تزوج و خلاني (باللهجة الجزايرية )

chapitre 18

بسم الله ❤ 

_____________________________
غدوة من داك لبست روب نواغ عندها دونتال و خيمار باج صباط بلونش شربت لحليب و رحت لخدمة صباح طيبت القهوة رحت الباب نسنا في امير يجي كي جا عطيتلو القهوة تاعو تبسم
أمير : مناسبة تاع واش
ريتاج : على البارح طيحتها عليك سمحيلي منزيدش نعاودها اعتبرها اعتذار من عندي اوكي ❤
أمير : هههه اوكي حتى انا زدت عليها شوي واش نقدر نديرلك باه نعتذر
ريتاج : يكفي انك ما تعيط عليا 
أمير : هههه اوكي
مروة : سلام ريتاج  خويا لعزيز هاديك المصفارة ماجاتش معاك
أمير : عيب تقوليلها هاكا
ريتاج : ههههه مالا انا نروح
مروة : بأي حبيبتي
ريتاج 😙
______
لحقت 12 ناض أمير جا عندي قالي
أمير : ريتاج واش رأيك نروحو نفطرو دوك
ريتاج : آوكي موسيو أمير دقيقة نكمل واحد دوسيي روح فطر apres نروح نفطر
أمير : لالا حاب نفطر معاك
انا كي قال هاكاك تسمرت في بلاصتي كيفاه تحول 100 درجة
أمير : قصدي نفطرو و نهدرو شوية على خدمة مع محمد
ريتاج : آوكي
سقمت حوايجي و رحت معاه رحنا ل ريستو تاه الخدمة و كل الخدامين يشوفو فينا  قعدنا جا محمد بقينا نهدرو شوية على الخدمة كملنا الماكلا راح محمد و بعدها رحنا حنا
أمير : ريتاج تجي معايا نحوس على كادو لولدي اليوم لانيفرسير تاعو هاكي دعوة تجي لدار
ريتاج توسوست : موسيو أمير يما متخلينيش
قاطعني صوت مروة
مروة : متقوليليش متجيش 😢
ريتاح : متخلينيش ماما
مروة : نروحو دوك نخيرو كادو منبعد نجوزو لدار يماك نقنعوها
ريتاج : ههه اوكي دقيقة نجيب صاك تاعي
مروة : آوكي حنونة
أمير : تلقاينا في طونوبيل
ريتاج : آوكي
رحت طلعت نجيب الصاك تبعتني وحد الخدامة
الخدامة : أي نتي حبسي عندي هدرة معاك
ريتاج : نعام ختي
الخدامة : واش كاين بينك و أمير
ريتاج : علاقة عمل
الخدامة : علاقة عمل ميجيبهاش معاه تفطر معاه
ريتاج : فهميها كيما حبيتي ختي
الخدامة : حمارة
ريتاج : كيما نتي
خدامة : احترامي روحك
ريتاح : بلعي
جبت صاكي و طلعت في الطونوبيل طرب فالباب
أمير : وشبيكي
ريتاج : والو
مروة : ريتاج متكدبيش
ريتاح : وحدة قلقاتني
أمير : شكون هادي
ريتاج : منعرفهاش
وصلنا لحانوت مروة تلاقات مع صاحبتها قعدو يقسرو أما أنا و أمير دخلنا بدينا نحوسو على كاش جوي شفت أمير جاب واحد البوبي
أمير : شوفي هادا يشبهلك
ريتاج : ههههه انا خير
أمير : ههه باربي تاعي
وليت حمرة و قلتلو وشنو
أمير : والو هه
أمير شرالو طونوبيل و انا شريت دبدوب كبير
أمير : ريتاج بزاف عليك علاه تشريلو
ريتاج : عيب نروح و يديا فارغين
مروة : ايه واش راكم دايرين فيها خلاص شريتو
ريتاج : وي خلاص
ركبنا في طونوبيل
مروة : شحال شباب هاد الدبدوب يشبهلك ريتاج ههه
أمير : حتى انا قلتلها هاكا بصح محبتش تامن
ريتاج : ههههه ميشبهليش
رفدت عينيا تلاقاو مع عينيه غمزلي هههه المهبول
رحنا لدارنا من صباح مروة تسيي تقنع ماما بسيف باه اقتنعت رحنا وصلنا لواحد فيلا كبيرة حبطنا كونت نمشي نتبع في امير و انا مدهوشة فدار حتى وين نشوف في يوسف
يوسف : سلام ريتاج
ريتاج : سلام و كملت طريقي
يوسف : ريتاح علاه ديريلي هاكا سمحيلي و الله
ريتاح : راني سامحتك بصح المشاعر لي كانو خلاص راحو تبخرو
يوسف : عطيلي فرصة ريتاج
شفت في امير لي كان يقحرلي
ريتاج : بأي
و رحت كملت طريقي عند أمير
نرمين : علاه جات هادي
ريتاج : جيت عند أيهم ماشي عندك
نرمين : ني نهدر مع أمير
ريتاح : و انا ني نهدر معاك
خليتها رحت حطيت كادو تاعي حتى جا عندي طفل صغير يكون في عمرو 4 سنين
أيهم : طاطا واش جبتيلي
ريتاج : هههه كادو مالازمش نقولك  apres  تعرف واش فيه هاكا
أيهم : آوكي
كونت نلعب معاه هو و صحابوا و نرمين غير تقحرلي الحمارة
خلاصت الحفلة و أيهم فرح بزاف ب كادو تاعي قالي أمير توصلك و أيهم بدى يبكي جا معايا يوصلوني كي لحقت لدارنا دور ليا  أمير و قالي 
أمير : ههه واش درتي لايهم حتى حبك ههه
ريتاج : هههه و الله ما علابالي
أيهم : بابا نبات عند طاطا
أمير : خترا الجاي
أيهم : واع ع
ريتاج : عمري متبكيش غدوة أرواح لازم تروح تجمع ليكادو تاعك سينو صاحبك يسرقهملك
أيهم : أي صح بأي أي غدوة كي نجمعهم نجي
ريتاج : هههه اوكي بأي مواح
أيهم : زيدي بوسا لبابا
ريتاج : هههه بأي غدوة
قبل ما نخرج شدني أمير من يدي و باسني قدام شفافي
ريتاج : موسيو أمير راك في عقلك
أمير : هاد المرة قصدتها وي راني في عقلي و زيد أيهم لي طلب ماشي انا أيا بأي
انا تسمرت في بلاصتي معلاباليش واش حا نقول روحت دخلت لدار بدلت قشي لبست بيجاما تعشيت رحت لبيتي و بقيت نتفكر في امير واش دار مازالني في هاداك الشوك بصح هادا وسمو خيانة باينا حاب يتمسخر عليا واش خصها نرمين هي شابا عليا واش لي يخليه نعجبو باينا يتمسخر بيا حمار

غدوة من داك رحت لخدمة قلت سلام لأمير مردليش و شبيه هادا كول دقيقة يتبدل خطرة يضحك معايا و خطرة يزعف عليا وشبي جدو و زيد نورمالمو انا لي راح نزعف منو على واش دار البارح ماشي هو
بديت نخدم و هو مهدرتش معايا قاع وصلت الخمسة خرجت تلاقيت معاه في الباب تاع شركة قولتلو
ريتاج : بسلامة راني رايحا غدوة أنشأ الله 
أمير :
ريتاج : أي نتا واش بيك علاه متهدرش احترمني شوي
أمير : ريتاج على واش صراى البارح. .........

________________
خلاص البارتي ❤