تزوج و خلاني (باللهجة الجزايرية )

chapitre 13

بسم الله ❤ 

سمعوا الغنية و نتوما تقراو في الكرونيك

.............
كونت راقدا حتى جا يانيس ليا : ريتاج نوضي
-: واش تسحق
-: ريتاج الهدرة لي قلتيها البارح غير نسايها نتي تعدي في داري مرتي انا
-: من نيتك منسيتش واش درتلي علاجالك خربت حياتي و تزيد تحل في فمك
-: ريتاج ني نحبك
-هههه سمعتو واش قال نحبك : قاع نعرفوا نقولو بصح وين راهم الفعايل هاد الحب وين رآه منقدرش نمسو ولا نشمو و نشوفو حت انك محسستنيش بيه و فليل و نهار تقولي نحبك هه اك من نيتك انا عييت من الحب خطوني منسحق حتى حد
-: سمحيلي😭 سيرين لي خربتلي مخي هي لي دبرت كل شي حتى فهد هي لي حرضاتو يكذب على يوسف
واش رآه يقول هادا: كيفاه مفهمتش
-: يعني هو لقال ليوسف نتي كنتي معاه و زيد هي لي قترحتلي نديرلك هاديك الفعلة سمحيلي
مليح العود لي حقرتو هو لي يعميك : خليني نبدل
: كون يقولك يوسف نولو تولو
-: 2 فيكم منسحقكومش حتى يوسف مادارتش فيا التقية خليه يتعدب ولا يموت عمري ما نوليلو حقا حابا نروح لدار نجيب حوايجي نولي لدارنا
-: ريتاج تعيشي متخلينيش صح غلط معاك بصح سمحيلي معرفش كيفاه نقدر نصحح الغلطة تاعي
-: فاض المكتوب
-: خليني نقول ليوسف الحقيقة هاكا نكون صححت شوية من الغلطة تاعي
-: دير واش تحب مدخلني فيك

.....
أوف واش يجيك من سيرين تقدر دير كل شي أما أنا ميهمني حد بعد ما نطلق نحوس على خدمة و نبدى حياة جديدة بعيد عن الهم و الغم هه حابا نشوف وجه تع يوسف كي يعرف الحقيقة و كي يجي يطلب سماح نموت خير ما نولي لو واش انا عندي كرامة كلب يخلصها غاليا و هاد يانيس معلاباليش واش حاب يدير علابالي ميحبنيش أما تبدل بزاف ليام اللخرين أوف مدخلني فيه
... في هاداك الوقت خرج يانيس عد يوسف
يوسف: واش صحبي 
يانيس : يا خو دوك نولي ل alger 
يوسف: علاه من صباح تحلل فيا باه نجي معاك و دوك نولي تمسخر بيا خو
يانيس: والله طاحو عليا المشاكل
يوسف: ايه !؟
يانيس : نقولك صح .. ريتاج ضالمها
يوسف: كيفاه!؟
يانيس : هي عمرها ما خانتك سيرين لي كانت وراى كل شي
يوسف : معليش تفهميني
يانيس : فهمني هاداك فهد سيرين لي رشاتو بدراهم باه يكذب عليك و ريتاج كانت على نيتها طايحا
يوسف: نقدرو نقولو بصح علاه نتا علاه تزوجاتك
يانيس : أصبر نقولك بصح متزعفش عليا
يوسف: أهدر
يانيس : سيرين دخلتلي فكرة انو نغتاصب ريتاج. .
قبل ما يكمل الهدرة دربو يوسف و شدو في شوميز تاعو
يوسف: تما صح واش قالت ريتاج
و بدأ يكمل يضرب فيه
يانيس : مهما نكون غلطان متنساش روحك حتى نتا معطيطش ثقة لريتاج ههه موحال تسامحك يا صحبي كون امنتها متوصلش لهاد الحال نتا متستاهلهاش تموت و متكونش ليك
يوسف: تبلع ولا نزيدلك سقالي
يانيس : دير واش تحب ريتاج موحال توليلك
يوسف: ربي يأخذك

........
يوسف طلع عند سيرين يسنا الجواب منها حمار مامنش ريتاج موحال توليلو واش دارلها مايرحمش جرجرها كذبها جرحها و دوك تقلب كول شي ندم على كل شي معطالهاش ثقة و خرب كل شي يستاهل كل لي راح يصرالوا
درب الباب و عيط
يوسف: سيرين
يوسف: علاش راك تعيط
سمعت احسان و عمر العياط و جاو ليهم
يوسف: واقيل معلابالكش
عمر: شبي ربك
يوسف : سقسو هادي ال**** تقوللكم
سيرين: عمي شفت واش رآه يقول 😭
عمر:أخرج
احسان: خلاص ولدي ربي يهديك
يوسف: هادي لي راكم دافعو عليها راهي **** تحب دراهم دخلت بيني و بين الطفلا لي نحبها كذبتها علاجالها كلبا تخلصيها غالية جمعي قشك و خرجي دوك منا
عمر: معليش تفهميني
يوسف فهمو كلش
عمر: والله منحشمو الوقت لي بقينا فيه دوك تزوجت وحدا متحبهاش و زيد حبيبتك تسكن معاك
يوسف: تجبدش اسمها هاديك لي راك تشوفها أشرف منكم قاع
عمر دربو بكف و احسان عيطت: ربي يهديكم
ليلي: شبيه ولدك نتي لي فششتيه
يوسف: نتي زادا متهدريش معايا
عمر: نتا لي متزيدش تهدر على واحدا كيفها تهمتنا بشرف تاعنا من وقتاش   وليت تعيط علينا خرج عليا نتا مراكش ولدي و عطيني كول شي يخصني
يوسف: منسحقكومش قاع
في هاداك الوقت سيرين كانت تجمع في قشها تسمعهم في الهدرة تاعهم و تبكي خرجت البرا و تجر في كابا تاعها
فريدة : بنتي سمعت كلشي سمحيلي اقعدي
ريتاج : يما فاض المكتوب

فريدة : ربي يعيشك
ريتاج كملت طريقها و تلاقات بيوسف
يوسف : ريتاج سناي دقيقة
ريتاج : منسنا حتى حد حتى دقيقة
يوسف: سمحيلي مكنتش نعرف
ريتاج : كون درت فيا ثقة كون آمنت نتى باصي بالنسبة ليا  خطيني عمري لا نسامحك
يوسف : واش نديرلك باه تسامحيني
ريتاج : سامحتك بصح عمري لا نولو مع بعض فهمتي
يوسف: ريتاج وين كان علابالي
ريتاج : انا لي حمارة قاعدا هنا نسمعك
يوسف: ريتاج
ريتاج كملت طريقها ركبت طاكسي و أما يوسف جمع قشو و راح لكاش بلاصة خلا كول شي وراه أما يانيس دار نفس الشي. .................

خلاص البارتي نتمنى يكون عجبكم ❤❤