار
يا ربي شحال يكتر في الهدرا : نولو ولا
يانيس: باهي يوسف تجي
- أوف يا ربي يحب يعرض العباد في كل خرجة ولا دخلة الله لا تربحك
يوسف: منعرف نسنا سيرين
يانيس: اوك بأي
جاز شوية وقت جات عندو سيرين
سيرين: خير واش كنت تهدر مع ريتاج
يوسف: والو هدرة و صافي
سيرين: واش من هدرة شفتها كي كانت تعيط عليك واش لهاد الدرجة مازالك تحبها و انا متخممش عليا  ( شفاي مليح عليها تسما انا ماشي بنادم 😂) هاه علاه راك ساكت قولي روماركيتك كل يوم تشوف معاها و لا فدار تقعد في طاقا تشوفها لجنينة بزاف سكت سكت عييت هاه قولي تحبها ياك هاه تحبها
يوسف: ايه نحبها و نتي واش داخلك
سيرين: صار هاكا  ( بصوت تاع هاداك لي ماشي بنادم 😂) قولي علاه تزوجتني علاه😭
يوسف: منعرف علاه أما أنا نعرف  علاه تزوجتيني
سيرين: prsk نحبك
يوسف: وي تحبيني كي يكون جيبي مفتوح
سيرين: منزيد دقيقة معاك

.......... المهم ولينا لدار روحت ديراكت رقدت
يانيس: ريتاج
- ياربي واش يسحق هادا واش متخلوناش نرقدو : واش كاين
يانيس: والو
ريتاج: مالا علاه عيطتلي
يانيس: بالاكي تحسبيها مفقتلكش على اللعبة لي كنتي تلعبي فيها و الهدرة لي قلتيها ليوسف
- ياربي واش يخرف هادا وحتى إذا سمع ميهمنيش منحبو منبكي عليه الكلب : واقيل صح آمنت بلي نحبك يانيس دير هادي في رأسك عمري لا نسامحك و لا نحبك اصلا رايحين نطلقو لولد لي كان جمعنا أو طاح ماعندي مندير معاك كي نولو ل alger  نطلقو déjà حت وان سمعت واش قلت ليوسف مدخلكش فيه حياتي
يانيس : هادا شرف تاعي
-: شرف تاعك تبخر نهار لي اغتاصبتني
كي قلتلو هاكاك خرج عمباتلي حا يضربني ولا يسبني أما الضاهر خرج شاح فيه وكيلو ربي يخلصها غالية.... 

يوسف يحكي؛: هاد ليام وليت بزاف اتاشي لريتاج و زيد كي خفت عليها هاداك نهار لي تغاشت فيه ليل كامل مرقدتش حسيت روحي تقول شي عينيا لي طاحو و لا بيبي طاحتلو الحلوا تاعو ( ولا مريول طاح لوجافيل على  لاريني تاعو ) و كي قالو البيبي مات قلبي وجعني عليها مسكينة كنت دايمن نشوفها كي تجي من سوق تشري لبسا تاعو و ميهمنيش إلا كنت باباه و لا لا يكفي انو من يماه لي نحبها  ربي يسبرها مسكينة بصح دحكتني كي غارت على سيرين يماما هههه مي ندمت كي قولتلها متزيديش تهدرلي ربحت شعر كانت تزكر فيا و تحرقني معليش خصارة فيا انا لي قيمتها و زيد بعد الهدرة لي قالتهالي مخي خلاص حبس محبتش تفهم que انا مازال نحبها بصح لاغالب كول ما نتفكر العفسة لي دارتهالي نتراجع نكرها و هاه دوك خسرت الهدرة مع سيرين زلقت في الهدرة من صباح محبتش تهدر معايا. ........

خلاص بارتي ❤